Bealoideasbeo.com
Acadamh na hOllscolaíochta Gaeilge
Ainm: | Séamus Ó Dochartaigh | |
Áit Chónaithe: | Béal an Átha Móir, An Clochán, Leifear. | |
Áit Dúchais: | Béal an Átha Móir, An Clochán |
Fochatagóir |
Cur Síos | |
---|---|---|
Filí | An táilliúir agus an scríbhneoir, Peadar Breathnach, bhí sé maith ag cumadh amhráin. Rann dena chuid. | |
Stair an Teaghlaigh | James agus Dónalll ag déanamh cainte agus caibidil faoi Ghearóid Óg Ó Dochartaigh. Dhá dheartháir – Eoin agus James a bhí ins an scéal. Noble mar leasainm ar James – cur síos ar an dóigh a bhfuair sé an leasainm sin agus an dóigh a lean sé ar aghaidh. Seanchas faoina athair mór agus an ‘Noble Bar’. | |
Stair an Teaghlaigh | D’fhág Clann Uí Dhochartaigh Inis Eoghain i 1774 nuair a díbríodh as a gcuid talaimh iad. Scéal faoin Ghorta Mór agus Páidí Beag as Leitir Bric a tharla ar an 12ú Meán Fómhair i 1846. | |
Na hÉireannaigh | Gach ceithre seachtaine thugtaí tonna guail do. Ba ghnách leis cuid de a thabhairt do chúpla sean phinsinéir a bhí ina gcónaí in aice leis, bhí barraíocht aige féin. Bhí na comharsan a bhí acu iontach maith daofa agus gach Nollaig, thugadh siad bronntanais dona páistí. An caidreamh idir é féin agus na daoine thart air. Bhí dúil aige thall in Sasana. |
|
Teangacha á labhairt in Éirinn | Díospóireacht faoi scéal na sióg. | |
Teangacha á labhairt in Éirinn | Ag deileáil leis an Bhéarla – ní raibh mórán de teanga aige. Bhí Béarla maith ag an athair mar gheall ar an seal a chaith sé i Meiriceá. | |
Stair an Teaghlaigh | D’imigh Peadar Mhícheáil Noble (athair James) go Meiriceá agus cheannaigh sé féin agus a chuid deartháireacha (James agus Éamonn) cuid mhór talaimh in Great Falls in Montana. Ba ghnách leo crainn go leor a bhaint agus a thabhairt go muileann adhmaid lena ngearradh. Bhí siad ag gabháil go maith go dtí go dtáinig Peadar chun an bhaile lena athair a fheiceáil nuair a bhí sé ag éileamh. D’fhág sé Gearmánach i gceannas ar an obair thall ar feadh tamaill ach tharlaigh sé gur dhiúltaigh bean Pheadair pilleadh go Meiriceá. D’fhág sin a dhóigh féin ag an ghadaí de Ghearmánach agus chaill Peadar saibhreas de thairbhe. Fuair Séamus an fíorscéal amach nuair a bhí sé i Meiriceá i 2001. | |
Teangacha á labhairt in Éirinn | Scéal fá scoláirí ag teacht ar ais i ndiaidh a gcuid ama caite ag an scoil samhraidh. Scéal Sheáin na Coimirce agus a mhadadh - scéal sí. | |
Daoine Aitheanta go hÁitiúil | Scéal suimiúil eile fá Dhónall Ó Conaill nuair a d’fhiach na Sasanaigh an nimh a chur ina chupa. Bhí sé thall i bparlaimint Shasana agus bhí siad ag iarraidh déanamh ar shiúl leis. An girseach a d’inis do go raibh nimh ina chupa trí rán a d’inis sí do. “A Dhónaill Uí Chonaill, an dtuigeann tú Gaeilge? Tuigim a chailín, caidé sin is léir duit? Tá oiread nimhe in do chupa agus a mharódh na céadtaí.” D’athraigh sé a chupa thart le fear eile agus maraíodh an fear eile. Bhí an scéal sin ar an scoil aige le cois rudaí eile. |
Fochatagóir |
Cur Síos | |
---|---|---|
Obair | In 1895, bhí uncail James ag obair ar ‘Bhóthar an Iarainn’ agus ba 10 scillinge sa tseachtain a phá. Obair chrua a bhí ann. | |
