Bealoideasbeo.com
Acadamh na hOllscolaíochta Gaeilge
Ainm: | Seán Ó Colla | |
Áit Chónaithe: | Machaire Rabhartaigh, Mín Lárach, Cloch Cheann Fhaola. | |
Áit Dúchais: | Inis Bó Finne |
Fochatagóir |
Cur Síos | |
---|---|---|
Spailpíní | Ag imeacht na Lagáin ar fhostach nuair a bhí sé 14 bliana déag, chuaigh sé chuig an Raibeal i Leitir Ceanainn ar dtús, fuair sé £6 ar feadh 6 mí agus ansin chuaigh sé go Killygordon ag fear darbh ainm John White, bhíodh sé ag obair ó dhubh go dubh. Bhí eallach le bligh (15 cinn). Bhí girseach ansin fosta ag bligh. I ndiaidh 3 mhí, chuaigh sé chuig an Raibeal arís agus ansin chuaigh sé go Convoy. Rinne sé téarma ansin fosta. | |
Spailpíní | Ansin d’imigh sé go Albain ag 16 bliana d’aois ar bhád Dhoire. Anonn leis féin a chuaigh sé go Haddington. Bhí uncail do thíos in Berwickshire ag feirmeoir agus fuair sé obair leisean ar £3 sa tseachtain. Bhí rations thall san am sin agus bhí leabhair rations acu. Bhí siad ag stopadh i mbotaí, leabaí cocháin a bhí iontu ach níor chur seo isteach ar John. Bhí léir daoine eile ón baile thall fosta agus bhí sé cairdiúil le cúpla fear acu seo. Ag baint phreátaí agus ag obair le cochán a bhíodh sé, bhí sé breá cleactaithe leis an obair sin. Cur síos ar an obair phreátaí a bhí le déanamh. Bhí obair chrua ar bheagán airgid. | |
Spailpíní | D’imigh an teaghlach ansin nuair a d’fhás siad suas, chas John lena dheartháir Charlie nuair a chuaigh seisean anonn bliain i ndiaidh John agus fuair sé obair do. Bhí siad sa bhaile sa gheimhreadh agus bhíodh ceol agus damhsa gach deireadh seachtaine acu sa scoil a bhí ar an oileán. Bhí craic mhaith acu ansin. | |
Spailpíní | Chaith sé cúpla bliain in Albain, i ndiaidh an fheirmeoireachta, thosaigh sé ar Oibreacha Poiblí le Wimpey, pit Loughrey, i ndiaidh an chogaidh. Scéim Hydro a bhí ansin, i dtolláin. Bhí airgead maith ansin. | |
Spailpíní | Chuaigh sé go Sasana le Mc Alpine ansin ag obair. Bhí an obair sin leadránach agus bhog sé go Birmingham. Bhí sé ag obair ag JJ Gallagher ag cur isteach píopaí uisce. Cur síos ar an am agus an obair. Bhog siad go Swansea ansin, ag cur uisce isteach in óstán. Bhí siad ag stopadh i lóistín. Obair phiocóide is mó a bhí ann agus ní raibh siad ábalta tabhairt ar an jab díol. D’fhág John an jab sin agus chuaigh sé go Birmingham, fuair sé obair ansin, é féin agus cara a bhí leis. Chaith sé dhá bhliain ansin. | |
Spailpíní | D’imigh sé go dtí an Bhreatain Bheag ansin go Cardiff, chuir sé a dheartháir féin, Joe, ina áit sa jab a d’fhág sé. Scéal faoin eachtra a bhí ag féin agus a chairde i dteach leanna. Cur síos ar an obair a bhí a dhéanamh ansin aige. Chaith sé tamall ansin agus d’imigh sé le Mc Alpine ag déanamh motorway in Newport. |
|
Spailpíní | D’imigh sé na hAstráile ansin, bhí cairde as Gaoth Dobhair thall aige. Shocair a chara agus é féin é seo a dhéanamh nuair a bhí siad thall in Londain, bhí a bhean agus páiste leis. Go Perth a chuaigh sé. I ndiaidh cúpla lá thall chuaigh sé ag cuardach oibre i dteach leanna. Fuair sé obair thógála ach ní raibh sé iontach sásta leis an airgead a bhí sé ag fáil. Bhí teas iontach ann fosta le cois mosquitos. D’fhan sé leis an fhear chéanna 2 bhliain gur éirigh an obair gann. Chuaigh sé go Darwin ansin agus d’fhág sé a bhean agus an páiste in Perth. Bhí dhá fear eile leis fosta. Bhí sin ar an taobh eile den tír ar fad. Cur síos ar mar a fuair sé obair ansin agus an jab a bhí aige. Bhí léir oibre in Darwin an t-am sin. | |
