Sonraí an Agallaimh

Ainm:	Micí (Michael) McCauley
Áit Chónaithe:	Bun na Leaca, Doirí Beaga, Gaoth Dobhair.
Áit Dúchais:	Bun na Leaca

Dáta

Bailitheoir

sdgsdg

30/08/2006

Dónall Dinny Ó Gallachóir

**Catagóir: An Pobal**
Fochatagóir	Cur Síos
Obair	I ndiaidh an chogaidh thosaigh sé ar na hOibreacha Poiblí, obair thógála. Thosaigh sé sna tolláin ansin sna caogadaí. Cur síos ar an obair a rinne sé. Bhí sé dorcha agus contúirteach go leor in amanna. Bhí siad ag déanamh dambaí. I Manchain bhí sé ag obair i dtolláin ag obair le gual. Is iomaí taisme a tharla agus gortaíodh daoine ar na seifteanna. D’fhéadfadh na tolláin a bheith 8 míle ar fhad, bhíodh bealtaí éagsúla déanta isteach (headings) sa tolláin ag áiteanna éagsúla ar feadh an tolláin. Bhog sé ó áit go háit, ó Albain go Manchain (sin an ceann a ba chontúirtigh), is iomaí duine a gortaíodh ann, thiteadh na clocha anuas iontach gasta, bhí daoine gortaithe ar gach seift. Bhíodh clocha móra ag titim agus a mbuaileadh sa droim, fear a gortaíodh lá amháin. Chuaigh sé go Tuaisceart na Breataine Bige ansin.
Spailpíní	Chuaigh sé go Sasana ansin agus thosaigh sé in Hertford le Wimpey. Bhí sé ag cuidiú le pluiméir tamall ansin fosta le cois obair eile. Chuaigh sé ar ais go hAlbain arís. Bhí go leor oibre le fáil. Bhí seifteanna fada agus droch bhia acu corr uair.
Obair	Phill sé na bhaile nuair a bhí a athair tinn in 1970. Ag McAlpine a bhí sé san am in Dún Éideann in St. James Square ar ionad siopadóireachta. An t-am a bhí a athair tinn agus mar a chuaigh sé amach an ospidéil, fuair sé bás san ospidéal. Theip na duáin air. D’fhan Micí sa bhaile ina dhiaidh sin mar bhí a mháthair le féin. Bhí sé ag obair leis an mhóin tamall ansin go dtí gur ghortaigh sé a dhroim go holc.
Obair	Fostú. Bhíodh orthu imeacht le obair a fháil, chaitheadh siad imeacht ó tús mí Meithimh go Nollaig. D’imíodh siad na Lagáin nuair a bhí siad 14 bliana d’aois. Bhí sé féin ann ar feadh 6 mhí agus thug na daoine a d’fhostaigh é aire mhaith do cé go raibh cuid de na fostóir nach raibh chomh maith sin. Chuaigh sé go dtí an Rablach ó stáisiún Ghaoth Dobhair go Leitir Ceanainn agus ó sin go Leifear. Bhí feirm eile ag