Sonraí an Agallaimh

Ainm:	Pádraig Ó Baoill
Áit Chónaithe:	Carraig an tSeascainn, Doirí Beaga, Doirí Beaga, Leitir Ceanainn.
Áit Dúchais:	Carraig an tSeascainn, Doirí Beaga

Dáta

Bailitheoir

sdgsdg

16/07/2007

Dónall Dinny Ó Gallachóir

**Catagóir: Taisteal agus Gnó**
Fochatagóir	Cur Síos
Siopaí	Teach Joe, bhí siopa ann agus teach lóistín ann. Bhí scioból ar chúl an tsiopa agus bhíodh siad ag díol conartha ann fosta. Bhí beithíoch agus carr ag Joe a Frighil agus thugadh sé coirp go Machaire Gathlán, bhí carráiste aige le seo a dhéanamh. Thugadh sé an siopa go Gabhla fosta gach seachtain, chuireadh daoine isteach orduithe leis nuair a bhíodh siad amuigh ón oileán ag an Aifreann Dé Domhnaigh. Bhí bar ag Joe fosta. Bhí Teach Mhicí ag obair ar an dóigh chéanna le Teach Joe, bhí siopa acu fosta.

**Catagóir: An Pobal**
Fochatagóir	Cur Síos
Cleachtas Scoile	Scéal grinn fan lá nach deachaigh Pádraig agus cúpla stócach eile na scoile agus bhí tine sa scoil. Chaith siad an lá sa choill ag gearradh ainmneacha sna crainn go dtí i ndiaidh am scoile. Tháinig an sáirsint go dtí a theach ag insint dona mháthair nach raibh sé ar scoil agus go raibh an scoil ar thine, bhí sé ag cur an locht ar Phádraig. Ní raibh damáiste mór déanta.
Cionta agus Coireanna	Tugadh Pádraig na cúirte as ucht maistíneacht a bhí déanta aige féin agus cúpla cara leis. Chuaigh siad amach oíche amháin, bhris siad pumpa i gCarraigín agus ansin cúpla ceann i Machaire Chlochair, ceann eile ar an Bhun Bheag, Cnoc an Stollaire agus ceann i nDobhair. Landáil an sáirsint ag an teach maidin lá arna mhárach arís. Chuir na stócaigh a bhí leis an locht ar Phádraig. Tugadh na cúirte i dtigh Mhícheáil Árais. Cáineadh £5 é, cáin iontach throm san am in 1948.
Spailpíní	Imirce: Ní raibh obair ar bith sa bhaile agus d’imigh sé go Glaschú in Albain in 1949. Bhí sé 17 bliana d’aois san am. Bhí fear eile as an bhaile leis agus d’imigh siad a mbealach féin nuair a shroich siad Glaschú. Chuaigh sé ag Kit John Phaidí, bhí sí ag coinneáil lóistéirí, d’fhan sé ansin cúpla oíche agus ansin bhog sé ar aghaidh. Fuair sé obair thógála agus ag cur isteach píopaí. Bhí pá de £7 sa tseachtain aige. Ní raibh an t-airgead mór ach bhí rudaí saor. Chuaigh sé go tuaisceart na hAlban ansin ag tógáil dambaí uisce. Bhí seifteanna fada ansin agus obair oíche fosta. Cur síos ar an obair a bhí le déanamh aige. Bhí seisean é féin ag tiomáint meaisín tamall.
Obair	Bhog sé go Sasana ansin taobh amuigh de Mhancain i dtollán eile, £20 sa tseachtain de phá aige, bhí se ansin 2½ bliain. Chuaigh sé go Londain, Coventry agus ar ais go tuaisceart na hAlban go dtí gur phill sé na bhaile. Níor tháinig se na bhaile ar chorr ar bith le linn an ama sin. Ní raibh sa bhaile ach a dheirfiúr.
Obair	Thosaigh Pádraig a ghnó féin mar chonraitheoir mar thógálaí, ag déanamh obair thógála, bealaí móra agus srl. Bhí go leor fir ag obair aige. Chaith sé traidhfil blianta ag déanamh sin in Albain sular phill sé na bhaile.
Cleachtas Scoile	A chuimhne ar a óige, ag éirí aníos ar Charraig an tSeascain, ag dul na scoile agus ag obair i ndiaidh am scoile. Bhí dhá fhód móna le tabhairt leis na scoile le tabhairt don mháistir. Nellie Joe (Inis Thuaidh) an múinteoir a bhí aige agus ansin ag William Coyle, an Máistir. San am sin chaitheadh siad fanacht ar scoil go mbíodh siad 14 bliana d’aois.

