Sonraí an Agallaimh

Ainm:	Patrick McKelvey
Áit Chónaithe:	Srath na Bratóige, An Clochán, An Clochán, Leifear.
Áit Dúchais:	Srath na Bratóige, An Clochán

Dáta

Bailitheoir

sdgsdg

05/03/2009

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	An obair agus an saol a bhí acu nuair a bhí sé óg, an bia, an paidrín, an lá a chaitheadh siad ina suí luath ar maidin, ag tabhairt leo móin na scoile. Rinne sé an obair sin ar feadh blianta ag treabhadh dona comharsana, thosaíodh sé ar an 8 a chlog ar maidin go dtí leath i ndiaidh a seacht tráthnóna ar 12 scilling sa lá. Threabhadh sé acra sa lá.
Na Scoltacha Náisiúnta	Chuaigh sé ar Scoil Buailte Fraoigh atá leagtha anois. An múinteoir a bhí aige.
Obair	Ba saor cloiche a bhí ina athair agus thosaigh sé ar an obair go hóg nuair a bhítear ag tógáil droichead Ghaoth Barra. Thóg sé féin droichead i mBealach Féich in 1919 agus tá a ainm scríofa ar an droichead. Ní raibh a athair ariamh ar an scoil.
Obair	Thaispeáin a athair do an dóigh le treabhadh le dhá bheithíoch agus ba sin an obair a thosaigh sé ag 14 bliana d’aois nuair a fuair a athair bás. A chuimhne ar an nós preátaí luath a chur Aoine an Chéasta roimh an trí a chlog sula raibh an tseirbhís i dtigh an phobail.

**Catagóir: An Nádúr**
Fochatagóir	Cur Síos
Toibreacha Beannaithe	Seanchas faoi thobar beannaithe atá ar thalamh Patrick. Insíonn sé an scéal fána athair mór agus sagart a d’inis do go mbeadh tobar coisricthe uasal ansin a leigheasadh go leor agus go rachadh an t-uisce go Meiriceá. Leigheasadh Patrick é féin ag an tobar nuair a bhí a dhroim go dona. Ní bhíonn duine ar bith ag gabháil go dtí an tobar anois ach Patrick é féin.

**Catagóir: An tOsnádúr**
Fochatagóir	Cur Síos
Áit Chónaithe na Sióg	Creideann sé go mór sna sióga agus insíonn sé cúpla scéal faoi na sióga / ceolta síodh. Tá áit ag taobh an tí ina gcreideann sé go raibh na sióga ina gcónaí, scéal a bhí ansin óna sean daoine.

**Catagóir: Stairsheanchas**
Fochatagóir	Cur Síos
Stair an Teaghlaigh	A chúlra: tosaíonn sé lena chúlra agus deir sé go raibh an teaghlach níos tugtha den bhéarla mar gur as an Bhrocaigh a mháthair agus ba béarla a teanga. Fuair a athair bás nuair a bhí Patrick 14 bliana agus bhí 7 clainne fágtha ag a mháthair. A dheirfiúr a ba shine agus chuaigh seise ar fhostach i dteach tábhairne ag Droichead an Rialainn.
Imirce	In 1950 d’imigh sé go Sasana ar lorg oibre agus ba go Manchain a chuaigh sé ag a dheirfiúr Maggie. D’inis sagart do nach raibh mórán ama fágtha ag Maggie sula bhfaigheadh sí bás ach ní thug Patrick aird air. Ní raibh sé i bhfad i Manchain go bhfuair sé scéala go raibh Maggie marbh. Thosaigh sé ag obair le comhlacht a bhí ag déanamh garraíodóireacht tírdhreacha (landscape gardening). Níos moille thosaigh sé ag obair le comhlacht “Apex” agus chaith sé deich mbliana ag obair leo fríd Shasana mar shaor cloiche. Chuir siad síos tarmac ag beairic saighdiúirí.
Imirce	Thosaigh sé a chomhlacht féin in Manchain agus ba garraíodóireacht tírdhreacha an obair a rinne sé. Chaith sé blianta go leor ag déanamh na hoibre sin ach bhí a mhac John ag iarraidh pilleadh na bhaile in 1975. Thosaigh sé ar fheirmeoireacht arís. Bhí sé ina chathaoirleach ar chlub Cumann Gaeilge in Manchain agus chuir sé aithne ar go leor daoine. Bhí aithne mhór aige ar bhainisteoir Manchester United, Matt Busby agus go leor dena himreoirí fosta. Bhí sé ag an chluiche in Madrid nuair a bhain Manchester United Corn Náisiúin na hEorpa in 1967.
Imirce	Dhíol sé a chuid cáin in Sasana i gcónaí, rud a thug cead do a chuid innealra a thabhairt leis na bhaile. Chóirigh sé suas an baile nuair a phill sé.
Imirce	Cheannaigh sé teach in Manchain ar £450 nuair a pósadh é agus an dara teach níos moille ar £2,500. Fuair sé £18,000 nuair a dhíol sé é.

**Catagóir: Ceirdeanna agus Cothú an Tí**
Fochatagóir	Cur Síos
Eacnamaíocht an Teaghlaigh	Ag ceannach earraí i mBealach Féich, bhí 3 shiopa éadaitheoireachta ann in am Patrick, McGinty, Mulrine agus Dunlevey. Bhíodh lá aonaigh i mBealach Féich gach Déardaoin sna am sin fosta, bhíodh Patrick é féin ag díol muca ansin, bhíodh stainníní eile ann fosta. Lena chois sin bhíodh ceant ar siúl fosta ann. Ní raibh mórán siopaí san áit ag an am sin, bhíodh daoine ag fás a gcuid earraí féin fosta.

Theme by Danetsoft and Danang Probo Sayekti inspired by Maksimer