Bealoideasbeo.com
Acadamh na hOllscolaíochta Gaeilge
Ainm: | Feidhlimidh Ó Domhnaill | |
Áit Chónaithe: | Leitir Catha, Croithlí, Gaoth Dobhair. | |
Áit Dúchais: | Leitir Catha |
Fochatagóir |
Cur Síos | |
---|---|---|
Iompar Nua-Aimseartha | An chéad charr sa cheantar. Fear ón gharáiste ar an Chlochán Liath a raibh seancharr aige, ba ghnách leo é a choinneáil ag dul suas an mhullach go bhfeiceadh siad an n-éireodh leis dul go barr an mhullaigh. Ní raibh cumhacht ar bith ann. Carranna eile sa cheantar fosta. |
|
Aontaí | D'fhan a mháthair agus a dheirfiúr sa bhaile ag déanamh obair na bhfear, ag amharc i ndiaidh an eallaigh, an féar, an coirce le cois obair istigh sa teach. Bhí na fir uilig ar shiúl an uair sin ón samhradh go dtí aonach an gheimhridh. Bhí saol crua ag na mná. | |
Cosáin agus Bóithre | A chuimhne ar thógáil bhealach Mhíne Buí. Nuair a tógadh an bealach idir Leitir Cath agus An Chlochán Liath, sé chloch mhíne buí a thugtaí do na fir ag deireadh na seachtaine mar phá. Tóadh é ar bhachtaí. |
Fochatagóir |
Cur Síos | |
---|---|---|
Daoine Aitheanta go hÁitiúil | A chuid seanchas faoi Mháire an Chlochán Léith a rugadh agus a tógadh i Leitir Cath. Bhí cúigear clainne ina teaghlach. D’fhág sí an baile agus d’imigh sí go dtí an Nua-Shéalainn i ndiaidh easaontas idir í féin agus a hathair. Bhí sí ag dul amach le hoifigeach den RIC agus chur a hathair deireadh leis an chaidreamh. Ar an bhád casadh fear as Contae an Chláir uirthi agus pósadh sa Nua-Shéalainn iad. Fuair sí bás nuair a bhí sí 19 mbliana d’aois agus fuair a leanbh bás 4 mhí ina dhiaidh sin. Ní raibh tuama ar bith ar a huaigh go dtí go ndeachaigh fear, Páidí Bán Mac Ruairí amach le hairgead a cruinníodh ar an Chlochán Liath fá choinne a huaighe. Seanchas faoin tsiopa a bhí ag a teaghlach, chaill siad é. | |
Tubaistí Áitiúla | Tragóid Bhaile Mhánais. Cuimhní Fheidhlimí air seo, phléasc mianach i mBaile Mhánais. Dar le Feidhlimí, bhí cuid de na daoine a maraíodh i ndream ar a dtugtaí an 'White Army' agus chuir an sagart mallacht orthu nach mbeadh duine ar bith acu beo bliain ón lá sin. Rinne sé sin mar gur ghnách leo a bheith ag máistíneacht fán áit. | |
Stair an Teaghlaigh | Seanchas a theaghlaigh. Téann sé ar ais seacht nglúin. Dálaigh na Rosann. | |
Stair an Teaghlaigh | A athair mór agus Goldrush, amuigh ar an Klondyke, bhí mianach aige agus bhí sé ag baint óir. Rinne sé go maith agus nuair a tháinig sé 'na bhaile thóg sé a theach. D’imigh sé ar ais go Meiriceá nuair a bhí a chuid airgid caite. Tógadh Feidhleimidh sa teach sin. |
Fochatagóir |
Cur Síos | |
---|---|---|
Obair | Nuair a bhí a mháthair naoi mbliana d’aois, thosaigh sí ag obair ar an Chlochán Liath istigh ag monarcha Pháidí ag déanamh stocaí agus miotóg. Shiúladh sí isteach i rith an tsamhraidh ach sa gheimhreadh d’fhanadh sí ansin. Teaghlach a mháthar, fuair a hathair bás go hóg agus b’éigean di obair. An pháighe a fuair sí, 'Chitts', rud cosúil le dearbhán a bhí ann. | |
Spailpíní | D’fhan sé ar an scoil go raibh sé 14 bliana d’aois agus d’imigh sé go hAlbain ag feirmeoireacht lena athair. Go Glaschú a chuaigh sé ar dtús agus uaidh sin go Dún Éideann. Bhí cumha iontach air i ndiaidh dul anonn. Stop siad i dteach lóistín den chéad chúpla oíche agus théadh siad amach ar an bhus ag obair go luath ar maidin, ba ag obair le tornapaí a bhí sé. Scéalta faoin am sin. | |
Spailpíní | Na coinníollacha oibre thall in Albain. Ag stopadh i mbothaí agus iad ag obair. Cur síos orthu sin. An pháighe a fuair sé, thugtaí dá athair é. £90. Na fir a bhí ag obair ar an fheirm. D’fhan siad ansin go dtí an Nollaig. Bhí sé socair ansin. Théadh siad go Dún Éideann ag an deireadh seachtaine. | |
