Bealoideasbeo.com
Acadamh na hOllscolaíochta Gaeilge
Ainm: | Nan Ní Chualainn | |
Áit Chónaithe: | Dún Dubháin, Na Dúnaibh, Na Dúnaibh, Leitir Ceanainn. | |
Áit Dúchais: | Doirí Beaga |
Fochatagóir |
Cur Síos | |
---|---|---|
Spailpíní | Thosaigh sí ag obair ansin in Dundee, bhí sí ag déanamh obair tí, casadh a fear céile uirthi ansin. Pósadh in 1947 í, bliain an tsneachta mór in Albain, ar feadh sé seachtaine. Bhí deacrachtaí acu bogadh ó áit go háit. | |
Obair | Cheannaigh siad teach i nDún Éideann ina dhiaidh sin. Bhí an bheirt acu ag obair ansin. Ghlan sise oifigí agus d'oibir a fear sna tolláin. Tháinig siad 'na bhaile in 1963 agus bhí sí ina cócaire in óstán Fleets Inn. Thóg siad teach i mbaile a fear céile sna Dúnaibh. Bhí caoraigh agus eallach acu. D’oibir sí le dochtúir fosta ar feadh 25 bliana. | |
Seirbhís Mhíleata | A cuimhne ar an lá a bhris an cogadh amach in 1939. Chruinnigh na comharsana uilig thart i dteach amháin le héisteacht leis an raidió. An chéad eitleán a chonaic sí ag dul thart in 1940 nó 1941 agus iad taobh amuigh den scoil. | |
Na Scoltacha Náisiúnta | An scoil, thugadh siad móin leo chun na scoile i rith an gheimhridh le tine a choinneáil, dhá fhód an duine. Bhí an scoil í féin garbh go leor, ní raibh mórán léinn ag gabháil san am agus bhí na múinteoirí dian. Tá athrach mór ar an dóigh a ndéantar anois é. | |
Obair | A cuimhní ar bhuachailleacht fá na Machaireacha. Théadh go leor de bhunadh na háite síos sa tsamhradh le fanacht sna tithe ansin, bhíodh an t-eallach istigh fosta, ní raibh fuinneoga ar bith iontu mar go mbeadh cíos le díol dá mbeadh fuinneoga iontu. Bhíodh obair chrua le déanamh ag na páistí san am sin - eadra le déanamh agus tine le cur síos. Buachailleacht mhall sa tráthnóna ansin. | |
Spailpíní | A cuimhne ar an bhus, nuair a chuaigh sí amach chun na Lagáin agus nuair a d’imigh sí go hAlbain. Chuaigh sí go hAlbain ar bhád Dhoire, a cuimhne ar an turas sin, thiocfadh leis an turas a bheith garbh go leor. Bhíodh fir, mná agus páistí ar an bhád agus go leor den am bhíodh moll daoine tinn. Leanstan ar aghaidh ag caint ar an turas go hAlbain, ag fáil oibre nuair a shroich siad thall. Bhí pas (passport) de dhíth le dul go hAlbain. Bhí teach i nDoire, An Gweedore Bar, a théadh siad isteach ann agus iad ag teacht agus ag imeacht go hAlbain. |
|
Spailpíní | Ag pilleadh go hAlbain tar éis blianta. Bhí athrach mór le feiceáil. Rinne sí turas d’Albain cúpla bliain ó shin, ar na háiteanna uilig ina raibh sí ag obair. Cheannaigh siad teach i nDún Éideann, chosain sé £500 agus dhíol siad é in 1963 sular tháinig siad 'na bhaile. Leagadh na tithe sin ó shin. D'oibir a fear céile sna tolláin. Thóg siad an teach sa bhaile in Éirinn in 1965. Bhí na hÉireannaigh tugtha go leor de cheannach tithe in Albain san am. | |
