Sonraí an Agallaimh

Ainm:	Seán Mac an Bhaird
Áit Chónaithe:	Loch Fhia, Taobh an Locha, Loch Fhia, Na Gleannta.
Áit Dúchais:	Loch Fhia, Taobh an Locha

Dáta

Bailitheoir

sdgsdg

21/08/2008

Dónall Dinny Ó Gallachóir

**Catagóir: Lonnú agus Cónaí**
Fochatagóir	Cur Síos
Bunadh na hÁite	Tréigeadh léir de na bailte beaga sa cheantar. Níl duine ar bith iontu anois.
An Teach Cónaithe	An teach cónaithe: Leaba agus tábla chrochta sna tithe, bhíodh leath dhoras orthu fosta leis na cearca a choinneáil amuigh. Urláir creáfóige agus leacacha a bhíodh iontu agus tine fhoscailte, dhéantaí an chócaireacht uilig ar an tine. Bhí na daoine ina gcónaí simplí go leor ach bhí siad níos sláintiúla ná mar ata anois.
An Teach Cónaithe	An Teach Cónaithe: Ba tithe ceann tuí a bhí ag na daoine uilig san am sin. Bhí cuid acu seascair go leor, cistin agus 2 sheomra a bhí i dteach John.
Iarsmaí ón Seansaol	Carraig Aifrinn i Mín na mBroc agus ceann eile in Mín na Sróna agus Scrath na gCopóg.

**Catagóir: Stairsheanchas**
Fochatagóir	Cur Síos
Filí	Dán a rá aige: Caisleán an Uisce, rinne sé dearmad de chuid de. Dán eile: Báitheadh Árainn Mhór.
Filí	Deir John dán a scríobh bean darbh ainm Sinéad Nic Monagail, bhí cumhaidh air i ndiaidh Loch Fhia. Dán Loch Fhia. Níl an dan go hiomlan aige.
Stair an Teaghlaigh	Stair an Teaghlaigh: Téann John chun gcúil sé ghlúin daoine ar chlann Mhic A’Bháird. Bhí cónaí orthu i gceantar iargúlta ar a dtugtar Mín na mBroc. Ní raibh ann ach cosán coise isteach a fhad leis na tithe. Scaip siad thart agus thóg a athair mór teach in Mín na Líonachan cúpla míle ó Mhín na mBroc. Ceantar garbh cnoc eile é agus ba ansin a tógadh John. Bhí 15 teach ann ar dtús agus fuair an fear deireanach bás in 2003. Bhí 9 dteaghlach ann ag éirí aníos do John.
Imirce	Imirce: Bhí 4 ina theaghlach, fuair deartháir leis bás óg, nuair a bhí sé 6 mhí d’aois. Ba John a ba shine den teaghlach. D’imigh beirt acu ar imirce go Sasana, tá a dheirfiúr thall in Albain go fóill. Bhí an mhórchuid ag imeacht san am sin ar imirce. De réir a chéile tréigeadh an baile (Mín an Líonachán) go dtí nach raibh fágtha ach fear amháin. Cheannaigh John teach beag ag Taobh a’ Locha, an áit a bhfuil cónaí air anois suas le 15 bliana.

**Catagóir: An Pobal**
Fochatagóir	Cur Síos
Na Scoltacha Náisiúnta	Ag gabháil na scoile costarnocht agus trí fóide le hiompar acu. Bonnbhualadh ná brú cloiche a thagadh ar na cosa nuair a bhítí costarnocht..
An Lucht Siúil	Oícheanta airneáin agus imirt chártaí sna tithe an caitheamh aimsire acu. Bhí beirt fhear siúil Mickey agus Johnny Ó Dochartaigh a chaitheadh go leor ama sa cheantar, go minic i dteach John, bhíodh siad ag seinm ceoil agus ag déanamh cannaí stáin.
Obair	Talmhaíocht: Bhí an talamh bocht agus ba deacair do chuid a bhaint a bhaint as an talamh. Ní raibh go leor talaimh ag léir de na teaghlaigh le caoirigh a choinneáil, curraíocht is mó a bhíodh a dhéanamh acu.

**Catagóir: Cúrsaí Easláinte agus Leighis**
Fochatagóir	Cur Síos
Easláinte agus Aicídí	Luibheanna agus leigheasanna: Bhí leigheas acu don bonnbhualadh ná an brú cloiche le plástar bracháin mhinchoirce. Bhí leigheas in cúl faiche, bhruití é agus chuirtí fríd bhainne é don bhruitíneach.

**Catagóir: An tOsnádúr**
Fochatagóir	Cur Síos
Sióga	Deirtí go raibh an bhean síodh ann cé nár chuala John é féin í. Chuala sé gur tháinig sióg isteach i dteach am amháin ag cuartú imine. Tá áit uasal sa cheantar ag a thaobh féin.

**Catagóir: Ceirdeanna agus Cothú an Tí**
Fochatagóir	Cur Síos
Eacnamaíocht an Teaghlaigh	Eacnamaíocht an teaghlaigh: Cheannaigh athair John cúpla céad acra de thalamh agus bhí siad ábalta cuid mhaith caorach a thógáil. Bhíodh a mháthair ag déanamh obair tí, ag cniotáil agus ag sníomh. Bhíodh sí ag déanamh stocaí margaí fosta. Bhí beagán airgid le déanamh ach ní raibh léir le ceannach san am sin, bhí léir den bhia acu sa bhaile. Tá athrach mór ar rudaí anois. Ní raibh leictreachas ná uisce reatha sna tithe san am sin. Bhí lampa ar an bhalla agus uisce tobair le hiompar isteach achan lá.
Ainmhithe, Beithígh agus Eallach	Tá céad ceann caorach ag John go fóill. Níl mórán saothrú iontu anois ach tá suim aige ansin. Tá madadh caorach aige.

**Catagóir: Taisteal agus Gnó**
Fochatagóir	Cur Síos
Scaipeadh Nuachta agus Eolais	San am, ní raibh leictreachais sna tithe. Bhí teach amháin ar an bhaile ina raibh raidió, thart ar 1950. Bhí fear an tí sin ag obair leis an chomhairle contae mar oifigeach chléireachais. Chruinníodh na daoine isteach sa teach sin le héisteacht leis na cláir.
Iompar Nua-Aimseartha	In 1947, chonaic John an chéad charr sa cheantar ag Charlie Mac A’ Bháird.

**Catagóir: An Ealaín Bhéil**
Fochatagóir	Cur Síos
Logainmneacha	Logainmneacha: Ainmneacha Cnoic na gCruacha Gorma, na cnoic sa cheantar: An Bhinn, Cruach Ghogaí, Cruach an Airgid, Na Leamhaithe, An Chruach Ghorm, An Léacht.

**Catagóir: An Duine**
Fochatagóir	Cur Síos
An Óige agus Aois	Nuair a bhíodh John ag fás aníos, bhí cloig sna tithe uilig. Bhí uaireadóir ag cuid de na fir fosta. Bhí léir acu in Albain agus bhí níos mó airgid ar fáil, bhíodh a lán acu thall ag baint phréataí fosta.

Theme by Danetsoft and Danang Probo Sayekti inspired by Maksimer