Sonraí an Agallaimh

Ainm:	Joseph Mac Suibhne
Áit Chónaithe:	Mín na Manrach, Cró Bheithe, Mín Marach, An Clochán Liath.
Áit Dúchais:	An Airdmhín

Dáta

Bailitheoir

sdgsdg

29/11/2007

Dónall Dinny Ó Gallachóir

**Catagóir: An Pobal**
Fochatagóir	Cur Síos
Spailpíní	Phill sé ar ais na bhaile agus ina dhiaidh sin in 1948, chuaigh sé féin agus Nóra, a bhean céile anois, go Glaschú. Bhí léir as Gaoth Dobhair in Cumberland Street i nGlaschú. Bhog siad go Pollokshields, go Kings Park agus go cúpla áit eile sula shocair siad.
Obair	An obair a thosaigh sé ar nuair a chuaigh sé go Glaschú ar dtús, leis “An Corporation” a bhí sé ag obair. Bhí fir eile as an bhaile ag obair ansin fosta. D’oibrigh sé leis na feirmeoirí ag draenáil díoga fosta. Ansin thosaigh sé gnó dena chuid féin “Sweeney Drainage”. D’oibrigh sé thart fríd Ghlaschú agus amuigh sa tír. Tá thart ar 30 nó 40 duine ag obair dó anois.
Cleachtas Scoile	Scoil Mhín Marach – bhí an máistir go tíoránta ar fad agus tá droch chuimhní aige ar na laethanta sin.
Spailpíní	Na Gorbals – na tithe leanna agus an troid a bheadh ann ag an deireadh seachtaine gach oíche Shatharn. Thógadh na gardaí na hÉireannaigh agus phiocadh na gardaí orthu, ní raibh siad iontach féaráilte. Bhí aithne aige ar athair Dhónaill.
Spailpíní	Bhí gach duine eile ag imeacht agus shíl Joe gur mhaith leis féin imeacht fosta. Ba sin an chúis ar imigh sé go hAlbain ag obair phreátaí in Girvan ar £3.50 sa tseachtain. An lá a d’imigh sé; fuair sé an traein go Béal Feirste agus as sin chuaigh sé ar an bhád. Bhí scaifte maith fear i gcuideachta a chéile. In 1944 a bhí sin, bhíodh siad ag obair ar an 4 a chlog ar maidin leis na préataí a chur ar shiúl ar maidin. Bhí an cogadh ag gabháil ar aghaidh san am agus bhí rudaí iontach gann. Bhíodh sé réidh leis an obair sin ag a 1 a chlog agus théadh sé ag feirmeoir eile ag obair féir. Chuaigh sé as sin go North Berwick go feirm eile, deartháir den chéad fhear a bhí sé aige a bhí ansin. Bhí an botaí ina raibh siad ag fanacht ann garbh. Chaitheadh siad a dtocht a líonadh le cochán. Bhíodh píosa craic acu eatarthu féin san oíche. Ag an deireadh seachtaine bhíodh damhsaí acu. Chaith sé dhá bhliain thall in Albain agus ansin tháinig sé na bhaile.
Spailpíní	Chaith sé bliain sa bhaile agus ansin d’imigh sé leis go Oileán Mhanann. Obair éisc a bhí sé ag déanamh ansin agus obair feirmeoireachta, ní raibh dúil ar bith aige san obair éisc ach bhí an oileán galánta.

**Catagóir: Cluichí agus Caitheamh Aimsire**
Fochatagóir	Cur Síos
Peil	D’imir a theaghlach sacair agus bhí fear acu ag imirt do Aberdeen agus bhí fear eile ag imirt do Queens Park ach gortaíodh é.
Damhsa	A chuimhne ar a óige sular imigh sé agus an chraic a bhíodh acu féin. Damhsaí in halla Phaidí Donkey. Thagadh daoine as Gaoth Dobhair fosta chuig na damhsaí. Bhíodh rothair leo uilig agus thugadh Joe agus a chairde leo na rothair agus thiomáineadh siad isteach san eanach faoin halla iad, bhí píosa craic acu. Scéalta eile grinn faoin chraic a bhíodh acu ag na damhsaí. Bhíodh píosa troda ag dul ar aghaidh fosta.
Cluichí agus Caitheamh Aimsire ag Faire	An chraic a bhíodh acu ag na fairí fadó fosta. Bhíodh na daoine muinteartha cruinnithe thart ar an leaba i ndiaidh an phaidrín ag caoineadh. Dar leis go raibh an oiread sin eagla orthu i ndiaidh an chaointe agus nach raibh misneach acu dul na bhaile, shuíodh siad i rith na hoíche go bánú na lae.
Peil	Lean Joe foireann Celtic blianta mar gur sin an ceangail le hÉirinn. Chuir sé aithne ar chuid dena himreoirí. Théadh siad ó áit go háit leis na cluichí a fheiceáil.

**Catagóir: Lonnú agus Cónaí**
Fochatagóir	Cur Síos
Tithe Cráifeacha	Shiúladh siad siar go dtí an Chlochán Liath chun Aifrinn sular tógadh teach pobail Mhín Uí Bhaoghaill.

**Catagóir: An Ealaín Bhéil**
Fochatagóir	Cur Síos
Amhránaíocht	Amhrán a cheol ag Joe, an tOileán Úr.

Theme by Danetsoft and Danang Probo Sayekti inspired by Maksimer