a thaobh agus ba le mac den fhear a raibh Micí é féin aige. Bhí girseach as an bhaile ar fhostú ansin. Bhí feirm mór ann, dhá leaba agus urlár créafóige a bhí sa seomra a bhí Micí ina chodladh ann. Scéalta faoi am sin. Bhí eallach ann le bligh ach lig sé ar féin nach raibh sé ábalta é a dhéanamh, ní raibh siad géar air. £18 ar son na 6 mhí an pá a fuair sé, in 1942. Bhí an cogadh ag dul san am fosta. Phill sé na bhaile i ndiaidh na 6 mí sin.
Spailpíní	Imirce. D’imigh sé go hAlbain go Drumfries leis an Agricultural. Bhí a athair leis agus cuireadh é féin agus a athair amach le chéile. Bhí sé ansin mí agus thit sé amach leis an feirmeoir. B’éigean daofa cead a fháil ó na péas le imeacht go Dún Éideann, bhí siad ag dul a fháil £ 5 ansin, ní raibh siad ag fáil ach £3 san áit a raibh siad. Anonn ar bhád Dhoire a chuaigh siad, bhí eallach uirthi fosta. Sa tsamhradh bhí sí glanta suas, bhíodh stólta istigh san áit a mbíodh an t-eallach an chuid eile den am. Bhíodh moll daoine tinn uirthi i gcónaí. Bhíodh sí garbh go leor in amanna, ghlacadh an turas thart ar 14 uair an chloig. Thosaigh Stranraer ina dhiaidh sin. D’fhág sé féin agus a athair agus d’imigh siad suas go Dún Éideann ach ní raibh an pá iontach maith. Feirm Co-operative a bhí ann agus ní raibh siad ag fáil sa tsamhradh ach £4. Rinne siad bliain amháin agus d’fhág siad. Chuaigh siad go Kelso. Sa deireadh fuair siad obair ar fheirm agus bhí daoine as Gaoth Dobhair ansin fosta. Sin 1944 agus bhí an cogadh ar siúl. Díoladh amach i ndiaidh an fhómhair é agus fuair sé an bus go Dunbar. Casadh cúpla fear eile as an bhaile air agus lig siad do stopadh sa bhotaí leo agus obair phreátaí a bhí ansin. Tháinig an athair ansin fosta. Bhí mná ansin agus iad ag goid phreátaí. Thosaíodh an obair sin luath ar maidin, thart ar 7 a chlog. An obair a bhí le déanamh aige. Bhí príosúnaigh cogaidh ansin fosta, Gearmánaigh a bhí iontu. Bhí siad ag stopadh i gcampa áit inteacht agus leoga ní raibh siad ag fáil mórán le hithe. Bhí siad anonn agus anall na bhaile san am nó chuirtí san airm iad dá mbíodh siad thall 2 bhliain. Níor buaireadh leo ariamh ach bhí go leor a bhí ar a seachnadh agus a theith.

