Sonraí an Agallaimh

Ainm:	Treasa Uí Chóill
Áit Chónaithe:	Carn na nGabhar, Carraig Airt, Carraig Airt, Leitir Ceanainn.
Áit Dúchais:	Gleann hUallach, An Ghlaisigh

Dáta

Bailitheoir

sdgsdg

12/08/2008

Dónall Dinny Ó Gallachóir

**Catagóir: An Pobal**
Fochatagóir	Cur Síos
Múinteoirí Scoile	Tógadh Treasa i nGleann Chualach mar dhuine de naonúr clainne í agus shiúladh siad naoi míle na scoile gach maidin. Chuaigh sí ar scoil Mhín an Chladaigh. Thugadh an múinteoir síob na bhaile di corr uair nuair a bhíodh sé ag cur. A cuimhne ar na laethanta scoile agus na múinteoirí scoile.
Oideachas	Scoil Náisiúnta Mhín an Chladaigh – d’fhanadh na scoláirí a bhí ag gabháil a shuí scrúdú le fáil isteach na coláiste istigh ag staidéar uair breise sa tráthnóna. D’éirigh go maith le Treasa sa scrúdú agus chuaigh sí go Coláiste Bhríde i mBaile Chonaill ó 1944 – 1948.
Oideachas	Chuaigh sí go Coláiste Bhríde i mBaile Chonaill ó 1944 – 1948. Bhí caighdeán ard oideachais a theagasc ag na mná rialta ag an am sin. Tugann Treasa cuntas maith ar na blianta a chaith sí ansin agus bhí na mná rialta crua orthu. Ní raibh cead acu litreacha a chur na bhaile ach ba ghnách le máthair Threasa, a bhíodh istigh ag cuartaíocht, na litreacha a thabhairt léi agus iad a phostáil.
Obair	Bhí a deirfiúr iontach maith ag fuáil agus dhéanadh sí éadaí do léir san áit.
Múinteoirí Scoile	D’éirigh go maith léi sa scrúdú i gColáiste Bhríde agus chuaigh sí as sin go Baile Átha Cliath go coláiste i nDún Carúin ó 1948 – 1950 agus cháiligh sí ina múinteoir. Ba cúpla míle as Bun Cranncha a fuair sí an chéad scoil agus b’áit iargúlta a bhí ann. Ceantar gallda a bhí ann agus rinneadh an teagasc i mBéarla, rud nár shásaigh í. Bhí droch áit aici le fanacht fosta. Ba £4-4/ an chéad phá a fuair sí.
Múinteoirí Scoile	Chaith sí dhá bhliain sa scoil i mBun Cranncha ansin go dtí go bhfuair sí scoil eile i gCreamhghort ó 1953 – 1956. Pósadh in 1956 í féin agus James ach bhí cosc ar mhná teagasc i ndiaidh a bpósta san am. Thug an sagart Mac Maoláin cead do Threasa teagasc léi i scoil an Ghleanna i gCarraig Airt. Bhí Treasa ag teagasc sa scoil sin gur éirigh sí as. Bhí an chuid is mó den teagasc déanta i nGaeilge.
Tithe Leanna	Bhí teach tábhairne ag a fear céile ar an Ghleann agus bhí cónaí orthu faoin díon céanna. Ní raibh mórán dúil ag Treasa ag obair i dteach an leanna ach is minic a bhíodh a fear céile ar shiúl ag obair agus thiteadh sé uirthi é sin a dhéanamh. Bhí páistí aici agus ní raibh sí ag iarraidh obair sa bhar.

