Sonraí an Agallaimh

Ainm:	Nóra Ní Ghallchóir
Áit Chónaithe:	An Dún Mór, An Fál Carrach, An Fál Carrach, Cloch Cheann Fhaola.
Áit Dúchais:	Loch Caol, Croithlí

Dáta

Bailitheoir

sdgsdg

27/05/2008

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	Nuair a d’fhág sí an scoil thosaigh sí ag obair sa mhonarcha i gCroithlí, chaith sí 5 bliana ag obair ansin ag déanamh babógaí. 7 scilling augs 6 pingin an pá a thosaigh sí leis. Fuair sí rothar di féin, bhí taisteal fada le déanamh aici. Bhíodh sí ag obair ó 9 a chlog go dtí 5.45 i.n. Bhí dúil aici ag obair ansin, bhí am breá aici. Choinnigh sí babóg agus tá sé aici go fóill.
An Teaghlach	Tá an teach inár tógadh í mar bhaile saoire ann anois, is le nia di anois an teach. Pósadh í féin agus bhí cónaí uirthi in Devlin. Áit uaigneach a bhí ann ach bhí fear maith aici, chaith sé a shaol ag obair ag an Chomhairle Contae. Bhí daoine thart i gcónaí agus bhí sí breá sásta ansin. Maraíodh a iníon, Nóirín, in 1976 agus ina dhiaidh sin, bhog siad go dtí an Dún Mhór in 1979. Insíonn sí mar a maraíodh a iníon, rith carr eile isteach sa charr a raibh sí mar phaisinéir ann. Maraíodh triúr acu. Is maith le an áit a bhfuil cónaí uirthi anois, tá comharsan iontach mhaith aici. Tá a mac ina chónaí sa teach in Devlin agus téann sí amach go fóill.
An Creideamh	Éiríonn sí amach anois le dhul an Aifrinn chomh minic agus a thig léi. Bhí sí 13 uair in Loch Dearg agus 5 uair in Lourdes. Bhí sí in Kerrytown agsu Knock fosta. Tá sí iontach naofa.
An Teaghlach	Is Nóra an duine is óige de dheichear teaghlaigh a tógadh ar bhruach locha. Bhí ceithre theach cónaí i mbaile fearainn Loch Caol.
Cleachtas Scoile	Ag gabháil na scoile agus eagla orthu roimh na beithígh, chaitheadh a máthair a dhul amach agus iad a thabhairt na bhaile. Shiúladh siad na scoile costarnocht, scoil an Toirr. Jimí Pheadair Shéamuis Bháin a bhí ag teagasc. Bhí dhá fhód móna leo na scoile. Bhí an máistir crua orthu agus ghlac Nóra fuath don scoil.
Spailpíní	Bheadh a hathair agus a dhá deartháir ag gabháil go hAlbain a dh’oibir, bhí a hathair ag cur £1 sa tseachtain na bhaile.

**Catagóir: Cluichí agus Caitheamh Aimsire**
Fochatagóir	Cur Síos
Damhsa	Bhíodh siad ag siúl trasna an chnoic go Dún Lúiche ag damhsa. Ní raibh dóigh ar bith na bhaile acu agus d’iarr siad síob ar dhá stócach ar chrosbharra an rothair go Croithlí. Ní raibh carranna ar bith ann an t-am sin.

**Catagóir: Nósanna agus Piseoga**
Fochatagóir	Cur Síos
Comharthaí Báis	Fuair sí comartha cúpla oíche sular maraíodh Nóirín, bhí brionglóid aici go raibh sí féin marbh.

**Catagóir: Taisteal agus Gnó**
Fochatagóir	Cur Síos
Taisteal	Bhí go leor oibre le déanamh acu, obair móna agus asal agus carr a bhí acu. Ní raibh gluaisteán ar bith acu. Chaitheadh siad siúl an aifrinn ar an Chochan Liath nó go hAnagaire sular tógadh teach pobail Mhín Uí Bhaoill.
Cosáin agus Bóithre	Dhá theach cónaí i Mín na gCapóg agus ní raibh bealach fiú isteach go dtí na tithe.
Siopaí	Bhí siopa taistil as Rann na Feirste ag gabháil thart, le Brianaí Dhonnchaidh é, agus bhí siopa beag aige fosta faoin scoil. Bhí an siopa breá sásta, bhí achan rud aige.

Theme by Danetsoft and Danang Probo Sayekti inspired by Maksimer