Sonraí an Agallaimh

Ainm:	Aodh Mac Monagail
Áit Chónaithe:	Taobh an Locha, Na Gleannta, Inis Caoil, Na Gleannta.
Áit Dúchais:	Loch Fhia, Taobh an Locha

Dáta

Bailitheoir

sdgsdg

08/01/2009

Dónall Dinny Ó Gallachóir

**Catagóir: Stairsheanchas**
Fochatagóir	Cur Síos
Imirce	Níor ól sé féin ariamh agus ní rachadh sé áit ar bith ag am dinnéara cosúil le oibrithe eile. D’óladh an chuid is mó de na hÉireannaigh a chuaigh anonn. Shábháil sé an méid airgid agus a shaothraigh sé. Tháinig sé na bhaile ansin in 1976 agus d’imigh a dheartháir arís.
Teangacha á labhairt in Éirinn	Meath na Gaeilge, níl mórán Gaeilge fá na Gleannta. Ina thuairim tá dochar déanta den Ghaeilge le daoine eile ag teacht ag labhairt béarla.

**Catagóir: Lonnú agus Cónaí**
Fochatagóir	Cur Síos
Tógáil Tí	Cheannaigh sé píosa talaimh ansin agus thóg sé a theach nuair a tháinig sé na bhaile. Rinne sé féin cuid mhaith den obair agus fuair sé fir eile leis an obair tógála a dhéanamh. Críochnaíodh é in 1990.

**Catagóir: An Pobal**
Fochatagóir	Cur Síos
Tithe Leanna	Teach na dTaibhsigh, teach Thaillí, teach tabhairne a bhí ann gur druideadh é. An fáth ar tugadh seo air, tá Bealach na gCreath soir uaidh agus mheas siad go mbeití ag stopadh beithígh agus a leithéid ann le gadaíocht a dhéanamh. Tá an teach ar shiúl gan dóigh anois.
Cleachtas Scoile	Chuaigh Aodh ar scoil an Eadáin, 2.5 míle uaidh i mbealach na nGleannta, shiúladh siad na scoile agus ní raibh mórán foscadh ar an bhealach. Máistir Mac Diarmada a bhí aige agus Gráinne Nic A Luain. D’fhan sé ar an bhunscoil go raibh sé cúig bliana déag d’aois agus ina dhiaidh sin chuaigh sé ag obair ar lá phá ag déanamh jabanna ar bith a bhí le déanamh, obair mhóna nó obair féir.
An Teaghlach	Beirt ghasúr a bhí ina theaghlach agus d’imigh a dheartháir go Sasana nuair a bhí sé 18 bliana d’aois agus tá sé thall ó shin. Bhí sé sa bhaile tamall in 1971 nó 1972 agus sin an t-am a d’imigh Aodh é féin nuair a bhí cuidiú sa bhaile ag a mháthair, bhí eallaigh agus caoraigh acu. D’imigh sé go 1976 agus d’imigh a dheartháir arís. Chuaigh sé chuig fear a raibh aithne aige in Luton. Fuair sé obair ansin, bhí go leor ann. Bhí sé ag obair fríd Londain fosta, ag obair ar bhealaí móra agus ag tógáil casáin coise a bhí sé ar dtús. Bhí sé rud beag caillte ar dtús, bhí sé ag obair ar phá de £12 sa lá, thiocfadh leat 7 lá na seachtaine a fháil dá mbeifeá ag iarraidh. Bhí obair oíche ann fosta oíche Shatharn ar an iarnród faoi thalamh ag obair ar línte as Londain go bailte eile.
Obair	Lean sé ar aghaidh ag obair ar bhealaí móra agus ar sconsaí. D’oibir sé ar chósta Norwich samhradh fosta, bhí ola ag teacht ón fharraige go dtí an aerphort in Londain, bhí se ag leagaint píopaí faoin talamh. Ba obair láimhe a bhí in cuid mhor de. Bhí triúr acu ann ach d’imigh beirt acu ar an dreabhlas agus bhí sé fágtha leis féin.

**Catagóir: An Ealaín Bhéil**
Fochatagóir	Cur Síos
Amhránaíocht	Sinéad Nic Mhonagail – tógadh sa teach le hAodh í, aintín dona athair a bhí inti agus bhí sí iontach maith ag cumadh amhráin i nGaeilge agus i mBéarla. Bhí sí pósta le mac a bhí ag obair san airm thuas sa Churrach. Cailleadh cuid mhór den abhar a chum sí ach fuair a garmhac cuid de nuair a bhí sé ag glanadh amach an sciobóil. Amhrán Loch Fhia a chum a aintín.a rá ag Aodh. Lough Ea’s Shore – Loch Fhia’s Shore a chum sí fosta agus a rá ag Aodh. Tá sí curtha i reilig Ghleann Fhinne.
Logainmneacha	Tá cónaí ar Aodh ar thaobh an locha (Loch Fhia), agus sin mar a fuair an baile fearainn a ainm. Tá sé faoi pharóiste na nGleanntach ach thugtaí Inis Caoil fadó air, na Gleannta a thugtar air anois. Tá sé sé mhíle as baile na nGleanntach.

**Catagóir: Ceirdeanna agus Cothú an Tí**
Fochatagóir	Cur Síos
Ainmhithe, Beithígh agus Eallach	Thosaigh Aodh ar an fheirmeoireacht arís nuair a tháinig sé na bhaile agus tá sé a dhéanamh go fóill cé nach bhfuil oiread eallaigh aige, caoraigh is mó atá aige mar gur chuir TB isteach air.

Theme by Danetsoft and Danang Probo Sayekti inspired by Maksimer