Obair | Ag obair in Sasana, ag obair sna mianaigh guail a bhí sé. Cur síos ar an dóigh a thosaigh sé ar an obair seo, thug na gardaí rogha do nuair a thóg siad é, é sin nó an t-arm. Chuaigh sé faoin talamh. In Derbyshire a bhí sé nuair a chuaigh sé anonn an darna uair. Bhí teach aige agus tonna guail saor in aisce achan mhí mar go raibh sé ag obair sna mianaigh. Cuntas maith ar an obair ansin, bhí obair chrua ann. Timpistí a tharla ansin fosta, fir a raibh aithne aige orthu. Mar a bhí siad ag tabhairt amach an ghuail as na mianaigh. Bhí scaifte mór ag obair ansin san am sin. Bhí ceithre scór beithígh acu thíos sna mianaigh ach ní mhairfeadh siad i bhfad. Ag obair ar a mbolg a bheadh siad ina luí agus iad ag obair.An t-éadach agus clogaid a bhíodh orthu. Ní raibh a ghoile rómhaith agus chuir an dochtúir an locht ar an obair a bhí sé ag déanamh. Chuirtí éan bag síos sna mianaigh le feiceáil caidé an méid gáis a bhí iontu. Bhí daoine deasa ag obair leis. Ba don “National Coal Board” a d'oibir sé. Bhí pá de chúig phunt sa lá (sa seift) aige. |
|
Cleachtas Scoile | Chuaigh James go dtí an scoil i Leitir Bric i 1934 – bhí meascán de bhuachaillí móra agus cailíní móra ann. Minic go leor ní bhíodh scoláirí ar an scoil i rith an geimhridh nó an tsamhraidh nuair a bhí rudaí le déanamh sa bhaile. An bhrúidiúlacht a thug an Máistir Rua do na daltaí. Eachtra a tharla i 1939 ar an scoil nuair a bhuail James buille ar ghasúr eile agus de thairbhe sin thit sé amach leis an Mháistir Ó Braonáin (máistir óg a tháinig isteach nuair a d’éirigh an Máistir Rua as) nuair a chuir sé pionós air agus d’fhág James an scoil. | |
Grúpaí Daoine | Bhí saol breá aige ansin agus casadh léir daoine suimiúla air. Daoine breá a bhí sna Sasanaigh. Bhí dúil acu ag inse scéalta faoin Sasanach, an tAlbanach agus an tÉireannach. Bhí meas go leor ag na daoine ar casadh Séamus orthu ar na hÉireannaigh. | |
Obair | Nuair a d’fhág James an scoil, chuaigh sé chun an Ráibeáil ar an tSrath Bán agus fostaíodh é le feirmeoir i nDroichead an Phlum (Plumbridge) ar £1 sa tseachtain ar feadh sé mhí. Coolmore’s farm a bhí ann. Ag obair ó 6 a chlog ar maidín leis na ba a bhlí an chéad rud. | |
Seirbhís Mhíleata | Scéalta faoi na Dúchrónaigh (Black & Tans). Scéal greannmhar faoin Rí a bhí ag iarraidh fuil Éireannach. |
|
Obair | D’imigh James go Coventry, Sasana mar bhí deirfiúr s’aige thall ansin. Fuair sé obair sna mianaigh guail ag 18 mbliana d’aois – chaithfeá deich slata a dhéanamh sa lá sula bhfuair tú bonus. Ba é an rogha a bhí aige ná dul síos sna mianaigh nó dul isteach in arm na Breataine. Chaith sé ceithre nó cúig bliana ar an obair sin, go dtí go raibh an cogadh thart. | |
An Lucht Siúil | Cuimhne James ar an lucht siúil agus an cheird a bhí ag cuid mhaith acu. Táilliúir agus gréasaí bróg. Bhí Denis Ryan luaite sa phíosa seo. Seanfhocail – scráideog [sráideog] (leaba ar an urlár). | |
Gaol Sóisialta agus Teaghlaigh | Chuaigh sé féin agus a bhean Bríd ar ais go Sasana i ndiaidh a bpósta. Bhí an chéad leanbh Páidí leofa agus tháinig an chéad ghirseach is sine ar an tsaol thall i Sasana. Béarla uilig a bhíodh siad ag caint thall. | |
