Sonraí an Agallaimh

Ainm:	Edward Ó hEarcáin
Áit Chónaithe:	An Sruthán, An Fál Carrach, An Fál Carrach, Cloch Cheann Fhaola.
Áit Dúchais:	An Sruthán, An Fál Carrach

Dáta

Bailitheoir

sdgsdg

21/11/2006

Dónall Dinny Ó Gallachóir

**Catagóir: Stairsheanchas**
Fochatagóir	Cur Síos
Imirce	An turas ar bhád Dhoire a bhíodh ag seoladh anonn go hAlbain. Dar le Eddie, níor chóir di a bheith ann ar chor ar bith. Ghlacadh sí 7 nó 8 n-uaire an turas a dhéanamh. Bhíodh eallach ar an bhád fosta. Bhíodh an bád garbh go leor agus is iomaí duine a bhíodh tinn uirthi.
Imirce	Imirce go hAlbain. Bhí a dheartháir sa bhaile le hobair an talaimh a dhéanamh. Chuaigh a dheartháir go Londain. Chuaigh Eddie é féin go hAlbain in 1952. Bhí a dheartháir leis ach ní raibh siad i bhfad thall nuair a fuair a uncail bás. An lá ar imigh sé. Bhí achan duine ag imeacht san am. Ní raibh obair ar bith sa bhaile agus ní raibh siad ábalta an ‘dole’ a fháil sa tsamhradh. Suas go East Lothian a chuaigh siad go dtí na feirmeacha. D’oibir siad orthu sin. Fuair sé lóistín ag uncail dena athair nuair a chuaigh sé anonn ar dtús agus bhí ádh air i gcónaí ó thaobh oibre. Bhí sé ábalta go leor a fháil. Bhí go leor daoine as Gaoth Dobhair thall fosta. Bhí sé ag fanacht sna bothaí ar na feirmeacha fosta. An obair a bhí sé a dhéanamh. Bhí siad ag baint phreátaí, bhí ‘squads’ ann ag toghadh na bpréataí. Bhí obair mhaslach go leor ann. An Pháighe: £15 sa choicís a fuair sé ar dtús agus ansin chuaigh sé suas go £20. Cur síos ar an obair.

**Catagóir: An Pobal**
Fochatagóir	Cur Síos
Obair	Tuilleadh faoin obair. É in Northumberland ag tógáil claíocha. Bhí obair fhuar sa gheimhreadh ann. Ag stopadh i gcarbhán, bhí sin iontach fuar. Bhí sornóg bheag acu agus drochmhóin ach, ní raibh teas ar bith as.
Obair	Nuair a tháinig sé 'na bhaile. Chaith sé traidhfil maith blianta anonn is anall go hAlbain ag obair. Bhí sé ag tógáil tithe le fear eile. Cur síos ar chuid den obair seo agus ar na clocha a bhíodh á n-úsáid acu. Brící, cloch eibhir, cloch ghorm, cloch aoil. Bhí eallach aige féin agus ag a dheartháir.
Obair	Bhí sé ag obair ar chúpla feirm ag déanamh meascán oibre. Cur síos ar an obair a bhíodh sé a dhéanamh. D’fhanadh sé thall i rith an gheimhridh agus thagadh sé 'na bhaile san earrach. Bhíodh muileann ann agus bhíodh siad ag bualadh cruaiche fosta. Cur síos air seo.

**Catagóir: Ceirdeanna agus Cothú an Tí**
Fochatagóir	Cur Síos
Ceirdeanna agus Gairmeacha	Saor cloiche a bhí ina athair, ann féin agus ina dheartháir. Bhíodh a athair ag déanamh tobán agus cuinneog fosta. Míniú ar an dóigh a ndéanadh sé na cuinneoga.
Ainmhithe, Beithígh agus Eallach	A óige, ag obair leis na beithígh nuair a bhí sé 15 bliana déag d’aois. Dhéanadh sé an treabhadh. Threabhtaí an conlach ar dtús, chuirtí tús leis an obair i mí Feabhra nó Márta. Ag ullmhú an talaimh le préataí a chur in sna druileanna. Bhaintí an mhóin ansin (mí Bealtaine). Bhí dáta /am ann do gach jab. Cur síos ar an obair seo. Bhí talamh maith ann. Ag obair le dhá bheithíoch a bhíodh sé.

**Catagóir: Taisteal agus Gnó**
Fochatagóir	Cur Síos
Aontaí	Cheannaítí na beithígh ag aonach an Chraoslaigh agus chaití na beithígh a bhriseadh isteach corruair, thraenáil sé féin iad. Shiúladh siad 'na bhaile leis an ainmhí i ndiaidh í a cheannach. Chosain an chliobóg £50 agus bhris sé féin isteach í. Chaití na beithígh a thabhairt 'na ceárta go minic agus na crúite a athrach achan 6 mhí, bhíodh na rúitíní ag breith ar an talamh, bhíodh siad le gearradh. Micí Coyle ar an Ardaí an gabha a bhí ann san am, bhí fear eile in Bedlam darbh ainm Peadar Beag. Bhí gabha eile i mBaile an Gheafta, athair Jimí John an Ghabha. Bhí seisreach agus a threalamh féin aige. Rinne sé an obair seo do dhaoine eile fosta, an talamh a fhágáil réidh agus a chur. D’athraigh rudaí nuair a tháinig na tarracóirí. Mhill siad an talamh.

Theme by Danetsoft and Danang Probo Sayekti inspired by Maksimer