Sonraí an Agallaimh

Ainm:
 Máiréad Nic Pháidín
Áit Chónaithe:
 An Cheathrú Cheanainn, An Fál Carrach, Cloch Cheann Fhaola.

Áit Dúchais:
 Inis Bó Finne
Dáta
 Bailitheoir
sdgsdg
07/01/2008 Dónall Dinny Ó Gallachóir

Catagóir: An Pobal
Fochatagóir
 Cur Síos
Spailpíní D’fhág Maggie an t-oileán go hóg agus chuaigh sí go dtí an Raibeal i Leitir Ceanainn lena máthair ag 16 bliana d’aois. D’fhan siad i nGort a Choirce an oíche roimh ré agus chuaigh siad amach ar an bhus. Mar a bhítí pioctha ansin ag an raibeal. Rinneadh conradh lena máthair. Ní raibh mórán pa aici ach bhí go leor oibre le déanamh aici. Ní raibh cumhaidh uirthi mar shíl sí gur áit iontach a bhí ann cé go raibh an obair crua. Bhí a hathair dall agus bhí ar Mháiréad agus a máthair an obair a dhéanamh leis an teaghlach a thógáil.
Obair Bhí an obair céanna le déanamh sa bhaile aici ar an oileán. D’oibir Máiréad agus a máthair mar a bheadh fir ann. Bhí rómhair agus iomairí le déanamh acu. Bhí comharsana maith acu agus chuidíodh siad leo. Bhí feamnach le baint agus an talamh le leasú le sin. Bhí obair mhóna le déanamh acu fosta thuas Taobh an Leithid. Tógadh le sin í agus bhí sí breá cleachtaithe leis.
Bhí toirtíní le déanamh sa phán sa chrochadh ar an tine fhoscailte. Málaí plúr 8 gclocha a bhíodh acu agus bhí siopa ar an oileán le gach rud a bhí de dhith orthu.
Spailpíní Chaith sí ó Bhealtaine go Samhain ar an Lagán an chéad uair agus ina dhiaidh sin rinne sí 13 seachtaine ann. Chaitheadh sí teacht na bhaile corr uair le cuidiú sa bhaile. Théadh sí an Aifrinn gach Domhnach. Bhí na daoine a bhí sí af fhostach acu iontach maith di.

Theme by Danetsoft and Danang Probo Sayekti inspired by Maksimer