Obair | Phill James, a bhean agus a gcuid bpáistí chun an bhaile go Béal an Átha Móir ansin agus thosaigh sé ar obair talmhaíochta. Cheannaigh sé tarracóir agus thosaigh sé ar threabh do na comharsanaigh agus shaothraigh a bheatha mar sin ar feadh tamaill. Thosaigh sé ag obair leis an ‘fhoraoiseacht’ (forestry) [an Roinn Foraoiseachta] agus chaith sé cúig bliana déag ag gabháil don obair sin go dtí gur gortaíodh é i 1980 agus d’éirigh sé as. | |
Obair | Bhunaigh sé féin agus a chuid mac Páidí agus Peadar muileann adhmaid agus tá an gnó sin ag gabháil go sár-mhaith ar fad. Tá beirt mhac de chuid James sa ghnó sin anois. Níonn siad poist adhmaid. |
Fochatagóir |
Cur Síos | |
---|---|---|
An tAerbhrat (Stoirmeacha Tobann) | Oíche na gaoithe móire. Tharla sí i rith na 1890í. |
Fochatagóir |
Cur Síos | |
---|---|---|
Cuidiú agus Comhairle ó na Sióga | Scéal sí a d’inis a mháthair dó. Bhí teaghlach ann agus fuair an bhó bás – rud a chuir isteach orthu go mór. Suas an bealach, bhuail an t-athair le fear iontach beag a dúirt go mbeadh achan rud i gceart ar maidin. Go mbeadh bó úr sa bhóitheach ag fanacht leis. Rud a bhí. Chuaigh achan rud go maith daofa go ceann i bhfad – rugadh gamhna don bhó agus thug sí neart bainne. Sin go breá go dtí gur shocair an fear go ndíolfadh sé an tseanbhó – d’éalaigh an bhó air. | |
Ag Feiceáil Taibhsí | Scéal faoi theach tábhairne sa cheantar a bhí ag déanamh damhsaí – ní raibh teach tábhairne ar bith eile foscailte thart san áit. Maidin Lá Fhéile Pádraig bhí Séamus ag cuartú uisce beatha sa teach tabhairne sin agus bhí corp ina luí ar an leaba nár aithin bean an tí – dúirt Séamus léi cuir fá choinne an tsagairt. Thug sí an deoch dó gan a dhath. |
Fochatagóir |
Cur Síos | |
---|---|---|
Easláinte agus Aicídí | Leigheasanna. Snáithe Leonta - leigheas a bhí ag seanduine beag sa chomharsanacht, Mícheál Lochlainn (beo go raibh sé 105 bliain d’aois). | |
Easláinte agus Aicídí | Leigheasanna. Leigheas an Chait Bhráid - fuair James an leigheas seo ó sheanduine sa chomharsanacht i 1940 nuair a bhí 12 bhliain d’aois. | |
Easláinte agus Aicídí | Leigheasanna. Leigheas Casachtach - an bláth buí ar an aiteannach a bhruith agus cúpla leigheas eile. |
Fochatagóir |
Cur Síos | |
---|---|---|
Amhránaíocht | Bean céile Shéamuis, Bríd, ag ceol amhráin, “My Lovely Old Fintown”. Níl sé seo críochnaithe, rinne sí dearmad de na focail. | |
Logainmneacha | An míniú ar an chúis go dtugtar Béal an Átha Móir ar an bhaile fearainn ina bhfuil Séamus agus Bríd ina gcónaí – bunaithe ar an abhainn mhór atá ag teacht aniar fríd. |
Fochatagóir |
Cur Síos | |
---|---|---|
Cleamhnas | Cleamhnas agus cur síos maith ar an dóigh a dhéantaí seo. Scéal faoi fhear sa chomharsa a bhí ag iarraidh pósadh agus rinneadh cleamhnas do. Téarmaí ag gabháil leis an chleamhnas, crodh nó spré. [Tá a bhean Bríd ag caint fosta] A Nóra Dhubh caidé do chruth, “trí bhó dhéag agus bearrach dubh” |
Fochatagóir |
Cur Síos | |
---|---|---|
Deochanna Meisciúla | Ag déanamh poitín. Níl mórán ag dul sa cheantar anois. Bíonn poitín ag teacht ó Ghleann Cholm Cille de réir mar a chluineann Séamus. |
Theme by Danetsoft and Danang Probo Sayekti inspired by Maksimer