Sonraí an Agallaimh

Ainm:	Bríd Uí Ghallchóir
Áit Chónaithe:	Machaire Chlochair, Doirí Beaga, An Bun Beag, Gaoth Dobhair.
Áit Dúchais:	Doirí Beaga

Dáta

Bailitheoir

sdgsdg

20/06/2006

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	Chríochnaigh sí leis an mhóin agus chuaigh sí ag obair i dteach osta Uí Bhreisleáin ina dhiaidh sin. Cur síos ar a cuid oibre ansin. Dhéanadh siad an níochán i dtobáin nó ag an abhainn. Chuireadh siad síos tine ansin leis an éadach a ní. Bhí an bus ag dul an t-am sin. Dar léi, gur mór an trua nach bhfuil an bus ag taisteal go fóill. Nuair a bhí sí ag obair i dteach Uí Bhreisleáin, ní raibh fairsing iontach sa teach. Bhí scaifte beag maith acu ag obair ann, bhí obair chrua ann. Bhí cúpla teach eile ina mbíodh tuilleadh seomraí ag bean an tí agus bhí siad sin uilig ag glanadh fosta.
Spailpíní	D’imigh sí go hAlbain in 1947, bhí an cogadh thart. Go Meiriceá a bhí ag dul, ach chuaigh sí go Glaschú ar dtús agus d’fhan sí ansin tamall. Ag obair i dteach feirmeora a bhí sí in Angushire. Bhí na daoine iontach maith di, bhí a cuid béilte aici agus thugadh siad 'an Aifrinn í Dé Domhnaigh dá mbíodh sé ag cur. Thug sí cuairt ar an teach anuraidh ach bhí siad marbh agus an áit díolta le daoine eile. Ní raibh an obair róchrua. Bhog sí go Perthshire ansin gur tháinig sí 'na bhaile in 1956 lena hiníon a chur 'na scoile in Éirinn. Casadh a fear uirthi in Éirinn agus pósadh thall í. Is ag feirmeoireacht a bhí a fear céile, Johnny.
Obair	Thosaigh Johnny ag búistéireacht nuair a tháinig siad 'na bhaile in 1956. Tá cónaí orthu i mbaile Johnny, an áit arb as é.
Obair	Ag obair i dteach Mholloy, bhíodh sí ag tabhairt amach na teileagraim a bhí ag teacht do na daoine, bhí an chuid is mó acu ag teacht as Albain. Ag obair sa tsiopa, bhí achan rud le tomhas an t-am sin, bhí an tae agus an siúcra réidh agus d’úsáidtí an páipéar arís le tabhairt leo 'na scoile. Ní raibh caitheamh ar bith ann. Bhí seanscoil ann (chuaigh a hathair 'na scoile ann) agus cheannaigh Francie Molloy í agus rinne sé siopa as. Bhí daoine ina gcónaí ann fosta. Bhí plúr agus min le tomhas sa bhothán (shed), bhí ola amuigh sa bhairille. Bhí uibheacha le pacáil agus thagadh leoraí lena dtabhairt ar shiúl. Bhí siopa i dtigh Joe a Fríl agus i dtigh Mhicí fosta ag Sarah Bhilly agus Micí an Chóip, siopa stáin a bhí acusan. D‘oibir Joe a Fríl go crua.

**Catagóir: Nósanna agus Piseoga**
Fochatagóir	Cur Síos
Nósanna agus Piseoga	Nósanna ag fairí. Scéal faoi mhná caointe, ní ag caoineadh a bhíodh siad ach ag drandam thart ar an chónra. Bhí daoine ar an bhaile leis sin a dhéanamh ach bhí an nós á cailleadh agus í ag fás aníos. Bhí daoine eile ansin leis na paidreacha a rá taobh amuigh den teach nuair a thugtaí amach an corp, ní raibh Aifreann ráite an t-am sin.

**Catagóir: Taisteal agus Gnó**
Fochatagóir	Cur Síos
Iompar Nua-Aimseartha	An chéad charr ar an bhaile, ceann ag John Joe, Francie Beag Molly agus Francie Hughie Jimmy, Joe Bhilly, Paidí John Thimlín. Tá carr ag achan teach anois.
Aontaí	Aonach Bhrianaí, bhíodh daoine thart ag ól i dtigh Hiudaí Bhig lá an aonaigh nó nuair a thagadh an fiaclóir agus fear an chíosa. Bhíodh lá maith acu an lá sin, bhíodh na caoraigh le chéile ceangailte ag taobh an bhealaigh mhóir agus an t-eallach sa phanc. Thiocfadh leat rud ar bith a cheannach lá an aonaigh. Bhí muiceoil speisialta ag Johnny Néill.