Spailpíní | Bhog siad arís ina dhiaidh sin, bhí timpiste ag John a chur deireadh lena chuid oibre, thit sé síos 3 stór den scafall agus bhris sé a dhroim, a chos agus a sciathán. Chaith sé am fada ag déileáil le ospidéil ina dhiaidh, amach agus isteach ar feadh 4 bliana. Bhí a bhean ag obair ina dhiaidh sin agus bhí seisean ag amharc i ndiaidh na bpáistí. Ní raibh a bhean socair san Astráil agus bhí sí ag iarraidh a theacht na bhaile. Tháinig siad na bhaile go Cardiff ansin, b’as sin í. 2 bhliain ina dhiaidh sin, dhíol siad an teach in Cardiff agus bhog siad go hÉirinn go Machaire Rabhartaigh. | |
Múinteoirí Scoile | Nuair a tháinig sé go Machaire Rabhartaigh ar fhostach, an máisitir a bhí aige ar an scoil, bhí sé iontach garbh. Ní raibh mórán léinn ag John é féin. Scéal faoi lá ar scoil a bhí an máistir ag dul a bhualadh ach d’fhág John an scoil. Lean an máisitr é agus ba ghnách le John uibheacha a chaitheamh air. |
Fochatagóir |
Cur Síos | |
---|---|---|
Oileáin | Bhí siad ábalta siúl amach ón oileán leis na beithígh dhá am sa bhliain. Thagadh siad amach san Earrach thart fán Fheil Pádraig le crúanna a chur ar na beithígh. Bhí a fhios ag na beithígh iad féin a mbealach na bhaile. An Clochán an t-ainm a bhí ar an bhealach a thugadh siad amach. | |
Oileáin | Na tithe ar an oileán. Bhí cúpla teach ceann tuí ann ach bhí sclataí nó leacacha ar chuid mhaith acu. Bhí teach John é féin breá aosta, tógadh a athair ann roimhe. Bhí clocha ar an oileán acu a d’úsáid siad leis na tithe a thógáil. Cur síos ar mar a thóg siad na clocha seo. Bhí na tithe breá seascar. Bíonn cuid dá theaghlach féin agus daoine muinteartha dó istigh anois sa tsamhradh. Cuireann sé cumhaidh air corr uair daoine a fheiceáil ag fágáil an oileáin. Tá oileán eile, oileán Dúiche ar chúl Inis Bó Finne a raibh cónaí uirthi am amháin, uncail do féin an fear deireanach lena fágáil, bhí siopa beag ar an oileán fosta. Caoraigh a choinnigh siad ansin. Tá an chuid is mó de mhuintir Inis Bó Finne ina gcónaí i Machaire Rabhartaigh anois. Chaith sé saol breá agus bhain sé sult breá as cibé áit a raibh sé. Níl áit go deas le Inis Bó Finne, tá talamh breá ann. |
|
Oileáin | Amach agus isteach go Toraigh ag damhsaí agus dhéanadh muintir Thoraí an rud céanna fosta corr uair. Théadh siad an Aifrinn ann fosta. Thosaíodh an ceol agus damhsa fosta, istigh sa scoil a bhíodh siad agus bhíodh oíche go maidin acu. Deireadh siad an paidrín istigh i dToraigh fosta. An chuid eile den am chaitheadh siad a theacht go Gort an Choirce le Aifreann a fháil agus chaitheadh siad a bheith ag troscadh ón oíche roimh ré. Cur síos ar an lá seo. | |
Oileáin | A chéad chuimhní ar an oileán, 1925, a rugadh é. A chuimhní ag éirí aníos. Thagadh sé amach go Machaire Rabhartaigh ag amharc i ndiaidh eallaigh ag fear ansin, bhí rothar aige agus bhíodh John ag úsáid an rothair. Bhíodh sé ag toghadh phreátaí agus ag tógáil chocháin. |
Fochatagóir |
Cur Síos | |
---|---|---|
Tógáil Tí | An teach a thóg siad, é féin a bhain an dúshraith le sluasaid. B’éigean do stad nuair a bhris sé a hip ag damhsa i nGort an Choirce. | |
Bunadh na hÁite | Na chéad daoine a shocair in Inis Bó Finne, as an Danmhairg nó as Ceanada a tháinig siad, níl sé cinnte. Chuaigh daoine as tír mór isteach ansin nuair a phós siad muintir ran oileáin. I rith an ghorta bhí sé níos fusa a bheith beo istigh ar an oileán agus chuaigh daoine isteach a chónaí ann an t-am sin. |
Fochatagóir |
Cur Síos | |
---|---|---|
Comharthaí Báis | Pisreoga / pisreoga agus sióga. Cailleadh a athair agus a uncail ar an fharraige. Báid síodh – deirtear go raibh comharthaí roimh ré faoin tragóid. Nuair a cheannaigh a athair an bád bhí titim amach ag na daoine a dhíol í. Celtic an t-ainm a bhí ar an bhád, ag iascaireacht brádáin a bhí siad. Amach ó Oileán Thoraí a tharla an tragóid. Ní raibh mórán acu ábalta snámh. Bhí na iascairí pisreogach agus chreid siad dá gcuideodh siad le duine a bhí a bhá, go gcailltí iad féin ach níor chreid muintir an oileáin seo. Tharla sin don bhád, tháinig bád thart leo ach níor tugadh cuidiú dóibh. Cailleadh athair mór a athar agus a bhean ag dul suas an Barra ag gabháil go Fál Carrach. Cur síos ar seo. Bhí seisean ábalta snámh agus bheadh sé i gceart ach bhí greim ag a bhean air agus thug sí síos é. |
