Sonraí an Agallaimh

Ainm:	Tadhg Ac Cullach
Áit Chónaithe:	Fána Bhuí, Gort an Choirce, Gort an Choirce, Cloch Cheann Fhaola.
Áit Dúchais:	Inis Oirthir

Dáta

Bailitheoir

sdgsdg

20/09/2007

Dónall Dinny Ó Gallachóir

**Catagóir: Taisteal agus Gnó**
Fochatagóir	Cur Síos
Cosáin agus Bóithre	A chuimhne ar thógáil an chéad bhealaigh ar an oileán. Fuair siad deontas ar a shon.
Siopaí	Siopa ag gabháil isteach an oileáin as tír mór - John Thimlín as Mín an Iolair. Bhí droch ché ar an oileán do bháid le dhul isteach. Stad an siopa sin agus bhí ar dhream ar oileáin a theacht amach go Cóip an Ghlaisigh i gcuracha uair na dhó sa tseachtain. Thógadh siad isteach na earraí uilig a bhí de dhíth orthu.
Scaipeadh Nuachta agus Eolais	Marc a bhí acu do dhaoine as chlainn áirithe. Clocha a bhí iontu amuigh ar tír mór agus d’fheiceadh daoine an oileáin dá mbíodh daoine as a gclann féin ina seasamh ar an chloch amuigh ar tír mór agus théadh siad amach fá na gcoinne. Curacha uilig a bhíodh acu san am sin.
Scaipeadh Nuachta agus Eolais	A chuimhne ar an chéad raidió ar an oileán.
Seirbhís Phoist	Charlie Thomáis Mhóir a bhíodh ag iompar an phoist chun an oileáin.
Báid agus Longa	Mac Uí Cholla a bhíodh ag tógáil na gcurach.

**Catagóir: An Nádúr**
Fochatagóir	Cur Síos
Oileáin	Tháinig go leor de achan sórt i dtír am an dara chogaidh mór.
Oileáin	Inis Meáin an t-oileán a ba dheise dóibh. Bhíodh deartháir leis ar fhostach ar oileán Ghabhla agus bhíodh Tadhg ag tabhairt cuairt air. Théadh siad ag damhsaí agus ceol ar na oileáin eile fosta agus thagadh siadsan go Oileán Oirthir. Bhíodh siad ag damhsa i dteach na scoile nó ar an ché.
Oileáin	Tithe an oileáin, sean tithe a bhíodh iontu. Tithe ceann tuí a bhí iontu agus fríd am chuir siad díonta slata orthu. Bhí meirg sna tairní. Leis na stoirmeacha ar an oileán fosta, rinne siad dochar do na tithe. Ba mhinic a bhíodh an t-oileán gearrtha ar shiúl ar feadh coicíse nuair a thagadh na stoirm.
Oileáin	In 1957 cheannaigh a mháthair feirm i bhFána Bhuí, an áit ina bhfuil Tadhg anois. Théann sé isteach corr uair anois ach níl a dhath mar a bhí. Bhí cumha orthu i ndiaidh an oileáin a fhágáil, ní raibh carranna ar fáil ansin agus ní raibh an t-oileán le feiceáil. Chronaigh siad na daoine agus nádúr na ndaoine ar an oileán.
Oileáin	Ag éirí aníos ar an oileán: Rugadh Tadhg in Inis Oirthir in 1925, chuaigh sé ar scoil in Inis Oirthir. Cártaí agus ag siúl an caitheamh aimsire a bhí acu ar an oileán. Bhí sé ar fostach istigh ar an oileán agus ar an Choitín. D’fhág siad an scoil ag 14 bliana d’aois. Ní raibh fágtha ar an scoil ach triúr nuair a d’fhág Tadhg agus druideadh an scoil. B’éigean don triúr a bhí fágtha a theacht amach go tír mór le dhul na scoile.
Oileáin	An Gorta Mór 1847:- chuaigh daoine as tír mór isteach chun oileáin ná bhí sé níos fusa a bheith beo ann. Bhí bia s’acu féin acu, iasc, preátaí, creathnach, duileasc, carraigín, bainne, im agus mar sin de. Bhí punt ná dhó le saothrú fosta. Tá lorg bothóga ar an oileán go fóill.