**Catagóir: Ceirdeanna agus Cothú an Tí**
Fochatagóir	Cur Síos
Ceirdeanna agus Gairmeacha	Na scileanna a d’fhoghlaim sí óna máthair. Ag déanamh toirtín aráin, ní thomhastaí rud ar bith, crág de seo agus siúd, d’fhoghlaim sí é óna máthair. Scéal faoin chéad uair a ndearna sí ceann nuair a bhí a máthair tinn. D’fhoghlaim sí an chniotáil óna máthair fosta. Bhíodh sí ag déanamh geansaithe ach níl mórán á ndéanamh níos mó.
Ainmhithe, Beithígh agus Eallach	Ceárta i dtigh Neddy. Ní bhaineadh sé airgead amach ar son jabanna beaga, cúpla stuca a thugtaí dó. Bhíodh crúite ar an bheithíoch níos daoire. Bhí siopa ann. Tháinig deireadh le moll de na rudaí sin. Níl duine ar bith fágtha anois a bheadh ábalta crú a chur ar bheithíoch. Tá athrach mór ar achan rud.
Ceirdeanna agus Gairmeacha	A máthair mór ag obair i monarcha Thomáis Bhiddy, ba as dream an fhíodóra, Doiminic Fíodóir, í. Cur síos ar obair an fhíodóra, ag cardáil agus ag dathú na holanna. Scéal faoi fhear a bhí thuas fán Ghleann Nimhe a bhí amuigh ag baint chreatála de na clocha agus ní fhacthas níos mó é. Tá scéal anseo aici faoi thuras ar bhus go Ciarraí a rinne sí féin agus bean eile agus bhí fear an bhus ag cur suim iontach i gcaidé a bhí le rá aici faoi chomharthaí aimsire agus faoin chreatáil ar na clocha.
Ag Cniotáil agus ag Déanamh Lása	Bhí a máthair mór i gceannas sa mhonarcha, théadh sí go Doire le bean Thomáis Bhiddy le snáth agus swatch a cheannach. Ansin théadh sí thart le beithíoch agus le carr fríd an cheantar m.sh. Ailt an Choráin, Mullach Dubh, leis an cheird a fhoghlaim do mhná na háite. Bhí obair chrua le déanamh aici. Bhí sí ag cniotáil go raibh sí aosta. Ba ghnách léi spunóg brandaí a ghlacadh gach oíche.
Móin	Scéim baint na móna. Chaith sí tamall i dtigh Francie Molloy agus ansin chaith sí tamall ag siúl thart le teileagraim fríd an bhaile. I rith am an chogaidh, bhí sí ag obair ar scéim na móna, ag déanamh bealach fríd an phortach. Bhí cúpla duine den teaghlach ag obair air, ní raibh an pháighe rómhaith. Dhéanadh siad tae agus greim le hithe ar an phortach. Bhí siúlóid fhada ar madin acu. Ag obair óna hocht ar maidin go dtí an sé tráthnóna, i ndiaidh a theacht 'na bhaile tráthnóna, bhíodh a gcuid oibre féin le déanamh acu. Bhí an obair crua ach ní dhearna sé dochar ar bith daofa. Ag déanamh an bhealaigh fríd an phortach le haiteann agus gairbhéal bán ina mhullach. Bhíodh siad ag tabhairt na móna suas go dtí an stáisiún le beithíoch agus carr agus ó sin go Baile Suingean (St. Johnson).

**Catagóir: Stairsheanchas**
Fochatagóir	Cur Síos
Teangacha á labhairt in Éirinn	Tionchar an Bhéarla, an teanga. Ní raibh Béarla acu an t-am sin ach anois, níl siad ábalta sagart a fháil leis an Aifreann a rá mar nach bhfuil Gaeilge acu. An Teagasc Críostaí, le foghlaim de ghlanmheabhair agat agus nuair a thagadh an tEaspag, chaithfeá troscadh ó mheán oíche an oíche roimh ré. Bhíodh searmanas mór fada ann an lá sin.
Imirce	Ní raibh obair ar bith eile le fáil i rith an ama sin seachas scéim na móna nó imeacht go hAlbain. Anonn luath sa tséasúr a théadh siad agus thagadh siad anall arís. Théadh siad anonn arís san fhómhar. Chaitheadh siad siúl go Doire agus imeacht ar bhád Dhoire. An dóigh a bhfuair siad obair, bhíodh corrán ag achan duine agus thagadh fear á gcuartú ar maidin le hobair dó. Ansin théadh siad leis go dtí an fheirm. Cur síos air sin.

