Sonraí an Agallaimh

Ainm:	Seán Ó Duibheannaigh
Áit Chónaithe:	Rann na Feirste, Rann na Feirste, Na Rosa.
Áit Dúchais:	Carraig an Choill, Rann na Feirste

Dáta

Bailitheoir

sdgsdg

23/01/2006

Dónall Dinny Ó Gallachóir

04/04/2008

Dónall Dinny Ó Gallachóir

11/04/2008

Dónall Dinny Ó Gallachóir

25/04/2008

Dónall Dinny Ó Gallachóir

08/01/2008

Dónall Dinny Ó Gallachóir

15/01/2008

Dónall Dinny Ó Gallachóir

23/01/2008

Dónall Dinny Ó Gallachóir

**Catagóir: Stairsheanchas**
Fochatagóir	Cur Síos
Stair an Teaghlaigh	Ginealas/ Muintearas - ag gabháil siar sé ghlúin.
Imirce	Na Gorbals: na hÉireannaigh sna 'Gorbals' i nGlaschú, bhí tithe tábhairne ansin ina mbíodh na hÉireannaigh istigh iontu.
Teangacha á labhairt in Éirinn	Meath na Gaeilge: Measann John go bhfuil an Ghaeilge ag meath. Níl daoine ag comhrá i nGaeilge níos mó agus má thagann sí ar ais, is Gaeilge na leabhar a bheas ann.
Imirce	A chuimhne ar bhád Dhoire ‘An Rose’ nuair a bhí daoine, eallach agus cearca ar an bhád agus é ag dul go hAlbain. Bhíodh boladh uafásach ar an bhád agus bhíodh daoine tinn air.
Tubaistí Áitiúla	Tragóid a tharla thart fá 1890. Bádh beirt agus sábháladh triúr a bhí ag teacht ón Bhun Bheag sa tragóid agus cumadh amhrán fá dtaobh de. 'Ballindrait'.
Filí	Máire Chonnachta agus na Filí Gan Iomrá as Rann na Feirste. Iomaíocht Filíochta idir Máire Chonnachta agus Séamus Ó Domhnaill – píosa ar dóigh filíochta.
Tubaistí Áitiúla	Scéal fá fhear óg eile a cailleadh – Joe, mac Thadhg Pháidí Nancy as Inis Oirthir, bádh é taobh leis an Bhun Bheag, measann siad gur thit sé den bhád. Tharla sé go luath sna 1900idí.
Tubaistí Áitiúla	Tragóidí a tharla sna Rosa: Tragóid Bhaile Mhanúis - mianach a shéid agus maraíodh ocht gcloigeann déag agus cailleadh fear eile cúpla lá ina dhiaidh - naoi gcloigeann déag. Tragóid Árainn Mhóir nuair a cailleadh naoi gcloigeann déag in 1935.

**Catagóir: Lonnú agus Cónaí**
Fochatagóir	Cur Síos
An Teach Cónaithe	Bhí lampaí beaga crochta ar thaobh an bhalla acu. Chuirtí ola iontu.
An Teach Cónaithe	In 1933 cuireadh deontais ar fáil, in 1934 fuair a athair deontas le teach úr a thógáil, £85 a fuair siad, cheannaigh siad an t-ábhar uilig don teach ar an Bhun Bheag. Bhí trí sheomra agus cistin acu. Fear sa chomharsanacht a rinne an obair. Chosain an teach £150. Bhí bóitheach cearc le tógáil i gcuideachta an tí úir. Bhí doras na gaoithe agus doras an fhoscaidh acu.

**Catagóir: An Nádúr**
Fochatagóir	Cur Síos
An Trá	Ag bordáil feamainne. Scáth Bhuí (leathach) a shéideadh an stoirm isteach 'na chladaigh san Earrach.
Comharthaí Aimsire	Comharthaí aimsire, comharthaí ón fharraige, ón ghealach, ón ghrian agus ó ainmhithe agus ó éin. Leagan na spéire, cosa sa ghrian agus scamaill na spéire. Ceobháisteach an fhómhair.
Comharthaí Aimsire	Comhartha aimsire: Fáinne ar an ghealach.
Comharthaí Aimsire	Comhartha aimsire / comhartha fearthainne: Grian ghéar láidir ar maidin, sé sin comhartha go bhfuil sí ag bruith fearthainne.

