Bealoideasbeo.com
Acadamh na hOllscolaíochta Gaeilge
Ainm: | Máire Uí Chanainn | |
Áit Chónaithe: | Machaire Rabhartaigh, Mín Lárach, Cloch Cheann Fhaola. | |
Áit Dúchais: | Machaire Rabhartaigh |
Fochatagóir |
Cur Síos | |
---|---|---|
Ainmhithe agus a dTáirgí | Ag coinneáil scrathóg muice le haire a thabhairt d'oibriú an choirp. Ag coinneáil fuil muice le bruith i min choirce le hithe cosúil le lúbán dubh. Bhí daoine i bhfad níos folláine ná mar atá anois ach bhí aicídí ann cosúil leis an chréachta (TB). |
Fochatagóir |
Cur Síos | |
---|---|---|
Paidreacha | Sean urnaí a bhí ag a seanaintín: Tabhair sin anocht, go bliain anocht, ‘s na grásta is mó, ‘s na peacaí is lú, Má chí Dia aon duine againn idir dhá chomhairle, Go seolaí Dia ar chomhairle an leasa muid, ‘s go sábhála sé muid ar ár dtrí namhad, Má tá an saol an diabhail agus a cholainn. Go sábhála sé muid ar aicídí, ar ghalair ghránna, ar chré an tinibh agus ar uisce, Ar náire shaolta, ar scannail phoiblí? Ar éagóir carad, ar dhrochshúil a amharcann ar aon duine, Ar dhrochshúil a bheith ag aon duine dúinn Agus ar mhaithe lenár gcomharsana. |
|
Logainmneacha | Logainmneacha, Poll Gorm (Blue Pool). Deir sí gur lucht na Gaeilge a bhí ag teacht go Coláiste Uladh a thug an t-ainm sin air, go háitiúil tugadh an Loch air. Leagadh clocha amach thart air atá cosúil le huaigheanna beaga le clocha ina mullach, ach deir na seandaoine gur an fharraige a rinne é. Tá a tuairim féin ag Máire faoi. | |
Logainmneacha | Tuilleadh faoi logainmneacha, 'an Céideadh'. Tig an t-ainm ó roinnt an talaimh. (Páirt / Céadú de choimín). | |
Logainmneacha | An Clochán idir Inis Bó Finne agus tír mór, tá ceann eile in Machaire Uí Rabhartaigh. |
Fochatagóir |
Cur Síos | |
---|---|---|
Obair | Ag caint ar obair shamhraidh, jabanna in óstáin. An t-idirdhealú a rinne na mná rialta, nach dtiocfadh leis na cailíní seo airgead a shaothrú ag obair taobh amuigh den bhaile. Chuir an cogadh deireadh leis sin. Rinneadh idirdhealú idir na mná rialta a bhí ina múinteoirí agus iad sin nach raibh fosta. Bhíodh naprúin ghorma agus bhána ar na mná rialta nach raibh ag teagasc. | |
Na Scoltacha Náisiúnta | Thosaigh Máire ag teagasc ar an Chaisleán Nua, ag ionadaíocht do bhean as Gaoth Dobhair. Ní raibh mórán eolais aici an uair sin, ní raibh taithí aici. Ina dhiaidh sin fuair sí post eile mar ionadaí arís i gCo. an Chabháin, bhain sí sult as. Bhí sí ina cónaí ar fheirm agus bhí beithigh acu. Rinne sí cúpla mí ansin go bhfuair sí post lánaimseartha i Ráth Mealtain ar feadh cúpla bliain. Ansin fuair sí post istigh in Inis Bó Finne. Bhí lúcháir uirthi leis sin mar go raibh sí ag iarraidh post sa Ghaeltacht. Bhí sí 18 mbliana ansin. Thóg sí féin agus a fear teach istigh ar an oileán agus bhí saol ar dóigh ansin. A cuid ama ar scoil. | |
Na Scoltacha Náisiúnta | Bhí sí ag teagasc i nGort an Choirce fosta, bhí sí breá sásta ansin. Chaith sí 22 bhliain ansin. Bhain sí sult as an am a chaith sí ag teagasc. Scéal greannmhar faoin uair a ndeachaigh sí chuig faoistin leis an scoil. | |
Na Scoltacha Náisiúnta | Scéal greannmhar faoi ghasúr beag ar an scoil agus a chuid léitheoireachta. | |
Obair | Iad ag baint na múiríní agus na bprátaí thíos ar an Dúbhaidh. Tá barraíocht coiníní ann anois le rud ar bith a chur ann. | |
Gaol Sóisialta agus Teaghlaigh | Cuimhní ar a hóige, tógadh i Machaire Uí Rabhartaigh í. A cuimhní ar ainmhithe sna tithe. Fuair a máthair bás nuair nach raibh sí ach coicís d’aois, thóg a haintín í. Ba as Machaire Uí Rabhartaigh a hathair agus as An Fán Mhór a máthair mór, Margaret Johnny Ghallchóir. Mar a casadh a hathair mór agus a máthair mór ar a chéile. Ag dó ceilpe ar an ché. | |