Gaol Sóisialta agus Teaghlaigh | An saol a bhíodh acu. Ní raibh mórán saibhris ann. Bhí siad beo ar an talamh. Bhí géanna, cearca, lachain agus turcaigh ag a mháthair. Dhíoladh sí uibheacha na gcearc leis an Chope agus bhí sí ábalta earraí a fháil ar a son. Bhíodh an talamh uilig in úsáid acu, bhí sé níos fusa a dhéanamh an t-am sin. Eadra leis an eallach, bhíodh duine ar fostú ag an teaghlach nuair bhí siadsan beag. Bhíodh siad féin ag buachailleacht fosta. Bhí gach duine costarnocht ach amháin sa gheimhreadh, bhíodh bróga orthu. Cheannaíodh péire amháin bróg don duine is sine ach athbhróga a bhíodh á gcaitheamh ag an chuid eile acu. A chuimhní ar an am sin agus iad ag dul chun an phortaigh le bróga ina raibh poill, bhíodh a ladhracha scallta. | |
Na Scoltacha Náisiúnta | A chuimhní ar dhul 'na scoile i Leitir Cath. Chaitheadh gach duine dhá fhód a bheith leo ag dul ar scoil, bhíodh sé costarnocht. Bhíodh siad fuar ar an scoil, chaitheadh siad faiteadh a dhéanamh, bhíodh an máistir ina sheasamh agus a dhroim leis an tine. | |
Obair | Chaith sé trí bliana ag obair ar fheirmeacha, d’éirigh a athair tinn. Thosaigh sé ag obair ansin ar bhealaí móra, le 'Shanks' agus 'McEwan' ar £6 sa tseachtain. D’fhág sé an post sin agus thosaigh siad ag cur isteach píopaí séarachais le dream eile. Ina dhiaidh sin, d'oibrigh sé in East Kilbride. Scéal faoin lá ar bhuail sé fear ar an chloigeann le sluasaid. Cuireadh ruaig air ón tsuíomh oibre sin ach d'aimsigh sé obair eile. | |
Obair | Bliain an tsiocáin mhóir, 1963, bhí sé thuas in Inbhir Nis. Bhí 9 seachtaine de shiocán ann. Bhí sé ag obair sna tolláin ag an am. Cur síos ar an am sin. | |
An Creideamh | Shiúladh siad chun an Aifrinn ar an Chlochán Liath, ní thugtaí Comaoineach amach ag Aifreann a 11, ag an Aifreann luath ar a 9 a bhíodh Comaoineach le fáil. Bhíodh troscadh le déanamh ón oíche roimh ré. Théadh siad chuig faoistin Dé Sathairn. Nuair a théadh na fir chuig Comaoineach bhí sé ina chomhartha go raibh siad ag imeacht go hAlbain. | |
Obair | Ag obair sna tolláin, cur síos ar an obair. Ní raibh an obair folláin, tolláin uisce a bhí iontu. Sealanna 12 uair a bhí i gceist, 7 lá na seachtaine. Ní raibh an bia maith cé go raibh siad ag fáil go leor agus ní bhíodh ocras orthu. Bhí an pháighe maith ach bhí siad ag obair uaireanta fada, bhí cíos le díol acu fosta. Bhí siad ábalta earraí a fháil ar tic. Ní théadh sé amach i rith na seachtaine. Nuair a d'oibrigh sé sna tolláin, théadh siad isteach sa teach leanna i ndiaidh am oibre corr uair. |
Fochatagóir |
Cur Síos | |
---|---|---|
Nósanna agus Piseoga | pisreoga, scéalta a d’inis a mháthair, scadán a ithe ina thrí ghreim. Ceann eile fá thrí phreab a bhaint sa chuibhreann, dá mbeadh cuiteog ar an phreab, phóstaí tú, muna raibh, ní phóstaí. Tá áit i Loch an Iúir ina bhfuil trí shruthán ag casadh lena chéile, níodh daoine léine san uisce, d’fhágadh siad ar an leaba é le triomú agus cibí duine a thagadh leis an léine a thiontú, sin an té a phósfá. Mura dtagadh duine ar bith, ní phósfá ar chor ar bith. |
Fochatagóir |
Cur Síos | |
---|---|---|
Logainmneacha | Seanchas faoin chath a troideadh idir Clann Uí Néill agus Clann tSuibhne. Bunús logainm Leitir Cath. |
Fochatagóir |
Cur Síos | |
---|---|---|
Taibhsí | Scéalta faoi thaibhsí: Taibhse Chró Bheithe. Solas Mhín Uí Bhaoill. Ní fhaca Feidhlimí taibhse ar bith ariamh ach tharla rudaí áirithe dó; solas a chonaic sé go minic taobh amuigh de theach an mháistir a bhí aige ar scoil, ag lonrú an bhealaigh go teach na scoile. Ba ghnáth leis an solas sin a fheiceáil ón uair a raibh Feidhlimí ag dul 'na scoile go dtí go raibh sé fásta. Nuair a fuair an máistir bás, ní raibh an solas ann a thuilleadh. Bhí achan duine ábalta é a fheiceáil. |
Fochatagóir |
Cur Síos | |
---|---|---|
An Teach Cónaithe | An teach inar tógadh Feidhleimidh. Urlár stroighne a bhí ann agus bhí crochadh ar an tine. Chrochtaí na potaí iarainn tríchosach ar an tine. Ba ghnách lena athair Feidhleimidh a thomhais ag baint úsáid as an chrochadh. Rinneadh an cócaireacht uilig ar an tine. A chuimhní agus é óg, ag déanamh an tae ar an tine. Bhíodh blas toite as. |
Theme by Danetsoft and Danang Probo Sayekti inspired by Maksimer