**Catagóir: An Duine**
Fochatagóir	Cur Síos
An Óige agus Aois	Mar a bhí rudaí nuair a bhí sí óg agus mar atá anois, sa bhaile agus ar scoil. Measann sí nach rabhthas ag déanamh an oiread as bealach an t-am sin. Níl gach athrach maith, measann sí.
An Óige agus Aois	A hóige, ar scoil Dhoire Beaga, níor fhoghlaim sí mórán, d’fhág sí an scoil ag 11 bhlian d’aois. Bhí cúpla séasúr fostú déanta aici i Machaire Gathlán an t-am sin, ag amharc i ndiaidh an eallaigh agus ag buachailleacht roimh am scoile. Cuntas maith ar na tithe a bhí acu, i Machaire Gathlán, ag daoine an tSeascáin Bhig, agus a d’úsáidtí ar feadh sé seachtaine sa bhliain nuair a bhí siad ag amharc i ndiaidh an eallaigh agus ag déanamh ime. Na focail a bhíonn in úsáid aici; eadra, cuinneog, loine, pigín agus tobáin. Bhí eadra le déanamh roimh scoil. Bhí 6d le tabhairt 'na scoile fá choinne leabhair ach ní raibh sé leis an ghirseach a bhí léi agus ba ghnách léi buille a fháil nuair a théadh sí 'na scoile. Scéal faoin dóigh a bhfuair sí 6d ó fhear leis an leabhar a cheannach. Síleann Bríd nach den saol seo é. Trí shéasúr a chaith sí thíos ansin ar fostú.
An Tórramh	Joe a Fríl ag toiseacht cóiste na marbh, beithíoch a bhí á reáchtáil. Phil Jimí Sheonaí agus Joe Hiudaí Mhóir an dá thiománaí a bhí aige. Thugadh siad na coirp go Machaire Gathlán, á n-iompar síos a bhítí gur thosaigh cóiste na marbh. A cuimhne ar an chorp dheireanach a tugadh síos go Machaire Gathlán leis an bheithíoch. Ní raibh Aifreann ar bith ann roimh ré an t-am sin.

**Catagóir: Cluichí agus Caitheamh Aimsire**
Fochatagóir	Cur Síos
Damhsa	Caitheamh Aimsire – ag dul chuig damhsaí i halla Dhoirí Beaga nó i dteach inteacht. Théadh sí chuig an oiread damhsaí agus a thiocfadh léi. Scéal na sé pingine, a cuimhne ar lá amháin a chuaigh sí isteach go Gabhla le teileagram agus fuair sí 6d le dul chuig an damhsa. Johnny Eoin Hiudaí agus Patrick Eoin a bhíodh ag bualadh an bhosca an t-am sin ag na damhsaí. Bhí fear eile as Anagaire ann darbh ainm James Néilín. Bhí a lán daoine eile ag bualadh fosta. Bhíodh basár ar an bhaile cúpla uair sa bhliain fosta.

**Catagóir: An tOsnádúr**
Fochatagóir	Cur Síos
Taibhsí	Scéal faoi a hathair, tógálaí agus saor cloiche ba ea é. É ag tógáil teach Jim Neddy Bhig. Tháinig séidean sí aniar ón trá agus thug sé anuas binn an tigh agus Tomás, a bhí ag obair air. Carraig na dTaibhsí a tugadh ar an áit, bhí siad ag meas go raibh taibhsí ann, níor chodlaidh duine ar bith ann ariamh agus blianta ina dhiaidh, deirtí go rabhthar ag cluinstean daoine ag dul suas agus anuas an staighre.
Sióga	Scéalta faoi shióga. Ceol a chuala a máthair agus a máthair mhór lá amháin agus iad ag dul thart leis an droichead, bhí fear ag slioparnach san uisce, d’imigh sé leis an bhruach. Thug a máthair mhór ar a máthair a dhul agus na fir a bhí ag obair ar an bhealach mhór a fháil le tarrtháil a thabhairt air. A luaithe is a thug, stop an ceol. Ceantar uasal a bhí ann agus níor chóir baint dá leithéid. Bean a bhí ag inse di faoi áit uasal i gcarn eile den tír, cheannaigh fear é agus rinne sé athruithe ach bhí a chuid eallaigh ag fáil bháis, ach nuair a chuir sé na creaga a tharraing sé amach ar ais, bhí gach rud go breá. Creideann Bríd go bhfuil sióga agus taibhsí ann.
Taibhsí	Scéal eile faoina máthair agus a máthair mhór ag teacht 'na bhaile ón mhonarcha oíche amháin, casadh bean orthu. D’aithin a máthair mhór í agus shocraigh sí go ndéarfaí Aifreann di ach, ní fhacthas an bhean ariamh arís.

Theme by Danetsoft and Danang Probo Sayekti inspired by Maksimer