Obair | An saol a bhí aici, ag buachailleacht agus ag ithe glasraí amuigh sna cuibhrinn. Luibheanna a d'fhás, bhíodh siad ag ithe biolair (watercress). Ag tabhairt aire do na lachan agus don eallach, ag déanamh eadra agus ag obair leis an mhóin. | |
Na Scoltacha Náisiúnta | Ag dul 'na scoile, Fanny Johnny Earcáin an múinteoir as Gort an Choirce agus an máistir Ó Gallchóir as Gaoth Dobhair, Seán Hanraí a bhí ina chónaí ar an Ardaí Bheag, a bhí aici. Rinne sí scrúdú ullmhúcháin don choláiste le dhul ar aghaidh le cúrsa múinteoireachta a dhéanamh agus fuair sí scoláireacht le freastal ar Choláiste Bhríde in 1935. | |
Oideachas | Ag imeacht go Coláiste Bhríde i mBaile Chonaill ag 13 bliana d’aois, bhí cumha uirthi nuair a chonaic sí na crainn uilig san áit. Bhí daoine as Fánaid, Gort an Choirce, An Bhealtaine agus Doire Chonaire léi ar an choláiste. A cuimhní ar a cuid ama ansin agus ar na mná rialta. TÁ BRISEADH SA TÉIP AG 46:56.0 SEO DEIREADH TAOBH 1. Cur síos ar an áit. Ní raibh cuairteoirí ar bith aici. Shocraigh sí sa choláiste i ndiaidh tamaill agus bhain sí sult as. Na hábhair a rinne sí, eolaíocht agus luibheolaíocht agus na cluichí camógaíochta a d’imir sí. Ag an deireadh seachtaine bhíodh siad ábalta a dhul go dtí an trá le siúl. Corr chuairt óna colceathar a bhí ina cónaí ar an Bhaile Úr. Chuaigh sí 'na bhaile ag an Nollaig. Na rialacha agus iad ag ithe. Bhí cailíní aimsire acu leis an níochán a dhéanamh. |
Fochatagóir |
Cur Síos | |
---|---|---|
Fáinne na Sióg | Níl mórán tithe ar Oileán Dúiche anois, níl cé ar bith ann ach oiread. In Inis Bó Finne fuarthas babhla nó cupán déanta as cloch ach measann sí gur cailleadh é. Chonaic sí fáinne sí ar an chnoc os cionn na scoile. Bhí dath níos éadroime ar an fhéar san fháinne. Deirtear gur seo an áit a mbíonn na sióga ag damhsa. An oíche ar tháinig na sióga aniar an bhealaigh mhóir agus isteach chun tí chuig seanbhean a chónaigh ar an oileán. | |
Sióga | Scéal ag Máire faoin uair a raibh sí i dteach na scoile agus chuala sí an siosarnach ar an taobh amuigh ach nuair a d’amharc sí amach ní raibh duine ar bith ann. Mheas sí gur na sióga a bhí ann. | |
Sióga | Séideán sí ar an fharraige. Earc sléibhe a chonaic sí ar an phortach (lizard). Scread an bhean sí. An fear gorta. | |
Sióga | Scéalta sí: Daoine ag dul ar seachrán agus gan míniú ar bith air. Lá amháin, chuaigh sí chuig an trá lena haintín, bhí ceo ann agus d’imigh siad ar seachrán. Tharla sé di cúpla iarraidh ó shin, i mBaile Átha Cliath, i Leitir Ceanainn agus ar an Fhál Carrach, an áit a ndeachaigh sí ar seachrán. |
Fochatagóir |
Cur Síos | |
---|---|---|
An Teach Cónaithe | Teach ceann tuí ar chónaigh siad ann ar dtús. Tithe seascar a bhí iontu. Cur síos ar an taobh istigh den teach, tine mhór sa chistin agus lampa crochta ann. Tábla faoin fhuinneog agus ceann eile faoin leabaí sa chistin. Adhmad thart ar an leabaí agus ag crochadh den tine. | |
An Teach Cónaithe | An talamh a bhí idir na tithe agus na teaghaigh sa cheantar. Seanteach ar pósadh a haintín ann ina ndéanfadh an sagart stáisiúin na croise ann, cur síos ar na málaí saic a chuireadh siad síos ar an urlár agus iad ag ullmhú an tí roimh theacht an tsagairt. | |
An Teach Cónaithe | An troscán a bhíodh acu, drisiúr, miasa, babhlaí. Focail a bhí in úsáid, ainmneacha ar earraí sa teach. Na soilse a bhíodh acu agus na cinéalacha urláir a bhíodh acu. |