Spailpíní | I ndiaidh an tréimhse sin, shocraigh sí imeacht go Albain. Bhí pas (passport) de dhíth uirthi fána choinne sin, chuaigh sí anonn le fear as Dobhair darbh ainm Hughie Doogan, a bhí ag toghadh préataí. Níor chaith sí ach mí amháin ansin, d’imigh sí go Glaschú. Ní raibh dúil aici in obair na bpréataí. Fuair sí obair ansin. Bhí achan rud gann an t-am sin agus bhí leabhar raisín (ration) acu le hearraí a fháil m.sh. tae, siúcra agus im. A cuimhne ar am an chogaidh, earraí gann, na soilse as san oíche. Chaitheadh siad a dhul isteach i ndídean aer-ruathar nuair a bhíodh na bonnáin ag dul as. | |
Spailpíní | Bhí níos mó dúil aici i nDún Éideann ná i nGlaschú cé go raibh daoine muinteartha i nGlaschú aici. Bhí go leor caitheamh aimsire acu fosta, bhí damhsaí acu agus is Éireannaigh uilig a bhíodh ansin. Ní raibh sí ach 19 mbliana d’aois nuair a pósadh í. Cé go raibh am crua acu san am, i dTír Eoghain agus in Albain, ní raibh laethanta saoire ar bith le fáil, obair uilig, ní dhearna sé dochar ar bith daofa. |
Fochatagóir |
Cur Síos | |
---|---|---|
Teangacha á labhairt in Éirinn | Scoláirí na Gaeilge ar na Dúnaibh. Ba ghnách léi cúig scoláire dhéag a choinneáil. Tá fear amháin a thagann chuici go fóill. Meath agus athbheochan na Gaeilge sna Dúnaibh. | |
Stair an Teaghlaigh | A hóige agus a teaghlach. Bhí a máthair ag obair i monarcha Thomáis Bhiddy sna Machaireacha, Bhí Biddy Hughie, a máthair mór, i gceannas sa mhonarcha. Bhíodh siad ag cniotáil stocaí do na saighdiúirí. Ní raibh soilse ar bith sna tithe, coinnle a bhí acu. Bhí a máthair ag cniotáil agus chaitheadh Nan í féin cniotáil fosta nuair a bhí sí beag, do na Molloys in Ard an Rátha. Sin an saothar a bhí acu san am. Ba thógálaí a hathair. Thóg sé tithe cloiche sa cheantar. Ansin thosaigh na brící agus bhí a deartháireacha ag cuidiú leis. | |
Stair an Teaghlaigh | Scaip an teaghlach, bhí an chuid is mó den mhuintir is sine ar fostú, bhí a deirfiúr ar fostú i Mín an Iolair. Fuair deirfiúr di bás le leoicéime nuair a bhí sí 29 mbliana d’aois in 1969. Bhí daréag sa teaghlach ach níl fágtha anois ach seisear acu. | |
Stair an Teaghlaigh | A teaghlach, as Doirí Beaga i nGaoth Dobhair í ó dhúchas, bhí seachtar iníonacha agus cúigear mac ina teaghlach. Cuireadh ar fostú ar an tSeascán Beag í nuair a bhí sí ocht mbliana d’aois, ag buachailleacht eallaigh. Cur síos ar an bhuachailleacht. Bhíodh sí mall i gcónaí ag dul 'na scoile, ní ligeadh an tseanbhean ar shiúl in am í. Nuair a théadh sí 'na scoile, thugadh an múinteoir boiseog di. Bhíodh sí ar fostú ó thús an earraigh go dtí mí na samhna. Bhí obair phreátaí agus obair choirce le déanamh acu fosta. Níl a dhath den obair seo ag tarlú níos mó. Ina dhiaidh sin, bhí sí ag déanamh obair tí do bhean darbh ainm Kitty Blake, bhí sí ag fáil £1 sa mhí a thugadh sí dá máthair. D’imigh sí amach chuig an Lagán ansin, fuair siad an bus go Leitir Ceanainn ar dtús, chuaigh sí go Tír Eoghain ar fostú. Insíodh di gur