Sonraí an Agallaimh

Ainm:	Dónall Ó Canainn
Áit Chónaithe:	An Caiseal, Gort an Choirce, Gort an Choirce, Cloch Cheann Fhaola.
Áit Dúchais:	An Caiseal, Gort an Choirce

Dáta

Bailitheoir

sdgsdg

15/11/2007

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	D’obair Dónalll ar thógáil theach phobail Ghort an Choirce. O’Connor and Bailey an conraitheoir as Baile Átha Cliath a bhí an jab acu. Ní raibh mórán trealaimh acu agus bhí cuid mhór obair láimhe le déanamh acu. Bhí thart ar 30 fear ag obair ansin, bhí obair mhaslach ann. Bhí na brící le déanamh acu féin fosta. Caitheadh tamall maith roimh ré ag déanamh réidh don thógáil. Bhí páirc lán creige ansin a bhí le baint amach uilig ar dtús. Bhí pá de thart ar £43 acu.
Seirbhís Mhíleata	An oíche a tógadh Charlie Daly agus a chomrádaithe.
Oideachas	A óige féin, ní raibh suim ar bith aige sa scoil, bhí léir oibre acu le déanamh sa bhaile, ag amharc i ndiaidh an bhairr agus a leithéid. Bhí saol crua go leor ar an scoil, tá athrach mhór ar rudaí anois. Ní raibh mórán léinn ag na fir a bhí ag imeacht ach an oiread.
Obair	Phill sé na bhaile ansin agus thosaigh sé ag obair lena cholceathrar, conraitheoir Kevin Mac Monagail ag tógáil tithe i nGaoth Dobhair agus Cloich Cheann Fhaola. Bhí rudaí ag iarraidh níos fearr san am, 60aí, bhí daoine ag tógáil tithe. Thóg sé tithe ansin ar an Bhealtaine agus a theach féin.

**Catagóir: Stairsheanchas**
Fochatagóir	Cur Síos
Teangacha á labhairt in Éirinn	Coláiste Uladh – chuidigh sé go mór le saothrú dona mná tí mar go raibh na céadta ag teacht na Coláiste. Thug sé cuidiú mhór fosta don teanga Gaeilge. Ar an Ardaí Bheag ar dtús a bhí Coláiste Uladh. Dódh an choláiste dhá uair agus tógadh arís í. Na Dúchrónaigh a dhóigh í in 1922.
Imirce	Droichead na nDeor – phéinteáil Dónalll Droichead na nDeor agus cheannaigh bean as an Astráil é mar gur sin an bealach a deachaigh a máthair nuair a d’imigh sí go Meiriceá.
Stair an Teaghlaigh	Seanchas a athar móir: d’imigh a athair mór Tom Ó Canainn i gcuideachta scaife fear as Cloich Cheann Fhaola go Klondike ag baint óir. Bhí Micí Mac Gabhann ina chol ceathrar ag Tom agus bhí seisean leis. Chaith Tom dhá bhliain déag ansin. Nuair a phill siad na bhaile cheannaigh sé féin agus Micí Mac Gabhann feirm talaimh ón Tiarna Johnston agus scoilt siad suas é. Choinnigh Tom os cionn an bhealaigh agus choinnigh Micí faoin bhealach, an áit atá “Cnámh na Péiste”. Fuair athair mór Dhónaill, Tom bás óg le tinneas ag 44 bliain d’aois. B’ as Baile an Teampaill a mháthair.
Imirce	A chuimhne ar na conbhuanna – American Wake agus girseacha óga ag imeacht go Meiriceá. Bhí amanna iontach truacánta ann. Ba ghnách le Dónalll an bosca a bhuaileadh ag oícheanta mar sin sula n-imíodh daoine go Meiriceá.
Imirce	Imirce; a chuimhne ar a athair ag imeacht ag obair go hAlbain, bhí na fir uilig ag imeacht go hAlbain go séasúrach. Bhí sé deacair go leor obair a fháil corr uair, chuaigh Dónalll é féin fríd seo é féin nuair a chuaigh sé féin ag obair in Albain. A chuimhne ar a mháthair ag fáil teileagraim le hairgead óna athair.
Teangacha á labhairt in Éirinn	Tá an Ghaeilge beo go fóill i nGort an Choirce agus an Bhealtaine.
Imirce	Nuair a d’fhág Dónalll an scoil, bhí sé ag treabhadh talaimh do dhaoine ar feadh tamaill ach ní raibh mórán airgid le saothrú ar sin agus d’imigh sé leis go Albain. D’imigh sé ar bhád Doire go Haddington agus Dunbar, bhí daoine muinteartha thall aige. Fuair sé jab ag tiomaint tarracóir ar fheirm. £7 sa tseachtain an pá a bhí aige. Chaith se séasúr ansin. Chuaigh sé go Londain ag a dheirfiúr, bhí sí le pósadh. Fuair sé obair tógála ansin le Charlie John an Ghabha. Ba saor cloiche é Dónalll agus bhí taithí mhaith aige ar obair tógála.
Imirce	Chaith Dónalll seal in Nua Eabhrach ag obair siúinéireachta, d’obair sé san áit a raibh na Twin Towers, siopa Macy’s agus i bhfoirgneamh na na Náisiúin Aontaithe. Bhí a dheirfiúr ina cónaí ar an Oileán Fhada agus d’fhan sé aici. Bhain sé sult as an am a chaith sé ansin. Chonaic sé paráid Lá Pádraig in Nua Eabhrac fosta.

**Catagóir: Taisteal agus Gnó**
Fochatagóir	Cur Síos
Iompar Nua-Aimseartha	A chuimhne ar Stáisiún Chaiseal na gCorr agus iad ina suí ar an bhruach ag fanacht leis an traein ag teach as Doire agus amach arís. Is iomaí duine a d’imigh ar an traein.

**Catagóir: An Ealaín Bhéil**
Fochatagóir	Cur Síos
Logainmneacha	Logainmneacha: An Caiseal – bhí sean chaisleán ar thalamh Dhónaill agus sin an fáth a dtugtar An Caiseal air.

**Catagóir: An Duine**
Fochatagóir	Cur Síos
Reiligí Áitiúla	Seanchas reilig Tulacha Beigile. Is iomaí lá a chaith sé am ag imirt thart fá dtaobh de, bhí a mháthair mhór ina cónaí ag taobh na mballaí. Na coirp a cuireadh ann, thugtaí coirp as Gaoth Dobhair agus na Rosann le cur sa reilig.

**Catagóir: Cluichí agus Caitheamh Aimsire**
Fochatagóir	Cur Síos
Ag Bualadh an Cheoil	Tá Dónalll ag buaileadh an bosca ceoil le fada an lá. Bhíodh sé sa bhanna ceoil fosta. Bhíodh sé ag buaileadh ag na bainiseacha fosta.
Ag Bualadh an Cheoil	Buaileann Dónalll cúpla port ar an bhosca ceoil a phioc sé suas ó Mhicí Ó Domhnaill.

Theme by Danetsoft and Danang Probo Sayekti inspired by Maksimer