Sonraí an Agallaimh

Ainm:	Paddy Vaughan
Áit Chónaithe:	Carraig Airt, Carraig Airt, Leitir Ceanainn.
Áit Dúchais:	Carraig Airt

Dáta

Bailitheoir

sdgsdg

23/03/2009

Dónall Dinny Ó Gallachóir

01/04/2009

Dónall Dinny Ó Gallachóir

**Catagóir: Stairsheanchas**
Fochatagóir	Cur Síos
Stair an Teaghlaigh	A chúlra – ba as Drom na Mónadh a mháthair mhór Mary Mc Ginley agus phós sí an táilliúir Paddy Vaughan. Bhí sí ag obair in sean Óstán Ros na Binne agus fosta don dochtúir Mc Closkey. Phós sí an “journeyman tailor” ach d’imigh seisean gan dóigh agus thóg seise an teaghlach nuair a ghlac sí teach ar cíos i gCarraig Airt ón Tiarna Liatroma.
Daoine Aitheanta go hÁitiúil	Seanchas Chit na mBó (Houston), bean siúil, a thiocfadh as Mín na gCapóg go Carraig Airt. Bhíodh bó, caoirigh agus túirne léi. Chaitheadh sí an samhradh i gceantar Charraig Airt / Na Dúnaibh. Bhíodh sí ag déanamh earraí do na daoine, stocaí, blaincéid agus geansaithe.
Tubaistí Áitiúla	Is cuimhin le Paddy nuair a fuarthas corp ar an chaorán ar an Chraoslach nuair a bhítear ag baint mhóna. Am eile bádh bean in Loch Eibhlín nuair a bhí sí ag gabháil a dhíol an chíosa leis an Tiarna Talún.
Daoine Aitheanta go hÁitiúil	Píosa beag fá Mary Mc Gee a bhí ag teagasc i nDoire Thairbh in 1912 agus briseadh as a post í siocair go raibh sí i gCumann na mBan.

**Catagóir: An tOsnádúr**
Fochatagóir	Cur Síos
Áit Chónaithe na Sióg	Scéalta faoi na sióga: scéalta fá cheantair uasal ina bhfuil cónaí ar na sióga.

**Catagóir: An Pobal**
Fochatagóir	Cur Síos
Obair	Ag iompar lóid móna agus gairbhéil leis an leoraí. Bhí obair mhaslach go leor i gceist.
Cleachtas Scoile	Scoil Devlin Ria – thug an máistir greadadh iontach dona scoláirí agus d’fhág sé an scoil ag trí bliana déag. Bhí fuath aige ar an scoil.
Obair	Thosaigh sé ag obair don dochtúir Mc Closkey ar na “golfing greens”. Thiomáin sé leoraí níos moille i gceantar Ghort an Choirce, Fánaid agus araile. Shaothraigh sé £2-10/- sa tseachtain. A chuimhne ar an am a bhí se ag déanamh an obair sin. Thosaigh sé ansin ar obair thógála agus rinne sé obair leictreach le conraitheoir Patrick Boyce. Ansin níos moille le Johnny Mc Gettigan agus rinne sé obair adhmadóireachta agus araile.
An Sagart	Seanchas an tsagairt Doiminic Ó Domhnaill a d’athraigh go dtí an creideamh Phrotastúnach le bheith ina mhinistir. Thit sé i ngrá le cailín beag sa chomharsanacht agus phós sé í. 1766 – 1774. Léigheann Paddy dán beag a deirtear a scríobh máthair nó deartháir an tsagairt ag iarraidh air pilleadh ar an chreideamh Chaitliceach.
Tiarnaí Talaimh agus Tionóntaí	Seanchas an Tiarna Liatroma agus an lá a maraíodh é. Deir Paddy go raibh sé ag gabháil a dhíshealbhú daoine an lá sin nuair a rinne triúr as Fánaid luíochán air agus mharaigh siad é. Ba buille ó bhuta gunna a mharaigh é.
Obair	A chuimhne ar dhódh na ceilpe agus a thabhairt go dtí an Chraoslach.
Obair	Lean Paddy ar aghaidh leis an obair leictreach. Bíonn sé ag dul den adhmadóireacht go fóill fosta. Dar leis go bhfuil níos mó seansanna ag an aos óg anois le gairm a fhoghlaim ná mar a bhí aige féin.
An Sagart	An Cardinal Logue, bhí sé in éadan daoine cosúil leis na scríbhneoirí Patrick Mc Gill agus Séamus Moore a scríobh ábhair nár shásaigh an cliarlathas.
Obair	Ag tabhairt ar shiúl prátaí ar na leoraithe. D’iompair sé gual agus beoir fosta nuair a bhíodh stailc ann.