**Catagóir: Stairsheanchas**
Fochatagóir	Cur Síos
Imirce	1942:- d’imigh sé go hAlbain (Ayrshire) ag obair feirmeoireachta, é féin agus a dheartháir. Bhí an cogadh ag dul san am. Cur síos ar a am ansin. Ní raibh mórán béarla acu nuair a d’imigh siad.
Stair an Teaghlaigh	Cailleadh a uncail Seoirse Mac Pháidín (Joe Thaidhg) roimh am Thaidhg. Bádh é lá amháin ag teacht ar ais ón Bhun Bheag, buaileadh leis seol an bháid é agus thit sé amach.
Stair an Teaghlaigh	B’as Tír Eoghain a tháinig a athair-mór, Séamus. Chuaigh sé an oileáin ar dtús agus ansin go Meiriceá.

**Catagóir: An Pobal**
Fochatagóir	Cur Síos
An tAifreann	Ba ghnách leo a theacht amach go teach pobail Dhoire Beaga achan nDomhnach don Aifreann. Thagadh siad amach go Port Inis Oirthir ar an Ghlaisigh.
Spailpíní	Théadh Tadhg go hAlbain ag obair go séasúrach. Obair tholláin an chuid is mó agus ansin thagadh se ar ais na bhaile leis an iascaireacht agus feirmeoireacht a dhéanamh. Bhíodh siad ag fáil deontais bheaga le caoirigh a choinneáil.
Obair	Bhíodh sé in Albain gach bliain agus thosaigh sé ag obair tholláin. Bhí obair iontach mífholláin ansin. Bhí uaireanta fada le déanamh acu agus bhí an bia olc. Bhíodh sé ag tógáil claíocha in Northumberland de réir an phíosa. Bhí sin i bhfad níos sláintiúil ná obair tolláin. Bhíodh siad ag fanacht in campaí, bhíodh cuid acu iontach olc.
Spailpíní	Chuaigh sé ar fhostach nuair a d’fhág sé an scoil. Chuaigh sé ón Ráibeail agus fostaíodh i nDrom Chaoin (Drumquin) é i dTír Eoghain. £5 an tuarastal a bhí sé ag fáil. Rinne sé dhá shéasúr ansin

**Catagóir: Ceirdeanna agus Cothú an Tí**
Fochatagóir	Cur Síos
Iascaireacht	Iascaireacht scadán agus an chúis gur tháinig meath air.
Ainmhithe, Beithígh agus Eallach	Shnámhadh siad an t-eallach amach agus isteach an oileáin. Cur síos ar sin, bhí siad le tabhairt amach le díol agus don tarbh.
Móin	An caorán a bhí acu ar an oileán, bhíodh Tadhg ag baint mhóna. Bhí móin iontach mhaith ann fosta. Bhí asail acu leis an mhóin a thabhairt na bhaile.

**Catagóir: Lonnú agus Cónaí**
Fochatagóir	Cur Síos
Bunadh na hÁite	Bhí lucht an oileáin gaolmhar:- Clann Mhic Pháidín (clann a mháthar), Mac Garbheith Clann Uí Fhríl, Clann Uí Fhearraigh. Tréigeadh an t-oileán in 1957, sin nuair a rinneadh an cónaí deireanach ann ach téann daoine isteach go fóill ag iascaireacht agus mar sin.

**Catagóir: An Ealaín Bhéil**
Fochatagóir	Cur Síos
Amhránaíocht	Amhrán a chum a dheartháir John Ac Cullagh ‘Inis Oirthir’, a rá ag Tadhg.

Theme by Danetsoft and Danang Probo Sayekti inspired by Maksimer