Bealoideasbeo.com
Acadamh na hOllscolaíochta Gaeilge
Ainm: | Máire Rua Ní Ghallchóir | |
Áit Chónaithe: | An Mhachaire Loiscthe, An Bun Beag, An Bun Beag, Gaoth Dobhair. | |
Áit Dúchais: | An Mhachaire Loiscthe, An Bun Beag |
Fochatagóir |
Cur Síos | |
---|---|---|
Sióga | Scéal faoi na sióga. Bhí sí amuigh ag imirt ar an tsráid nuair a bhí sí beag agus chonaic sí sióga thuas ar an ardán in aice léi. Bhí éadach dearg orthu. Bhí "fairy fort" ar an bhaile. Scéal eile faoi bhean a dúirt gur bhuail na sióga í agus bean eile a thóg na sióga leo í ar feadh cúpla lá. Bhí siad ag imirt agus ag damhsa léi. |
Fochatagóir |
Cur Síos | |
---|---|---|
Spailpíní | D'oibrigh sí i mbialann thall i nGlaschú in 1953, an pháighe s'aici. Chuaigh sí go "Paisley" ansin agus chaith sí 28 mbliain ag obair ansin. Ag obair ar na busanna a bhí sí, cur síos air sin agus ar na háiteanna a ndeachaigh sí. Na daoine a casadh uirthi agus na heachtraí a bhí aici. Bhí trioblóidí aici fosta le dhaoine áirithe. | |
Obair | Chaith sí 28 mbliain ag obair ar na busanna.Thiomáin sí na busanna fosta ar feadh 9 mí gur tháinig sí 'na bhaile nuair a bhí a máthair tinn. Fuair a máthair bás 5 bliana ina dhiaidh sin. Bhí sí ag obair i 'Radharc an Earagail' fosta. | |
Spailpíní | Ar fostú agus í 7 mbliana d'aois, buachailleacht agus an obair a bhí le déanamh aici. I Machaire Chlochair a bhí sí ar dtús, bhí sí ábalta a dhul 'na bhaile achan oíche. £1 agus10 scilling an pháighe le haghaidh 6 mhí oibre. Chuaigh sí ag bean eile an darna bliain, a chónaigh sa cheantar fosta. An obair chéanna, ag tarraingt uisce, ag buachailleacht agus ag obair leis an mhóin. Ní dheachaigh sí 'na bhaile achan oíche an t-am sin. Ní raibh mórán airgid ag daoine. | |
Na Scoltacha Náisiúnta | Ag dul 'na scoile le 2 fhód móna. Ní raibh móin ar bith acu, b'éigean di móin a fháil ar an bhealach 'na scoile ag teach eile. Bhí am crua acu. | |
Spailpíní | Ag dul isteach go hoileán Ghabhla ar fostú. Ní raibh mórán páistí ar an oileán san am sin agus bhíodh daoine de dhith orthu le buachailleacht a dhéanamh. Bhí sí féin ag fanacht le seanbhean agus seanfhear in 1939 agus bhí siad iontach maith di. Cur síos ar a ham ansin agus ar an obair a bhí le déanamh aici. Bhí cumha uirthi i ndiaidh an bhaile, lá amháin sa tseachtain a bhí sí saor, Dé Domhnaigh. I rith mhí Iúil bhíodh Aifreann istigh agus ní thagadh sí amach. An dóigh a dtiocfadh sí amach go tír mór, shiúladh siad ó theach an bháid go Teach an Phobail, ní raibh mórán carranna ann ag an am. Bhíodh seálta ar na mná agus chasadh sí lena máthair i ndiaidh an Aifrinn. Chuir sí aithne mhaith ar mhuintir an oileáin uilig. | |
Obair | D'fhág sí an scoil ag 14 bliana d'aois. Bhí scrúdú le déanamh san am sin ach ní dhearna sí an fuáil ná an ceol agus ní thiocfadh leo pas a fháil gan iadsan a dhéanamh. Thosaigh sí ar scéim bhaint na móna ar cuireadh tús leis sna 1940idí. 7 scilling a shaothraigh sí an chéad lá. Bhí an obair crua agus bhíodh siad tuirseach ach shaothraigh siad airgead maith ann. Thug an obair seo airgead isteach chuig an cheantar. Chaith sí 3 shéasúr ag obair ar an mhóin. | |