**Catagóir: An Duine**
Fochatagóir	Cur Síos
An Faire	Sean nósanna / gnásanna i dtithe faire . Dead ringer (cloigín a chuirtí sa chónra agus dá mbíodh bogadh ar bith sa chónra, dhéanadh an cloigín trup). Scéal faoi Ghort na Bráid nuair a chur sagart an ruaig ar an diabhal. Chuirtí as an chlog nuair a gheobhadh duine bás agus thiontaíodh an scáthán in éadan an bhalla. Fuair sé féin comhartha báis – “death nip”, comhartha le guí ar shon na mairbh.
An Óige agus Aois	An saol mar a bhí agus an t-athrach a tháinig air. An bia agus na hearraí a bhí acu.

**Catagóir: Ceirdeanna agus Cothú an Tí**
Fochatagóir	Cur Síos
Ceirdeanna agus Gairmeacha	An obair a bhíonn ar siúl aige féin, tá sé iontach maith lena lámha, ag déanamh carranna asaile agus carranna beaga. Tá sé ag cóiriú muileann a cheannaigh sé fosta, a tógadh thart ar 1938. Níl mórán acu le fáil anois.
Ainmhithe, Beithígh agus Eallach	Ba ghnách le daoine muca, eallach agus caoirigh a thiomáint go Doire, Cosán na Muc. Is minic a maraíodh daoine nuair a dhéanadh na gadaithe bóithre luíochán orthu agus iad ag teacht ar ais i ndiaidh a gcuid ainmhithe a dhíol.

**Catagóir: Lonnú agus Cónaí**
Fochatagóir	Cur Síos
Seanfhoirgnimh	Óstán Charraig Airt – a chuimhne ar na huaisle a thagadh go rialta agus a d’fhan san óstán agus bhíodh cuid mhór ag fanacht in óstán Ros na Binne fosta. Ba’n Tiarna Liatroma an chéad úinéir óstán Ros na Binne. Tá seanchas an dá óstáin ag Paddy anseo.
Tithe Cráifeacha	Seanchas na dtithe pobail, Caitlicigh agus Protastúnaigh. Tógadh iad thart fan am chéanna.

**Catagóir: Nósanna agus Piseoga**
Fochatagóir	Cur Síos
Dúnmharú	Píosa beag faoin am a maraíodh an Mairtíneach ,“Inspector Martin” i nGaoth Dobhair agus seanchas beag faoin Tiarna Olphert.
Nósanna agus Piseoga	Scéalta pisreogach agus sióga.

**Catagóir: Taisteal agus Gnó**
Fochatagóir	Cur Síos
Iompar Nua-Aimseartha	A chuimhne ar na chéad carranna agus leoraithe ar an bhealach i gCarraig Airt. A chuimhne ar am an chogaidh agus ar bhaint na móna nuair a bhíodh an gual gann. Thagadh na saighdiúirí as Campa Fhionnúrach ag baint mhóna i gCarraig Airt sa tsamhradh.

**Catagóir: Cluichí agus Caitheamh Aimsire**
Fochatagóir	Cur Síos
Damhsa	Halla damhsa “An Northstar Ballroom” i gCarraig Airt. Na bannaí a bhíodh ag buaileadh ann agus na daoine a bhíodh ag ceol ann.

Theme by Danetsoft and Danang Probo Sayekti inspired by Maksimer