Sonraí an Agallaimh

Ainm:	Cormac Ó Briain
Áit Chónaithe:	Mín an Chladaigh, Mín Lárach, Cloch Cheann Fhaola.
Áit Dúchais:	Mín an Chladaigh

Dáta

Bailitheoir

sdgsdg

09/02/2007

Dónall Dinny Ó Gallachóir

23/02/2007

Dónall Dinny Ó Gallachóir

**Catagóir: Taisteal agus Gnó**
Fochatagóir	Cur Síos
Aontaí	An béarla san am – bhí buntáiste ag Cormac sa scoil sin, bhí Gaeilge agus broc beag béarla aige. San am sin bhí béarla ag a lán de na páistí i scoil Chormaic i Mín an Chladaigh, tháinig a lán teaghlaigh anall as Albain le linn an chogaidh le bheith sábháilte agus béarla uilig a bhí a labhairt acu. Bhí béarla de dhith le do ghnóithe a dhéanamh, le lucht siúil agus ar an aonach. Béarla uilig, dar le Cormac, a labhraítí leis na hainmhithe uilig ach amháin an bhó roimhe seo.

**Catagóir: An Pobal**
Fochatagóir	Cur Síos
Obair	Phill sé as Albain agus chuaigh sé go Baile Átha Cliath, bhí sé fá choinne a dhul go Sasana ach níor éirí le sin, chaith sé a chuid airgid ar na beithígh agus ní raibh sé ábalta imeacht. In 1970 a bhí sin. B’éigean do fanacht i mBaile Átha Cliath agus obair a fháil. Bhí siad ag tanú cáil. Ina dhiaidh sin bhí sé ag obair thógála, 14 scilling a bhí sé ag fáil. Bhí sé ansin go Nollaig. Bogadh ansin go scéim tithíocht é ach ní raibh sin go maith. Bhí dúil aige i mBaile Átha Cliath. Bhíodh siad ag stopadh i mbrúnna, scilling san oíche a chosain sin. Ansin bhí sé ag obair thíos ag na céanna ag tógáil oifigí.
An Lucht Siúil	Lucht siúil – ag teacht na cheantair agus ag díol earraí – cupáin, cannaí agus buicéid.
Obair	Chaith sé cúpla mí i gCaisleán na Finne in 1945, an bhliain a shocair an cogadh agus tháinig sé ar ais na bhaile. Bhí sé ag obair lena athair sa bhaile go raibh sé 18 bliana d’aois. Bhí daoine ag tabhairt leas ón fharraige agus a chur ar an talamh ach ní raibh Cormac agus a athair. Thriomaigh siad leathach ach dhíol siad é. Cuntas ar shábháil agus ar thriomadh leas farraige / leathaigh (leathach) le spréadh ar an talamh, ar chál agus ar thornapaí mar shampla. Bhí sé maith ag an bharr ach san am chéanna bhí sé géar ar an talamh. Bhí an chuid is mó den talamh oibrithe san am sin, ní raibh moll mór eallaigh ag duine ar bith. Bhíodh buachailleacht le déanamh ar an eallach le cinntiú nach raibh siad istigh sa bharr. Bhí beithíoch ag Cormac agus a athair leis an talamh a threabhadh ach do dhaoine nach raibh ainmhí ar bith acu, bhí an talamh le rómhair agus iomairí le déanamh. Bhí conlaigh le déanamh ar dtús le spád, cur síos ar seo.
Spailpíní	D’imigh sé go hAlbain ach bhí an obair aige sular imigh sé. D’imigh sé le col ceathrar do in Lúnasa 1949. Chuaigh sé anonn ar bhád Dhoire. Bhí an bád pacáilte ach ní raibh an aimsir garbh. Bhí bar ar an bhád fosta. Bhí eallach uirthi fosta a tháinig di in Inis Bán - Whiteinch agus théadh sí ar aghaidh ansin go Greenock, bhí léir Éireannaigh ansin fosta agus théadh sí ó sin go Glaschú. Bhí léir daoine muinteartha aige in Clydebank agus ó sin go Loch Sloy in Dunbartonshire. Bhí sé ag obair ag comhlacht Belfour & Beattie. Bhí siad ag stopadh i gcampaí le bothanna / huts móra foscailte iontu. Bhí dhá sornóg – ceann ar achan cheann den champ acu agus 20 leaba iontu, bhí locar ag gach fear lena chuid éadaigh a chur isteach ann. Bhí léir Éireannaigh ansin agus bhí daoine a raibh aithne aige orthu sna campaí i gcónaí. Bhí cuid mhór Polannaigh agus Úcránaigh ag obair ansin fosta. Ní raibh an t-airgead maith, £2 3½d an pá a bhí aige ansin. Ní raibh an bia iontach ach rinne sé cúis. Ní bheadh ocras ort. Bhí sé ag cur airgid na bhaile fosta.