**Catagóir: Stairsheanchas**
Fochatagóir	Cur Síos
Imirce	Thóg sé a theach sa bhaile in 1983. Bhí sé fá choinne an sean teach a athchóiriú ach nuair a thug siad isteach an meaisín agus thosaigh siad ag tochailt, bhí an dúshraith lán uisce. Ansin rinne sé cinneadh a theach úr a thógáil. Rinne daoine eile an chuid is mó den obair. Tá teach i nGlaschú go fóill aige.
Toghcháin	Tá iníon le Pádraig ag plé le polaitíocht agus tá sí mar bhall de Chomhairle Baile Ghlaschú. Tá súil aici dul ar aghaidh mar fheisire (MP) in Sasana.
Imirce	Thosaigh sé ag pilleadh na bhaile ansin nuair a casadh a bhean air. B’as an Ghlaiseach a máthair agus bhíodh seise ag teacht na bhaile ar saoire. Chonaic sé athrach mór nuair a tháinig sé na bhaile. Na daoine agus na tithe a bhí ar an bhaile. Ní raibh mórán carranna ar an bhaile an t-am sin.
Daoine Aitheanta go hÁitiúil	Carachtar a bhí ar an bhaile, Condaí Eoin. Théadh Pádraig isteach aige le linn an “October Devotion”, bhíodh sé amuigh ag baint phreátaí ar dtús, théadh siad go teach an phobail ag an phaidrín agus ansin isteach ag Condaí.

**Catagóir: Ceirdeanna agus Cothú an Tí**
Fochatagóir	Cur Síos
Beithígh	Obair le déanamh: bhí beithíoch agus seisreach acu agus bhíodh sé ag treabhadh sa bhaile agus dona comharsan. Thugadh sé an beithíoch na chearta amanna le crúite a chur air agus amanna bhíodh soc na seisrí briste fosta agus bhíodh sé le tabhairt an chearta. Bhíodh an gabha gnóthach san am sin. Bhíodh sé ag tabhairt móna na bhaile ón phortach do dhaoine fosta. 10 scilling a bhí sé ag fáil ar son a chuid oibre.
Ainmhithe, Beithígh agus Eallach	Ag buachailleacht roimh agus i ndiaidh am scoile. San am sin bhí léir ag imeacht ar fostach. Bhí sé féin ar fhostach thuas i gCarraigín. Bhíodh sé amuigh go dtí an 6 nó an 7 tráthnóna. D’fhág sé an scoil nuair a bhí 15 bliana d’aois.

**Catagóir: Cluichí agus Caitheamh Aimsire**
Fochatagóir	Cur Síos
Dornálaíocht	Peil an caitheamh aimsire is mó a bhí ag Pádraig nuair a bhí sé óg. Bhí sé féin ag imirt tamall leis an fhoireann óg agus scaifte eile buachaillí. Bhí sé ag buaileadh le banna ceoil na Machaireacha. Bhí léir de mhuintir Charraig an tSeascain sa bhanna fosta. An druma a bhí Pádraig ag buaileadh. Bhain sé sult mór as, bhí léir ama caite acu ag cleachtadh. Bhí Pádraig 13 bliana d’aois san am sin. Bhíodh siad ag dul ag na damhsaí sa halla fosta ach léir den am bhí siad ar an taobh amuigh mar nach raibh airgead acu le fáil isteach. Banna Slieve Foy a bhí ag buaileadh agus bhí siad iontach maith. Chuaigh siad ó bhaile go baile ag na damhsaí a bhíodh Slieve Foy ag buaileadh aige. Bhí club bocsála acu fosta agus bhí Pádraig páirteach ansin, bhíodh siad ag dul thart ar na clubanna uilig. Bhí Pádraig ag bocsáil i gcraobhchluiche an chontae ach chaill sé. Bhíodh siad ag imirt chardaí fosta i dtithe a chéile. Bhíodh léir de na mná ag cruinniú ina theach lena mháthair, bhí gramafón aici agus bhíodh siad ag foghlaim damhsa.

**Catagóir: An Duine**
Fochatagóir	Cur Síos
Comparáidí idir na Glúnta	Tá athrach mór ar gach rud anois, dar le Pádraig gur maith an rud é seo. San am sin, bhí gach duine ag imeacht agus bhí daoine bocht. Anois, tá daoine ag déanamh go maith.

Theme by Danetsoft and Danang Probo Sayekti inspired by Maksimer