**Catagóir: An Ealaín Bhéil**
Fochatagóir	Cur Síos
Amhránaíocht	Ceolann sí amhrán “Beidh Aonach Amárach i gContae An Chláir”. Beidh aonach amárach i gContae an Chláir Beidh aonach amárach i gContae an Chláir Beidh aonach amárach i gContae an Chláir Cé mhaith dom é, ní bheidh mé ann? A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mhuirnín ó ná héiligh é. Níl tú a deich nó a haon déag fós Níl tú a deich nó a haon déag fós Níl tú a deich nó a haon déag fós Nuair a bheidh tú trí déagbedh tú mór. A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mhuirnín ó ná héiligh é. B'fhearr liom féin mo ghréasaigh bróg B'fhearr liom féin mo ghréasaigh bróg B'fhearr liom féin mo ghréasaigh bróg Ná oifigeach airm faoi lásaí óir. A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mháithrín, an ligfidh tú chun aonaigh mé? A mhuirnín ó ná héiligh é.
Amhránaíocht	Bhí sí ag teagasc an cheoil ar feadh cúpla bliain, bhí dúil aici ansin. Ceolann sí amhrán “Thíos Cois na Trá Dom”. Ag siúl cois na trá dom i ndoimhneacht na hoíche, An saol mór na gcodladh agus mise liom féin, Na héanacha mara ag scairtigh go léanmhar, Cosúil le hanamnacha bochta i bpéin. Thíos fán chladach tá na bádaí ar feistiú, Ar snámh mar bheadh ealaí ar bharr na dtonn, An t-uisce ag slioparnaigh thart fána dtaobhann', 'S iad ag bogadh sa chiúnas anall a's anonn. Iomlán gealaí agus iomlán rabhartá, Aoibhneas a's ciúnas a's áilleacht sa domhan, Crónán na farraige 'dul siar i mo chluasa, A's bogcheol an uisce ag sileadh san abhainn. Istigh ar na hinseáin tá sean reilig bheannaithe, An áit ar mhair naoimh in san aimsir fadó, Tá daoine istigh ann a chaith seal go haerach, Ach ní shiúlfaidh siad thart fá na cladaigh níos mó. Bhuail uaigneas m'intinn 's mé ag amharc ar an reilig, Mé ag meabhrú ar dhaoine a bhí istigh ina luí, Fir a's mná óga, seandaoine a's páistí, Muintir mo mhuintir agus cairde mo chroí. Tá na coiligh ag glaoch’s tá na réalta a' bánú, Tá an ghealach ina luí agus ní fada go lá, Slán agat anois a sheanreilig bheannaithe, Agus ag na daoine a shiúladh liom thart cois na trá.
Amhránaíocht	Ceolann sí amhrán “A Shean-Dún na nGall.” Is grá geal mo chroí thú, 'Thír Chonaill, a stór, 'Do luí mar bheadh seoid ghlas san fharraige mór, Ó gráim thú i gcónaí go moch is go mall, Is molfaidh mé a choích' thú, a Shean-Dún na nGall. Níl contae in Éirinn níos deise ná thú, Níl daoine sa domhan níos fearr cáil is clú, Ná tá i dTír Chonaill abhus agus thall. Ó! Bláth bán ár dtíre thú, a Shean-Dún na nGall. Tá teanga ár sinsear á labhairt ann go fóill Chomh milis binn blasta le hamhrán nó ceol Na n-aingeal sna Flaithis gan smachtú gan smál, Ó gráim go deo thú, a Shean-Dún na nGall.

**Catagóir: Stairsheanchas**
Fochatagóir	Cur Síos
Teangacha á labhairt in Éirinn	Coláiste Cholm Cille – cuireadh bail ar an sean scoil a d’fhreastal Treasa uirthi ina hóige in Mín an Chladaigh agus tosaíodh Coláiste Cholm Cille in 1952. Chuir an tAthair Mac Eiteagáin tús le teagasc na Gaeilge nuair a bhunaigh sé an choláiste samhraidh seo. Tháinig scoláirí as Béal Feirste agus gach chearn den tír na coláiste in mí Iúil, rud a thug saothrú beag do mhná tí na Gaeltachta. Theagasc Treasa sa choláiste ó 1952 – 1974.

**Catagóir: Ceirdeanna agus Cothú an Tí**
Fochatagóir	Cur Síos
Préataí	An obair talaimh a bhí le déanamh, toghadh phréataí i mí Dheireadh Fómhair.

Theme by Danetsoft and Danang Probo Sayekti inspired by Maksimer