Fochatagóir |
Cur Síos | |
---|---|---|
Eacnamaíocht an Teaghlaigh | Ag saothrú airgid ag an am, ag iascaireacht scadáin, ag talmhaíocht, eallach. Ní raibh le ceannach ach plúr, tae agus siúcra. Bhí prátaí, cál, tornapaí agus meacain acu féin. An luach a bhí ar mhála plúir, 16 scilling a mála. Rinne siad a gcuid aráin féin ar an tine. Rinne siad im fosta, tá cuinneog aici go fóill. Cur síos ar an dóigh ar bhuail siadsan an t-im. |
Fochatagóir |
Cur Síos | |
---|---|---|
Teangacha á labhairt in Éirinn | Na daoine a chur an Béarla chun cinn sa cheantar, measann sí nach raibh mórán daoine anseo ar dtús. An tseanbhean a labhair faoi na chéad daoine a tháinig trasna na Mucaise, nach raibh a dhath le feiceáil ach an toit a bhí ag na cailleacha dubha i mBun an Inbhir. Colm Cille agus Cnoc na Naomh. Comharthaí a bhfuil a fhios ag Máire fúthú maidir le daoine a bheith ag socrú idir Mhachaire Rabhartaigh agus ché Bhaile an Easa. Ag iompair móna idir an dá áit. | |
Díshealbhuithe Áitiúla | Bhí píosa maith talaimh i mBaile Chonaill agus ba leis an Olphartach é. Díshealbhú i mBaile Chonaill agus i Machaire Uí Rabhartaigh. Scéal Mary Thomas (Mary Robinson a bhí uirthi). Bhí asal agus gabhar sa teach cheann tuí a bhí aici. Bhíodh sí ar shiúl fríd an tír le bascaed ag díol earraí. Tamall sula bhfuair sí bás dúirt sí go raibh aingil agus daoine marbha ag tabhairt cuairte uirthi. |
Fochatagóir |
Cur Síos | |
---|---|---|
Aontaí | Ag marú na muice nuair a bhí sí óg. Bhí muc bheag acu sa bhaile a cheannaigh siad ar an aonach. Tháinig an búistéir leis an mhuc a mharú. Ag baint an fhionnaidh de chraiceann na muice le huisce te. Cur síos ar mharú na muice agus á tabhairt ar shiúl ar an traein. |
Fochatagóir |
Cur Síos | |
---|---|---|
Comparáidí idir na Glúnta | Athruithe sa saol, na mná mar a bhíodh san am sin agus mar atá anois ó thaobh éadaigh, gruaige, srl. Ní raibh scolaíocht ann san am sin ach amháin sa gheimhreadh nuair nach raibh mórán oibre le déanamh, gan mórán Béarla. Bhí ganntanas bia ann le linn an chogaidh ach ní raibh amanna eile, bhí lachan, cearca, uibheacha, bainne, srl. acu féin, ní raibh mórán le ceannach. |
Fochatagóir |
Cur Síos | |
---|---|---|
Oileáin | Snáthaid cnámh (bone needle) a fuair Máire istigh ar an oileán in Inis Bó Finne uair amháin, bhí sí i nGort an Choire ag taispeántas uair amháin agus i mBaile Átha Cliath fosta. Fuair sí an tsnáthaid in áit a raibh clocha dóite, rud a léiríonn go raibh daoine ina gcónaí ann ag pointe éigin. Fuair sí píopa beag ann fosta. |
|
Oileáin | Cónaí / taisteal go hoileán Inis Bó Finne. | |
Oileáin | Seanchas Oileáin Dhúiche amuigh ar chúl Inis Bó Finne. Bunús an ainm. Bhí teach an phobail ann a raibh clocha de shórt éigin cosúil le bró istigh ann, chonaic Máire iad. Deirtear gur clocha a bhí iontu le plúr a dhéanamh le sórt inteacht de chomaoineach a bheith acu fadó. An cónaí deireannach a bhí ar an oileán, Clann Uí Bhríde, ba ghnách leo beithigh a thabhairt isteach chuig an oileán trasna an Chlocháin. | |
Oileáin | Chaith sí saol maith, bhain sí sult as a cuid ama istigh ar Oileán Inis Bó Finne, go háirithe roimh am na Nollag. Bhí na páistí beag agus chaitheadh sí bréagáin Dhaidí na Nollag a chur i bhfolach. A cuimhní ar an am sin agus ar an tseanfhear, Paidí Dick, ag scéalaíocht. Deireadh sé an paidrín gach oíche, cur síos ar an dóigh a ndeireadh sé Ár nAthair. |
Theme by Danetsoft and Danang Probo Sayekti inspired by Maksimer