Spailpíní | Chuaigh sí go hAlbain chuig a deartháir agus í 15 bliana d'aois. An pháighe a tugadh di. An turas ó hÉirinn go hAlbain, an lá sular imigh sí agus an chumha a bhí ar a máthair agus uirthi féin. Chuaigh sí ó Bhéal Feirste go Stranraer agus ar leoraí go dtí an fheirm ar a raibh sí ag obair. Cur síos ar an áit thall, bhí luchóga ar na feirmeacha. Ag stopadh i mbothaí, "hotplate" le cócaireacht air. Málaí lán cocháin fá choinne piliúir, 8 mbosca póir (seedbox) a bhíodh acu le leabaí agus 2 bhlaincéad a dhéanamh astu. 1947 a bhí ann agus bhí raisíní ann ag an am. An dóigh ar chaith sí an t-airgead agus an caitheamh aimsire a bhíodh acu oíche Shathairn. Théadh sí ar Aifreann maidin Dhomhnaigh ar an bhus. Cur síos ar a lá oibre, in "squads". Bhíodh siad ar shiúl luath ar maidin. Bhíodh na fir bainteach leis na "grapes" agus na mná ag obair ar a nglúine. Bhí obair chrua ann, bhíodh tae acu ar 10 a' chlog. Bhíodh siad amuigh ag obair ar 5 nó 6 a chlog ar maidin. Bhíodh dinnéar acu ar 12 a' chlog, prátaí, bainne agus salainn corr uair, ní bhíodh móran acu. Ní raibh mórán Béarla acu, cúpla scéal faoi sin. Bhíodh siad ag cur litreacha 'na bhaile agus chuireadh a máthair milseáin anonn chuici. Bhí go leor spóirt acu fosta. |
Fochatagóir |
Cur Síos | |
---|---|---|
Peil | Lean sí foireann peile Celtic ar feadh blianta. An dóigh ar thosaigh sí agus an chéad chluiche a ndeachaigh sí chuige. Bhí sí ag cluiche eile in "Hamden" nuair a bhí siad ag imirt in aghaidh "Motherwell". Chuaigh sí go dtí an t-óstán ansin agus casadh cuid de na himreoirí uirthi. D'fhreastail sí ar mholl de na cluichí agus bhí aithne aici ar mhórchuid na n-imreoirí. Ghlac sí obair oíche leis an lá a fhágáil saor di le freastal ar chluichí. Téann sí chuig na cluichí go fóill ach níl aithne aici ar na himreoirí anois. "Na Lisbon Lions" - nuair a bhuaigh Celtic an Corn Eorpach. Cur síos ar na himreoirí, ainmneacha agus amanna ar casadh uirthi iad. |
Fochatagóir |
Cur Síos | |
---|---|---|
Stair an Teaghlaigh | A hóige. An áit ar rugadh í, an teach a raibh cónaí uirthi ann. Bhí siad bocht. Fuair siad teach eile, "grant house". Méid an teaghlaigh. Ar scoil i gcnoc an Stollaire agus í 5 bliana d'aois, ag siúl 'na scoile achan lá, aimsir fhuar. Lá na gaoithe móire, séideadh anonn an caorán í. Chuaigh sí ar fhostú. | |
Tubaistí Áitiúla | Nuair a dódh an bothaí in "Kirkintullagh". Ní raibh sí féin ansin ach bhí aithne aici ar dhaoine a bhí. In "Ayrshire" a bhí sí féin, bhí daoine as Maigh Eo ansin. Cuntas maith ar an tragóid seo. Tugadh 'na bhaile na daoine a dódh agus cuireadh iad in uaigh amháin in Achaill. In 1937 a tharla sin. |
Fochatagóir |
Cur Síos | |
---|---|---|
Eacnamaíocht an Teaghlaigh | Bhí achan duine bocht ag an am. Théadh na fir go hAlbain ar feadh an tséasúir ag feirmeoireacht. Bhí na mná sa bhaile ag déanamh na hoibre - coirce, stucaí agus prátaí. Ní raibh fir fán ait. Bhí am crua ag na mná ó mhaidin go hoíche. Bhíodh a máthair ag cniotáil san oíche le hairgead a shaothrú. |
Theme by Danetsoft and Danang Probo Sayekti inspired by Maksimer