Sonraí an Agallaimh

Ainm:	Páidí Mac Pháidín
Áit Chónaithe:	Dobhar, An Bun Beag, An Bun Beag, Gaoth Dobhair.
Áit Dúchais:	Dobhar, An Bun Beag

Dáta

Bailitheoir

sdgsdg

01/09/2008

Dónall Dinny Ó Gallachóir

**Catagóir: Taisteal agus Gnó**
Fochatagóir	Cur Síos
Siopaí	Measann Páidí gur siopa John Thimlín in Mín an Iolair an chéad siopa a chuaigh amach le veain, beithíoch agus vean. Tá sé den bharúil gur a athair an chéad duine a cheannaigh leoraí bheag. Le linn an chogaidh bhí a athair ag dul thart ag díol earraí le veain agus beithíoch.
Siopaí	Téann sé fríd liosta de na siopaí beaga a bhí i nGaoth Dobhair ó theach Andy Ward go barr Dhobhair agus Croithlí. Bhí gach rud le tomhais ag an am sin. Ba ghnách le Páidí a dhul amach le carr agus asal gach Aoine – síos Machaire Loisce le málaí mine choirce agus min bhuí agus araile.
Iompar Nua-Aimseartha	Tacsaí – ba Joe Bhilly an chéad tacsaí a thosaigh i nGaoth Dobhair agus thosaigh a athair Tadhg John Thaidhg ar tacsaí, ag tabhairt daoine chun Aifrinn ar dtús ar leoraí agus ar charr go Doire Beaga.
Iompar Nua-Aimseartha	Thosaigh Páidí ag tiomáint go hóg agus fuair sé cead tiomána faoi ainm dhuine eile. A chuimhne ar an chéad uair a thug sé mná chun Aifrinn. Thug sé mná amach go Leitir Ceanainn go dtí an stáisiún agus chuaigh sé ar seachrán i gcúl an Earagail. Rith sé amach as peitreal.
Iompar Nua-Aimseartha	In 1953 thosaigh Páidí ag tiomáint do CLG Ghaoth Dobhair. Ba in 1948 an chéad uair a chuaigh sé go Doire le daoine a phiocadh suas. In 1950 thug a athair carr do agus níor stad sé ag tiomáint ó shin. Bhí comhlacht busanna aige ar feadh blianta agus is cuimhne leis naoi bhus aige thuas in Larne uair amháin agus tá a chlann ag leanstan leis an obair sin ó shin.
Siopaí	Chuaigh Páidí amach leis an vean ag iompar siopa nuair a bhí sé aosta go leor. Cur síos ar a mháthair agus an obair / uaireanta a rinne sí sa tsiopa.

**Catagóir: An Ealaín Bhéil**
Fochatagóir	Cur Síos
Amhránaíocht	D’iarrtaí ar Pháidí ceol nuair a bhíodh sé ag bainse. An chéad amhrán a rinne é – amhrán faoi thórramh i ndiaidh bean a chur. Dhéanadh sé sin go minic, amhrán a chumadh agus aer a chur leis ansin díreach.

**Catagóir: Cluichí agus Caitheamh Aimsire**
Fochatagóir	Cur Síos
Cleamaireacht	Bhí sé in aisteoirí Ghaoth Dobhair tamall mar gur fear grinn é agus bhí sé maith ag cumadh amhráin. Ní raibh go leor ama aige mar go raibh sé ar shiúl ag tiomáint.

**Catagóir: An Pobal**
Fochatagóir	Cur Síos
Bochtaineacht agus Saibhreas	Cuntas maith ó Pháidí ar mar a cheannaigh a athair siopa i nDobhar, an áit a bhí ag Comharchumann Teampall Cróine ar dtús. Chónaí sé féin agus a bhean i dteach beag i gcúl an tsiopa agus ba ansin a tógadh Páidí agus b’ann a chuaigh sé i gceann oibre sa tsiopa agus é ina bhuachaill óg. Ba ansin fosta a chonaic sé an bochtanas a bhí i nGaoth Dobhair ag an am. Bhí raisíní i bhfeidhm san am. Bhí na fir ag imeacht go hAlbain ag an am agus ag cur airgid na bhaile ag na mná a thóg an teaghlach. Dhíoltaí na fiacha nuair a bhíodh an t-airgead acu.
Bochtaineacht agus Saibhreas	Ba in 1971 – 1972 a thosaigh rudaí a bhisiú agus ba ansin a thosaigh an tógáil. Tógadh go leor tithe úra. Bhí níos mó oibre sa cheantar. Rinne scéim mhóna an Chomhairle Contae difir mór do eacnamaíocht na háite. Thug sé deis do léir a bhí ar shiúl ar imirce pilleadh na bhaile arís.

Theme by Danetsoft and Danang Probo Sayekti inspired by Maksimer