Sonraí an Agallaimh

Ainm:	Síle Ní Dhuibheannaigh
Áit Chónaithe:	Rann na Feirste, Rann na Feirste, Na Rosa.
Áit Dúchais:	An Tor

Dáta

Bailitheoir

sdgsdg

28/07/2006

Dónall Dinny Ó Gallachóir

**Catagóir: An Pobal**
Fochatagóir	Cur Síos
Gaol Sóisialta agus Teaghlaigh	Bunadh a máthar agus a daoine muinteartha. As Machaire Chlochair a máthair. Bhíodh a hathair in Albain ag feirmeoireacht. Ba ghnách leis a bheith ina bhúistéir fosta sa bhaile.
Spailpíní	Rinne sí buachailleacht, tarraingt móna, ag obair sa pháirc. D’imigh sí ag 18 mbliana d’aois go hAlbain, go Glaschú ar dtús ar feadh 6 mhí agus ansin d’imigh sí go Dún Éideann. Bhí cumha iontach uirthi i ndiaidh a muintire. Chuaigh sí anonn léi féin ach bhí Hughie, a fear céile ag dul anonn mí ina diaidh. Is as Rann na Feirste Hughie. Pósadh thall i nDún Éideann iad. Bhí siad ag obair i muileann rubair. Bhí sí thall le linn an chogaidh. Chuaigh sí anonn in 1938. A cuimhní ar an chogadh agus ar na bonnáin. Bhí traidhfil Éireannach i nDún Éideann an t-am sin.
An Creideamh	Ag siúl go dtí an Chlochán Liath ar Aifreann gach Domhnach. Siúlóid fhada ar feadh blianta. Tógadh teach an phobail i Mín Uí Mhaoil ansin ach bhí Síle ar shiúl an t-am sin. I nGaoth Dobhair a chuaigh sí faoi lámh an Easpaig.
Obair	Bhíodh sí ag buachailleacht caorach agus eallaigh ar maidin ar an chnoc. Bhíodh a máthair ag sní agus ag cardáil, ag déanamh snátha, geansaithe, blaincéad agus a n-éadach féin. Bhí a n-olann féin acu. Ní raibh tuirne ag duine ar bith ar an bhaile ach amháin a máthair.

**Catagóir: An Duine**
Fochatagóir	Cur Síos
An Óige agus Aois	Ag éirí aníos ar an Torr, bhí deichniúr sa teaghlach ach bhí an chuid is mó acu ar shiúl. Nuair a bhí sí 10 mbliana d’aois chuaigh sí go Leitir Mhic an Bhaird ag foghlaim Gaeilge do pháistí. Ní ar fostú a bhí sí, tógadh ansin í, chuaigh sí 'na scoile ansin fosta. Ní raibh Gaeilge ar bith sa teach sin. Bhí sí ar scoil go raibh sí 11 bhliain. Bhí dúil aici sa scoil. D’fhan sí i Leitir go raibh sí 14 bliana d’aois. Ansin chuaigh sí go dtí 'Mc Devitt Institute' ar na Gleanntaí ar feadh bliain go leith.
An Tórramh	A cuimhní féin ar thórraimh, chuirtí na coirp i nGaoth Dobhair. Nósanna: ní théadh siad amach ansin ar feadh dhá bhliain i ndiaidh de dhuine sa teaghlach bás a fháil. Tá athrach mór air sin anois. Bhí dóigh eile acu ag an am.

**Catagóir: Stairsheanchas**
Fochatagóir	Cur Síos
Stair an Teaghlaigh	A clann, bhí deichniúr acu ann agus d’imigh siad uilig ar fostú. Cur síos orthu agus ar an áit a raibh siad, idir Albain agus Meiriceá. Tá briseadh tobann ag a dheireadh.

**Catagóir: Cluichí agus Caitheamh Aimsire**
Fochatagóir	Cur Síos
Ceiliúradh agus Caitheamh Aimsire	Ar shiúl chuig na damhsaí i nDoirí Beaga agus i Halla na Machaireacha. Bhíodh siad ar shiúl ag costarnocht. Shiúladh siad 'na bhaile.

**Catagóir: Lonnú agus Cónaí**
Fochatagóir	Cur Síos
An Teach Cónaithe	A baile, an teach agus mar atá sé anois. Na daoine a bhí ann ach atá ar shiúl anois. Bhí seanbheairic thuas ar an Torr. Beairic a bhí ag an R.I.C. Ag caint ar an tseanteach arís, leacacha ar an urlár le cláir iontu i lár an tí le pota préataí a fhágáil ina shuí orthu. Ceanntuí a bhí ar an teach ar dtús. Bhí an leaba sa choirneáil agus cuirtín thart uirthi. Bhí crochadh ar an tine oscailte. Ag déanamh aráin ar an tine. Tá deireadh tobann leis an agallamh seo.

**Catagóir: Ceirdeanna agus Cothú an Tí**
Fochatagóir	Cur Síos
Eacnamaíocht an Teaghlaigh	Thóg siad teach sa bhaile agus bhí sí ag coinneáil scolairí Gaeilge. Bhí scaifte mór i Rann na Feirste an t-am sin ag coinneáil scolairí agus thug sé isteach airgead mór chuig an cheantar.

**Catagóir: Taisteal agus Gnó**
Fochatagóir	Cur Síos
Aontaí	Cur síos ar Aonach Jack i Mín na Leice. Bhí aonach eile ar an Chlochán Liath ar an 4 Meitheamh, aonach an tsamhraidh, tugtar cur síos ar an cheann sin fosta.

Theme by Danetsoft and Danang Probo Sayekti inspired by Maksimer