Sonraí an Agallaimh

Ainm:	Seosamh Mac Daeid
Áit Chónaithe:	Cluain tSaileach, Na Dúnaibh, Na Dúnaibh, Leitir Ceanainn.
Áit Dúchais:	Cluain tSaileach, Na Dúnaibh

Dáta

Bailitheoir

sdgsdg

22/05/2006

Dónall Dinny Ó Gallachóir

**Catagóir: Ceirdeanna agus Cothú an Tí**
Fochatagóir	Cur Síos
Iascaireacht	Ba as Fánaid a athair mór – Dónall Ó Gallchóir. Ba as an Bhun Bheag a mháthair mhór. Thóg sé bádaí agus dhíol sé iad. Bhíodh Dónall ag iascaireacht ar bhád 'An Daily Star' le hathair Sheosaimh. Bhí tréan iascaireachta ann an t-am sin. Théadh a athair mór go hAlbain ina bhlianta deireanacha. Tá sin uilig imithe anois.
Ceirdeanna agus Gairmeacha	Uncail de Sheosamh ag déanamh bairillí thíos ag an ché – cúipéir a bhí ann. Sin an cheird a bhí aige – bhog siad ó áit go háit – an áit a mbeadh iascaireacht. Obair mhaslach a bhí ann. Críochnaíonn an píosa seo go tobann.
Ainmhithe, Beithígh agus Eallach	An gabha a bhí ar an bhaile – é féin agus a mhac. Beithigh uilig a bhí ann san am sin – cha raibh sé ábalta coinneáil suas leis an obair, bhí an oiread sin ann. Deireadh leis an cheird sin fosta.
Iascaireacht	Iascaireacht agus McNutts – na slite beatha a bhí sna Dúnaibh an t-am sin. Chríochnaigh an dá cheann. Muintir Thoraí ag iascaireacht na mbradán fá na Dúnaibh. Cha raibh suim ag an aos óg san iascaireacht.
Móin	Baint na mónadh. Cha raibh portach ar bith sna Dúnaibh agus bhí an talamh maith glas dá bharr. Bhí píosaí portaigh ann taobh amuigh de Charraig Airt (thiar sa Leacaí) – ar cíos fá choinne cúig scilling sa bhliain. Shiúil siad píosa maith ansin – le hasal. Bhí an mhóin maslach. Bhí an Chomhairle Contae ag baint na mónadh i rith an chogaidh agus thug siad bachtaí do dhaoine.
Eacnamaíocht an Teaghlaigh	A chuimhní ar am an chogaidh. Bhí ganntanas i bplúr, arán, tae – bhí achan rud gann. Cha raibh solas ná ola ann – solas na tine a bhí acu. Cha raibh mórán céille aige ag an am sin. A chuimhne ar an chéad charr – cha raibh mórán ann – bhí siad gann fosta. Cha raibh daoine ábalta ola a fháil.

**Catagóir: An Ealaín Bhéil**
Fochatagóir	Cur Síos
Scéalaíocht	An fear a fuair pota an óir – Leslie Lucas. Nuair a bhí Seosamh beag agus ag dul 'na scoile, chuala sé go bhfuair an fear seo pota óir os comhair na reilige. Bhí an t-iomrá go raibh ór ansin. Bhí an léarscáil ag an fhear seo agus bhí poll san áit ar tógadh rud inteacht amach as na carraigeacha – “idir Luí an Mhadaidh agus Suí an Chait”. Bhí cúpla leabhar scríofa ag an fhear seo.

**Catagóir: An Duine**
Fochatagóir	Cur Síos
An Óige agus Aois	A chuimhne ar a óige, lear imirce, ní raibh obair ar bith sa bhaile. D’fhág sé an scoil ag 14 bliana. Costarnocht ó Lá Fhéile Pádraig go hOíche Shamhna. Ag buachailleacht do dhaoine, ag obair le móin agus le hasail. Baint phrátaí. Ní raibh an t-airgead mór. Bhí daoine carthanach ag an am. Corr lá fá Óstán Rosapenna ag cadráil leis na bodaigh. Daoine ó Bhaile na nGallóglach [Milford] – dhíolfadh cuid acu go maith. Bhí an t-óstán ag gabháil go maith agus cha raibh oiread tithe san áit.

**Catagóir: Lonnú agus Cónaí**
Fochatagóir	Cur Síos
Feirmeacha	Bhí suim aige i bhfeirmeoireacht i gcónaí – eallach agus caoirigh. Choinnigh sé iad i gcónaí le cois an obair i McNutts. Sin an rud a bhí daoine cleachtaithe leis san am sin ach tá athrú ar achan rud anois. Ceannófar prátaí agus uile rud. Go leor oibre leis sin anois – níos saoire le ceannacht.
An Teach Cónaithe	Tógáil an tí agus an tseanteach. Tithe ceann tuí uilig a bhí iontu an t-am sin. Ansin thosaigh Tithe Gaeltachta – deontais a bhí ar fáil. Bhí go leor teaghlach le scaifte mór in achan teach. Muiríneach gann fosta. Plandáladh ansin í do na daoine – obair mhór leis seo fosta.