ag coinneáil súil ar thachrán amháin a bheadh sí ach nuair a chuaigh sí, bhí eallach ann fosta le haire a thabhairt daofa. Cur síos ar an obair a bhí le déanamh aici. Bhí conradh sé mhí aici agus fuair sí £13 ar feadh an ama sin.1943. Théadh sí 'an Aifrinn Dé Domhnaigh, bhí cúig mhíle le siúl aici, tugadh leathlá di dá bharr sin. I seomra le go díreach leaba a bhíodh sí. Bhí obair tí le déanamh aici agus í ina gogamán. Bhí a deirfiúr níos deise don tSráth Bán, obair tí uilig a bhí aicise, ní raibh obair eallaigh ar bith le déanamh aici. Chuaigh sí ar ais go Leitir Ceanainn i ndiaidh sé mhí agus chuaigh sí ar fostú arís ó shin. |
Fochatagóir |
Cur Síos | |
---|---|---|
Taibhsí | Teach i Machaire Gathlán a thóg a hathair agus dúradh go raibh taibhsí beaga ann. Nuair a bhí triúr dá deartháireacha ag tógáil an tí, thit an bhinn isteach orthu agus gortaíodh iad go holc. |
Fochatagóir |
Cur Síos | |
---|---|---|
Giniúint agus Breith Clainne | A máthair agus an bhean béal dorais, an dá leanbh a tháinig ar an tsaol an lá céanna sa teach céanna. Ní rachadh duine ar bith go dtí an t-ospidéal le leanbh a bheith acu. | |
Cleamhnas | Cleamhnas- a cuimhne air seo idir a haintín féin agus fear ar an bhaile. An dóigh a ndéantaí an cleamhnas. |
Fochatagóir |
Cur Síos | |
---|---|---|
Bia agus Deoch | An teach inar tógadh í, teach maith a bhí ann le clár urláir, bhí urlár créafóige in áiteanna ina raibh sí ar fostú, tógadh bóitheach amuigh fá choinne leithris, ní raibh an t-airgead ann san am, ní raibh an dól le fáil ach oiread. Bhí a gcuid talaimh féin acu agus bhí siad ábalta a bheith beo air sin; coirce, préataí, cál agus tornapaí. Bhí muca agus cearca acu fosta, an bia a bhí acu. Bhí a gcuid ime agus aráin féin acu fosta. Bhíodh scadáin acu, ní raibh mórán feola ar fáil. Is i siopa Francie Molloy a bhíodh siad ag ceannach a gcuid earraí. An dóigh ar mhair siad ar an phinsean a bhí a hathair mór a fháil fosta. Cur síos maith air sin uilig, an mhin bhuí a bhí acu agus an dóigh a ndéantaí an t-arán. Bhí muileann i nDún Fionnachaidh á úsáid acu le min choirce a dhéanamh. Dhéanadh siad a gcuid éadaí féin fosta. An dóigh ar shaothraigh siad an 6d a bhí de dhíth le fáil isteach chuig an damhsa, ag seachadadh teachtaireachtaí as Albain chuig a muintir sa bhaile. |
Fochatagóir |
Cur Síos | |
---|---|---|
Damhsa | Caitheamh Aimsire, damhsaí i nDoirí Beaga agus i halla na Machaireacha. Ag siúl na mbealaí móra agus na fir ag casadh leis na mná. Ní raibh an sagart Mc Gettigan sásta leis sin. Bhí damhsaí ag na croisbhealaí fosta. Na bannaí ceoil ag na damhsaí. Bhíodh amanna agus théadh siad chuig na damhsaí ar an rothair. Ní raibh mórán carranna ann san am. Bhíodh damhsaí sna tithe fosta, i dtigh Annie Rua. Bhíodh achan duine maith ag damhsa agus bhíodh siad ansin i rith na hoíche. |
Theme by Danetsoft and Danang Probo Sayekti inspired by Maksimer