Sonraí an Agallaimh

Ainm:	Daniel Ward
Áit Chónaithe:	Droim na Coradh, An Craoslach, An Craoslach, Leitir Ceanainn.
Áit Dúchais:	An Machaire Meánach, Dún Fionnachaidh

Dáta

Bailitheoir

sdgsdg

22/07/2009

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	Phill sé na bhaile nuair a bhí a athair tinn, bhí obair talaimh le déanamh sa bhaile. Bhí barr curtha ag Daniel sular imigh sé agus bhí sé le hamharc ina dhiaidh. D’fhan sé dhá bhliain sa bhaile.
Spailpíní	Chuaigh sé go Glaschú ar feadh sé mhí agus fuair sé litir óna cholceathrar ag insint do faoin obair a bhí ar siúl acu thíos in Sasana ar scaglann ola (oil refinery) agus dá mbíodh sé ag iarraidh, go bhfaigheadh sé jab do ansin. Chaith sé 2 bhliain ansin agus bhí sé ag fáil pá de 3 phunt agus dhá scilling.
Obair	Chuaigh sé go dtí an Isle of Grain ag obair ar thógáil scaglann ola eile. Bhí na céadta duine ag obair ansin ach ní raibh sé maith le hobair ann nó ní raibh lóistín maith acu ach oiread.
Seilbh an Talaimh	Chónaigh sé sa bhaile san áit ar tógadh é i ndiaidh a phósta ach níor shocair a bhean céile ansin agus bhog siad go Droim na Cairéal, an áit (feirm beag) a d’fhág a huncail aici.
Spailpíní	Londain: chuaigh sé go Londain agus fuair sé post le Mc Alpine ar feadh 4 bliana – conraitheoir mór tógála. Chuaigh sé ar scoil oíche agus d’fhoghlaim sé cuid mhór faoi obair thógála agus an dóigh le pleananna a léamh.
Obair	Phill sé na bhaile agus thosaigh sé ag tógáil tithe sa bhaile. Bhí beirt mac ag obair leis ar feadh blianta.
Tiarnaí Talaimh agus Tionóntaí	Adhmad ag teacht isteach ar an trá i rith am an chogaidh a bhíodh siad ag úsáid. Bhí airgead 5 scilling le díol leis an fhear ar leis an talamh le fáil isteach fhad leis an trá. Sasanach a bhí ann a bhí in airm na Sasana.
Spailpíní	Chuaigh sé go Pennsylvania, Meiriceá ag obair in 1989 agus d’éirigh go maith leis, chaith sé 6 mhí ansin.
Obair	Chaith sé tamall ag teagasc obair chloiche agus obair thógála le FÁS.
Obair	J.W. Cunningham – chuaigh Daniel ag obair leis an chonraitheoir sin lena cheadúnas printíseachta a fháil le conraitheoir cláraithe. Chaith sé 6 bliana ag obair leisean agus thug a chuid oibre go Sligeach agus go Co. Liatroma é. Tógáil scoile an chéad jab a d’oibir sé air agus b’ansin a chonaic Daniel bloic don chéad am in áit clocha. D’fhoghlaim sé go gasta le bloic a thógáil agus bhí athrach mór ar an obair thógála anois.
Spailpíní	Imirce go hAlbain – chuaigh sé go hAlbain am an chogaidh nuair a bhítí ag cuardach oibrithe feirme ach níor fhan sé i bhfad ar an fheirm ná thit sé amach le maor na hoibre. D’imigh sé i mbéal a chinn agus fuair sé obair i gceantar Inverness. Chuaigh sé as sin go Dún Éadan ag obair, ag an am sin bhí an cogadh thart agus bhí go leor den obair thógála le déanamh.

**Catagóir: Ceirdeanna agus Cothú an Tí**
Fochatagóir	Cur Síos
Ceirdeanna agus Gairmeacha	A óige: laethanta a óige ar an scoil go dtí gur thosaigh sé ag obair lena athair ag obair thógála.
Ceirdeanna agus Gairmeacha	D’fhág sé an scoil nuair a bhí sé 14 bliana d’aois agus thosaigh sé ag obair lena athair mar shaor cloiche. Cur síos ar an chineál oibre a bhíodh a dhéanadh aige. Bhíodh siad ag baint na gcloch as cairéal agus ag tógáil tithe agus sciobóil thart san chontae.
Ainmhithe, Beithígh agus Eallach	Ag tógáil clocha as an chairéal le beithíoch agus carr. D’úsáidtí 72 lód le teach a thógáil. Théadh siad ag an ghabha le roth a dhéanamh, chuidíodh Daniel leis an ghabha. Bhí a athair ábalta aithris a dhéanamh ar an roth a rinne an gabha agus é a dhéanamh é féin.

**Catagóir: Stairsheanchas**
Fochatagóir	Cur Síos
Stair an Teaghlaigh	An t-ainm Ward/Mac A’ Bháird: measann sé gur as na Rosa a tháinig clann Mhic A’ Bháird.

Theme by Danetsoft and Danang Probo Sayekti inspired by Maksimer