**Catagóir: Stairsheanchas**
Fochatagóir	Cur Síos
Imirce	Imirce go hAlbain – bhí a athair curtha fán am sin agus bhí a mháthair beo go fóill. Bhí Seosamh ag obair ar fheirm agus bhíodh siad amuigh san aimsir fhliuch ach cha raibh an pá iontach maith. Cruacha móra féir agus mataí móra coirce le hiompair. Bhí an obair crua. Chuaigh siad anonn in 1952 agus fuair siad páighe £7 sa tseachtain. Thiocfadh leo suas le £14 a dhéanamh le ragobair. Ag toiseacht ar a seacht a chlog ar maidin. An caitheamh aimsire a bhí acu ag an deireadh seachtaine le daoine as an bhaile, tráthnóna Dé Domhnaigh ag damhsa, srl. Bhí lóistín maith agus tréan bia acu. Scríobh sé chun an bhaile achan seachtain agus chuir se airgead chun an bhaile fosta. Tháinig sé chun an bhaile ar saoire, d’imigh a dheartháir go Meiriceá, bhí a mháthair ag iarraidh air fanacht sa bhaile agus mar sin de d’fhan sé.
Teangacha a labhairt in Éirinn	Gaeilge uilig a bhí ar na Dúnaibh. Measann sé féin go bhfuil sí ag dul chun cinn arís. Tháinig meath uirthi tamall – le daoine coimhthíoch, páistí ag dul 'na scoile gan Gaeilge acu.
Imirce	Ag gabháil go hAlbain ar bhád Dhoire. Píosa maith le siúl le do mhála agus lá i nDoire ansin ag fanacht leis an bhád. Bhí an bád garbh salach, bhí eallach ann agus bhíodh daoine tinn gan áit le suí. Fuair Seosamh bus go Dún Éideann ansin mar bhí deirfiúr agus deartháir s’aige ina gcónaí ann– bhí a dheartháir ábalta treoir a thabhairt dó.
Gníomhartha Foréigin	An Tiarna Liatroim. Fear de na fir a mharaigh é, bhí sé á sheachnadh i dteach athair mór Sheosaimh. Ag caint ar na rudaí a rinne an Tiarna Liatroim – bhí sé ag dul a chur na tionóntaí uilig amach. Mharaigh ceathrar fear é – Mícheál Ó hOireachtaigh agus an Táilliúir Rua san áireamh. Bhí na gunnaí plugáilte le páipéar ó na leabhair scoile. Sin an dóigh a raibh a fhios acu cé a mharaigh é. D’fhéach siad cúpla iarraidh. An dóigh a maraíodh é sa deireadh le butt an ghunna. Níorbh é an Tiarna Liatroim an tiarna talún a bhí i gCluain tSaileach.

**Catagóir: An Pobal**
Fochatagóir	Cur Síos
Obair	Thosaigh sé ag obair in McNutts. Cha raibh an pháighe maith – bhí tú ag foghlaim ar feadh 3 mhí agus ag fáil £1 sa tseachtain. Cha raibh dúil aige san obair. Trí scilling le díol sa lá ar an dinnéar a fuair sé. Seanchas ar Shiopa McNutts agus ar theaghlach McNutts iad féin. Thraenáil sé féin ar an tseol. Cur síos beag ar an obair a rinne sé. Chruthaigh siad lear oibre thart ar an cheantar. Bhí 30 ag obair ar na seoltaí le cois oibrithe eile. An t-ábhar a bhí á dhéanamh acu, ábhar do throscán, le caitheamh, garbh agus mín. Á chur uilig ar shiúl – go Meiriceá, go dtí an Ghearmáin agus go dtí an Vatican (do throscán). D’ardaigh an pháighe de réir a chéile. Ní raibh cead acu ceardchumann a bheith acu. Bhí sé ansin 26 bhliain. Tháinig an olann as Galashiels in Albain.

**Catagóir: An Nádúr**
Fochatagóir	Cur Síos
Stoirmeacha agus Gaotha Móra	Bliain na gaoithe móire in 1957. Bhí sé ag obair i McNutts agus d’éirigh an ghaoth i lár an lae. A chuimhne ar an lá sin. An dochar a rinne an ghaoth ar an áit a raibh sé ag obair. Rinneadh damáiste mór – tithe ceann tuí stroicthe as a chéile.

Theme by Danetsoft and Danang Probo Sayekti inspired by Maksimer