Fochatagóir |
Cur Síos | |
---|---|---|
Seanchas faoin Iascaireacht | Cailleadh a athair agus a uncail in 18 Meitheamh 1929, ag iascaireacht a bhí siad. Chuaigh soitheach frífa. Níor thóg bád a chuaigh thart leo iad mar chreid siad an phisreog / phiseog go gcailltí iad féin dá dtógtaí. Cur síos ar seo uilig. Chuidigh na comharsan uilig leis an teaghlach i ndiaidh na tragóide. Cruinníodh airgead don teaghlach fosta. Bhí léir den ghlúin roimh John ar shiúl go Meiriceá, bhí léir acu in Philadelphia, New York agus Boston. | |
Móin | Bhí obair mhór le baint na móna acu i mBun an Inbhir. Chomh luath agus a bhí na préataí deireanacha curtha san Earrach bhí siad ar shiúl le spád le toiseacht ag lomadh na mbachtaí. Cur síos ar an am a chaitheamh siad ag déanamh seo. Ag déanamh tae le uisce as na bachtaí. Bhí dhá fhear, fear ag gearradh agus fear a cur amach. Thiontaíodh amach ansin í. Nuair a bhí tirim thugadh na beithígh anuas í go Curransport, dhá scilling a lód le í a thabhairt anuas, tippáladh síos leis an bhinn í, thugtaí siad cois na trá í le í a thabhairt isteach an oileáin. Bhí sí le tabhairt as an bhád ansin istigh agus le tabhairt na tíre. Bhí trioblóid agus obair iontach léi. | |
Deochanna Meisciúla | Ag déanamh poitín ar an oileán, tharla sé roimh a am féin. |
Fochatagóir |
Cur Síos | |
---|---|---|
Sióga | Na sióga, chluin sé go leor scéalta fúthu ach creideann sé féin gur daoine beo na sióga! Rud ar bith a casadh air féin, beo a bhí siad. |
Fochatagóir |
Cur Síos | |
---|---|---|
Damhsa | Bhíodh siad amach agus isteach ag damhsaí, chaitheadh siad an oíche istigh. Dhéanadh muintir Thoraí an rud céanna, théadh siad go Inis Bó Finne. Bhíodh oícheanta ar dóigh craic acu. |
Fochatagóir |
Cur Síos | |
---|---|---|
Báid agus Longa | Chuaigh bád ar na creigeacha agus bhí sí ag iompar boscaí muiceola agus málaí poist, bhí léir airgid (dollar) sa phost. Cailleadh cuid de na daoine a bhí uirthi ach fuarthas na coirp ar Oileán Dúiche. Bhí Kingsley Porter i dToraigh agus bhí currach aige agus bhí punt amuigh ar tír mór aige. Cheannaigh John currach i dToraigh leis an airgead a fuair sé ar dhíol chuid den lasta a bhí ar an bhád, páipéar a bhí ann. |
|
Siopaí | Siopa Dixon agus siopa Annie Phaidí (Mulhern) a bhí siad ag déileáil leis den chuid is mó, bhí oifig an phoist agus teach leanna i dtigh Dixon fosta. Bhí muintir an oileáin iad féin ag tabhairt na n-earraí isteach an oileáin. Le linn droch aimsir ní bheadh bád ar bith ábalta a ghabháil ar an fharraige agus ní bheadh siad ábalta fáil amach. Chaitheadh siad stór a bheith acu, bhí cuid an talaimh uilig acu le cois ba, uibheacha agus coirce. Ní raibh mórán ganntanas ocrais am ar bith acu. Ba plúr agus ola is mó a bhí le tabhairt isteach. Bhí siopaí beaga istigh ar an oileán agus d’iompraíodh siad na lastaí plúr suas go dtí na siopaí. | |
Aontaí | Cé gur cailleadh a athair, bhí cuidiú acu ar an oileán, chuidigh na comharsa uilig agus bhí a uncail, Jimí, acu fosta agus thug seisean cuidiú mhór. D’fhág a athair beithíoch agus caoraigh fosta. Dhíoladh siad caoraigh ar an Fhál Carrach lá an aonaigh. | |
Aontaí | Aonach Ghort an Choirce. A chuimhní ar seo, bhí seans maith i gcónaí go mbeadh beirt ag troid ag deireadh an lae. |
Fochatagóir |
Cur Síos | |
---|---|---|
An Óige agus Aois | Chaitheadh sé an saol céanna arís. Bhain sé sult breá as agus ní raibh eagla air roimh an obair. |
Theme by Danetsoft and Danang Probo Sayekti inspired by Maksimer