**Catagóir: An Pobal**
Fochatagóir	Cur Síos
Obair	Cur síos ar a chuid ama i mBaile Átha Cliath. Obair thógála is mó a rinne John ach ba ghnách leis leoraí bainne a thiomáint fosta thart fríd an chathair. D’oibrigh sé fosta i gClochar Bhan Rialta ag sábháil fómhar. Bhí cúpla fear eile ag obair ansin ina chuideachta. Cur síos ar an obair a rinne sé le linn an ama sin.
Obair	Bhí a athair mór, Cónall Eoghainín (Cónall Nellie Eibhlín Aodh Ó Duibheannaigh) agus a mhac, John, ag obair agus iad ag leagadh na ráillí don traein agus ag réabadh carraigeacha. Ba ag tús an chéid a rinneadh an obair sin.
An Lucht Siúil	Rann nó dán faoi na bacaigh, lucht siúil a thagadh go Rann na Feirste fadó. Píosaí beaga a dúirt Mícheál an Chorradáin – deise labhartha aige.
Spailpíní	Bhí sé féin costarnocht fosta go dtí go ndeachaigh sé ar fhostú go Tír Eoghain. Is ansin a fuair sé péire brístí fada agus péire bróg. Nuair a thagadh sé 'na bhaile arís bhíodh sé iontach bródúil as Béarla Thír Eoghain a bheith aige.

**Catagóir: An Ealaín Bhéil**
Fochatagóir	Cur Síos
Logainmneacha	Logainmneacha agus áiteanna uaisle sa cheantar - siógaí, táis agus taibhsí.

**Catagóir: Taisteal agus Gnó**
Fochatagóir	Cur Síos
Aontaí	Aonach Jack, Mín na Leice/ Aonach an Chlocháin Leith - a chuimhne ar laethanta na n-aontaí. Aonach beag an tsíl i Mín na Leice i rith mhí Aibreáin.

**Catagóir: Ceirdeanna agus Cothú an Tí**
Fochatagóir	Cur Síos
Seanchas faoi Bhlí na mBó	Gruth Buí: bainne a bhíodh ag an bhó i ndiaidh dí breith a thabhairt.
Móin	A chuimhní ar an obair ar an phortach agus ar thógáil móna le hasail, feannóga. Bhí na hasail costarnocht mar nach raibh an t-airgead acu le crúba a chur orthu.
Ceirdeanna agus Gairmeacha	Bhíodh go leor ceardaithe ar an bhaile mar shampla, fíodóirí, gréasaithe, búistéirí, táilliúirí, srl. Théadh an búistéir thart fríd an bhaile ag díol feola.

**Catagóir: Cluichí agus Caitheamh Aimsire**
Fochatagóir	Cur Síos
Damhsa	Caitheamh aimsire a bhíodh aige nuair a bhí sé i mBaile Átha Cliath agus na daoine a chastaí air, théadh sé chuig damhsaí, bhí go leor le fáil i mBaile Átha Cliath.
Cúrsaí Ceoil	An ceol sa teaghlach: ceol sa teaghlach, go mór ar thaobh a mháthar. In am a mháthar ní raibh cead ag mná ceol i dtithe damhsa.
Damhsa	Ag gabháil trasna go Gaoth Dobhair ar an fhearsaid – caitheamh aimsire, damhsaí i nGaoth Dobhair agus cuid mhaith siopadóireachta.

**Catagóir: An tOsnádúr**
Fochatagóir	Cur Síos
Taibhsí	Slua sí - Fear a cailleadh (bádh) agus bhí ceol le cluinstin ar feadh bliana ina dhiaidh sin.
Sióga	Sean-uncail (Pádraig Pháidí) le John a dúirt gur fhoghlaim sé port ó na sióga oíche amháin.

**Catagóir: An Duine**
Fochatagóir	Cur Síos
Cleamhnas	Dhéantaí cleamhnas ag aonach an tsamhraidh ar an Chlochán Liath. Cleamhnas i Rann na Feirste.
Comparáidí idir na Glúnta	Bhí na comharsana iontach maith dá chéile san am, bhíodh siad ag caint agus ag comhrá agus ag cuidiú lena chéile i gcónaí. A chuimhní air sin. Tá athrú mór ar an tsaol anois. Thógadh siad na tithe san áit ar mhaith leo. Chaitheadh siad bóitheach na gcearc a thógáil fosta nuair a thógadh siad na tithe. Is lena dheirfiúr an seanteach anois. Níor shíl siad ag an am go raibh an saol crua. Ní raibh mórán airgid ag duine ar bith. Bhí buachailleacht le déanamh nó bhí barra le cur agus chaitheadh siad uilig sin a dhéanamh.

Bealoideasbeo.com