**Catagóir: An Duine**
Fochatagóir	Cur Síos
An Óige agus Aois	Ar shiúl ar na rothair ina óige siar na Bhun Bhig, go Cionn Caslach ag na reigeaití a bhíodh ar siúl ann agus an Fhál Charraigh.

**Catagóir: Nósanna agus Piseoga**
Fochatagóir	Cur Síos
Sagairt	An tAthair Ó Domhnaill i bhí ina chónaí sa chomharsanacht, bhí sé míorúilteach, bhí daoine ag teacht chuige as achan áit. Dhéanadh sé urnaí os a gcionn nó loite ar dhóigh inteacht. Bhí dóchas mór ag na daoine ann. Chaill sé a chos féin ina dhiaidh sin, bhí sé i gcathaoir rothaí. Léadh sé Aifrinn agus stáisiúin na croise sna tithe do dhaoine.

**Catagóir: Stairsheanchas**
Fochatagóir	Cur Síos
Imeachtaí Áitiúla Eile	Mianaigh ag teacht isteach an chósta ón fharraige. Thagadh coirp isteach fosta a bádh, fir darbh ainm Buckley agus Mc Carthy. Bhí corp fir eile a raibh cábla agus tóirse thart ar a mhuineál, measann Micí gur fear faire deic an bháid a bhí ann. A athair agus fear eile a fuair an corp an chéad rud ar maidin. Tá cuid acu sin curtha i Machaire Gathlán.
Stair an Teaghlaigh	Cúlra ar a theaghlach agus c’áit ar as iad. As Cionn Caslach a deir cuid acu nó as Árainn Mór. Bhí dhá dheartháir de na Mc Auleys i mBun an Leaca. Níl fágtha ach é féin anois.
Imirce	An t-am a bhí sé obair le Wimpey in Albain agus bhí cáin le sórtáil aige, thaispeáin sé an pas contráilte, d’úsáid sé teastas breithe duine inteacht eile.
Imirce	Is iomaí áit fá Albain a bhí sé, bhog sé thart cuid mhór. Corr uair ag cuartú oibre. Bhíodh sé ag fanacht i mbotaí agus leapacha a dhéanamh de chochán agus blaincéid. Dhéanadh siad piliúir an dóigh chéanna, le málaí agus cochán. Ach b’iad na models a ba mheasa, bhí siad iontach garbh. Chaith sé oíche shiocáin amháin ina shuí sa leithreas ag stáisiún, ní raibh sé ábalta fáil fhad leis an champa.
Imirce	Chaitheadh siad cárta aitheantais a bheith acu cibé baile a théadh siad fhad le, chaitheadh siad dul go dtí stáisiún na ngarda agus é a thaispeáint. Bhí uimhir ar gach duine. Bhí saol eile ar fad ann, bhí daoine amú le ólachán fosta ar shiúl ón bhaile. Bhíodh moll Éireannaigh ag fanacht sna models nó dosshouses. Níor fhaca sé ariamh an rópa a bhíodh sna áiteanna sin. Bhí na áiteanna sin go léir garbh agus salach go leor. Tharla sé am amháin gur luigh fear coimhthíoch in leaba Mhicí sa champa oíche amháin, d’inis fear de na hoibrithe eile do. Thug an bas an sac don stráinséir agus b’éigean do Mhicí a leaba a dhódh.

**Catagóir: Taisteal agus Gnó**
Fochatagóir	Cur Síos
Siopaí	Siopa ag Micí Coyle agus ba ghnáth leis a dhul thart ag cruinniú uibheacha, bhíodh siad seiceáilte agus pacáilte ansin sa stór agus curtha amach sa leoraí le díol thart san áit. Bhí siopa eile ansin, an Cóip, bhí léir earraí le fáil ann. Bhí moll acu a bhí mar bhaill de, bhí cártaí acu agus dhíoladh siad £5. Bhí oifig an phoist ann fosta. Bhí na fir ar shiúl agus ní raibh mórán airgid san áit, chaitheadh daoine cártaí a bheith acu le earraí a fháil.
Aontaí	Ag obair an talaimh, bhí siad i gcois na trá, ní raibh bealaí maithe ar bith acu, bhí achan rud le iompair ar a ndroim. Ag cur leathach ar an talamh. Bhí obair mhaslach acu le déanamh. Cur síos ar an obair a bhí le déanamh acu leis an leathach, na préataí, scáth bhuí agus feamainneach. Ag ullmhú an talaimh agus ag rómhair don Earraigh. Bhí na préataí le bheith curtha ag tús Aibreáin. Obair spáide uilig a chaitheadh siad a dhéanamh. Tá athrach mór inniu ach san am chaitheadh siad na rudaí sin a dhéanamh. Bhí eallach agus gamhna ag achan teach, a gcuid bainne féin. Dhíoladh siad na hainmhithe ag Aonach Bhrianaí.

**Catagóir: Ceirdeanna agus Cothú an Tí**
Fochatagóir	Cur Síos
Móin	Scéim bhaint na móna leis an Comhairle Contae. In 1941 nó 1942 d’oscail an Comhairle Contae suas na bachtaí agus thosaigh daoine ag baint na móna. Tháinig airgead isteach sa cheantar, bhí daoine ag saothrú, tascobair a bhí ann. Bhí uaireanta fada ann, ag tiontú agus ag cróigiú. Bhí mná ag déanamh na hoibre fosta. Bhí siad ábalta £1 sa lá a shaothrú corr uair. D’imigh cuid acu ansin anonn ag na Aeradróim thall in Albain.

Theme by Danetsoft and Danang Probo Sayekti inspired by Maksimer