Sonraí an Agallaimh

Ainm:	James Peoples
Áit Chónaithe:	Mín an Chladaigh, Mín Lárach, Cloch Cheann Fhaola.
Áit Dúchais:	Mín an Chladaigh

Dáta

Bailitheoir

sdgsdg

18/10/2006

Dónall Dinny Ó Gallachóir

**Catagóir: Ceirdeanna agus Cothú an Tí**
Fochatagóir	Cur Síos
Móin	Tháinig sé 'na' bhaile ansin agus rinne sé obair mhóna lena dheartháir agus lena athair mór. Bhí acraí de phortach acu. Dhíoladh siad le duine ar bith a raibh lód móna de dhíth orthu. Ní raibh mórán de luach uirthi san am, thart fá £4 ar thréiléar tharracóra. Ní raibh tarracóir ar bith acu féin ach d'úsáideadh siad beithíoch agus carr a bhíodh ag a athair mór. Nuair a thosaigh stáisiún na móna ansin, ghlac siad conradh leo. Fuair siad leoraí iad féin fosta. Cur síos ar an chineál leoraí a bhí ann. Chaith sé féin £750 ar leoraí uair amháin, ceann dara láimhe a bhí inti agus bhí sí le díol ar a son, sin sna caogadaí. Bhí siad ag díol móna ar fud an chontae. Bhí conraithe acu i Leitir Ceanainn leis an teach mhór (St. Conals), (100 nó 200 tonna). Obair mhaslach a bhíodh i mbaint na móna agus bhí go leor fear fostaithe acu. Bhí siad ag iompar móna go stáisiúin Mhín na Cuinge, ba chailliúint mhór don áit a druidim.
Móin	Thug oscailt an stáisiúin leictreach seans iontach do na fir teacht 'na' bhaile ansin agus obair sa bhaile leis an mhóin. Bhí sé cosúil le tascobair. An treo a ghlac sé nuair a bhí sé ag tiomáint go dtí an stáisiúin. Na lodaí móna agus an meáchan a bhí orthu, idir 10 dtonna agus 12 thonna. 2 lód sa lá a d'iompair siad. Bhí conraithe le comhlíonadh acu. Bhí obair chrua le déanamh acu.

**Catagóir: An Pobal**
Fochatagóir	Cur Síos
Spailpíní	Bhí sé in Albain, chuaigh sé anonn nuair a bhí sé 16 bliana d’aois, é féin agus cúpla fear eile as an bhaile. Anonn le hobair leis na feirmeoirí a chuaigh siad. Am an chogaidh a bhí ann agus dóbair nár thóg na saighdiúirí in Berwickshire iad le cur san airm ach níor cuireadh duine ar bith acu. Thosaigh siad leis na feirmeoirí ansin. Málaí cocháin agus blaincéid a bhí acu mar leapacha ach bhí siad óg agus ba chuma leo. Obair feirmeoireachta a bhí le déanamh acu, bhí siad breá cleachtaithe leis an obair sin ón bhaile ar scor ar bith. Cur síos ar an obair a rinne siad, £5 sa tseachtain an pá a bhí aige. D’fhan sé ansin ar feadh cúpla séasúr, bhí obair throm go leor le déanamh acu.
Spailpíní	Bhog sé ansin go Glaschú agus Falkirk le tithe a thógáil. Bhí go leor oibre ann i ndiaidh an chogaidh. Cur síos ar an obair a bhí á déanamh aige ansin. D’oibir sé ar chosáin phíopaí agus bhíodh sé ag leagan píopaí. Bhí cuid mhaith de mhuintir na háite ag obair leis ansin.
Spailpíní	Bhog sé chuig conraitheoir eile ansin i dtuaisceart Shasana i Loch Sloy ar scéim hidrileictrigh. D'fhan siad i mbothaí. Rinneadh bia daofa. Bhí a lán daoine ón bhaile ansin fosta. Cur síos ar an obair seo, bhí bealach le déanamh ar dtús le fáil isteach a fhad leis an damba. Bhí obair mhór ann. Chuir sé airgead 'na' bhaile corr uair. Bhí a dheartháir ag obair ar an Lagán, in Albain agus sna sé chontae fosta.
Spailpíní	Ar fostú ar an Lagán - an chéad phost a bhí aige agus é 14 bliana d’aois sa teach chéanna ina raibh a dheartháir, idir Cill Mhic Réanáin agus Baile na nGallóglach. D'oibir sé le fear darbh ainm Peoples (Albanach a bhí san fhear). Chuaigh sé chuig an Rablach (Rabble) ar dtús lena mháthair agus a athair mór. Ba as Mín an Chladaigh an bhean tí a bhí acu, Sorcha Tharlaigh. Bhí feirm mhór ann agus bhí ainmhithe aige le hamharc ina ndiaidh; muca agus beithígh agus bhí bóithigh le glanadh ar maidin. Bhí bia maith ann agus bhí siad maith dó. Bhíodh bean an tí ag déanamh a lán dena cuid bia féin agus bhíodh sí maith ag coinneáil tí. Bhíodh sé ag obair go mall sa tráthnóna. Chuaigh an fear a bhíodh ag obair leis ar laethanta saoire uair amháin i dtigh Jimmy i Mín an Chladaigh. Fuair sé £10 pá as 6 mhí oibre, shocraigh a mháthair an conradh leis an fhear.

**Catagóir: Stairsheanchas**
Fochatagóir	Cur Síos
Stair an Teaghlaigh	A ainm agus bunadh a mhuintire. Bhí a mháthair ar fostú i gCill Mhic Réanáin agus casadh a fear uirthi ansin. Nuair a pósadh iad, d’imigh siad chun na hAstráile. Rugadh Jimmy agus a dheartháir san Astráil. Tá Billy, a dheartháir, marbh anois, go ndéana Dia a mhaith air. Fuair a athair bás agus é óg, measann sé gur mar gheall ar bhrú ard fola a tharla sin; ní raibh Jimmy ach bliain go leith d’aois nuair a d'imigh sé.
Stair an Teaghlaigh	Phill siad 'na' bhaile ina dhiaidh sin. I mbaile a mháthar atá siad ina gcónaí anois. D'fhoscail sí siopa, bhí airgead gann ag daoine agus bhíodh siad ag cuartú ábhair ar cairde. Bhí sé deacair gnó a dhéanamh mar sin. Bhí sí ag déanamh na hoibre sin ar feadh cúpla bliain.

Theme by Danetsoft and Danang Probo Sayekti inspired by Maksimer