Spailpíní	Bhí am breá aige agus bhí dúil aige ar shiúl ag obair agus ag casadh le daoine. Tá athrach mór ar dhaoine anois.
Obair	In 1949 d’fhág sé sin i ndiaidh trí mhí agus thosaigh sé ag feirmeoireacht in Berwickshire ar £5 sa tseachtain. Ag toghadh phreátaí is mó a bhí sé.
Obair	Bhog sé go Falkirk ansin ag scaglann ola (Oil Refinery). Bhí obair deireadh seachtaine ansin agus bhí siad ag stopadh i dteach lóistín agus bhí léir de mhuintir na háite sa bhaile ag stopadh ansin. Ní raibh mórán spáis acu. Bhí bar ansin “An Celtic Bar” agus théadh siad ansin ag an deireadh seachtaine, ní bhíodh na tithe leanna oscailte go dtí an 9 a chlog san oíche. Bhí dúil aige in Falkirk.
Tiarnaí Talaimh agus Tionóntaí	Mín an Chladaigh – a chuid eolais ar mar a roinneadh amach an talamh agus na cearta a thug an tiarna do thionóntaí Mhín an Chladaigh ar an chnoc. Cearta innilt agus cearta ar bhaint móna. Eastáit Ó hAnluain – cheannaigh Mac Íomhair an talamh ó hAnluain.
Obair	Nuair a d’imigh sé go Sasana ag obair, chuala siad go raibh tollán mór darbh ainm Dunford Bridge a dhéanamh in Manchain. Bhí trioblóid acu na Sasanaigh a thuigbhéal. Ag tógáil droichead ráilleach (railway bridge) a bhí siad. Cuntas ar seo. Casadh daoine orthu as Tuaisceart na hAlban agus iad ag caint Gaeilge na hAlban ach shíl Cormac gur Polannaigh a bhí iontu, níor thuig sé focal uathu. Bhí contúirt mhór san obair sin agus gortaíodh go leor fir ann. Cur síos ar an obair a bhí siad ag déanamh istigh sa tollán é féin. Bhí sé ag obair ar dhá thaobh an tolláin, bhí an tollán thart ar 3 mhíle ar fhad. Measann sé go bhfuil an tollán sin druidte anois.
Obair	Chuaigh sé go Londain i ndiaidh sin, bhí sé in Isle of Grain taobh amuigh de Chatham. Scaglann ola a bhí sé ag obair air ansin fosta. Bhí scaiftí as Gaoth Dobhair agus Cloch Cheann Fhaola ansin fosta. Théadh siad isteach go Chatham ansin corr uair ag an deireadh seachtaine. Bhí stailc acu am amháin ar feadh 10 lá, ar shon coinníollacha níos fearr. Ní raibh go leor ama acu le tae a ghlacadh agus cúpla rud eile ach níor bhfuair siad rud ar bith, thug an sagart comhairle orthu ag an Aifreann a dhul ar ais. Chuaigh siad ar ais agus tar éis do seachtain oibre a dhéanamh, d’fhág Cormac agus d’imigh sé na Breataine Bige. Bhí Cormac ar shiúl as nuair a thosaigh troid iontach ann.
Na Scoltacha Náisiúnta	Bhí sé 6 bliana d’aois nuair a chuaigh sé na scoile i Mín a Chladaigh. Ní raibh dúil iontach ar bith aige sa scoil ach ní raibh sé doiligh a chur amach na scoile. Chrissie Mc Bride an chéad mhúinteoir a bhí aige. Ansin bhí Kitty Ned aige. Johnny Mac Fhionnlach /Mc Ginley an máistir a bhí aige, bhí sé géar ach maith. Tadhg Diver a bhí ann roimhe, d’imigh sé sin go Albain. Piocadh Cormac le scrúdú a dhéanamh ach tharraing sé amach as sular dearnadh an scrúdú. Bhí sé ag obair lena athair leis an fhómhair agus mar sin, bhí a mháthair marbh ó bhí Cormac bliain d’aois, ní raibh suim aige sa scrúdú. Bhí daoine eile a thagadh as bailte eile le foghlaim ar an scoil ag máistir Mac Fhionnlach. Bhí léir ag imeacht fosta agus bhí sin ina cheann ag Cormac fosta.
Obair	Thosaigh sé ag obair sa Bhreatain Beag ansin, go Cardiff a chuaigh siad. Fuair siad obair reservoir ansin, ag déanamh balla trasna leis an uisce a stopadh. Bhí dúil aige ag bogadh thart ó áit go háit.
Spailpíní	Bhí Cormac ar an scoil ar an Lagán, i ndiaidh do diúltú an scrúdú a dhéanamh, mheas sé nach raibh dúil ag an mháistir ann níos mó agus nach raibh sé a iarraidh sa scoil. Thart fá am na Nollag bhí sé sa bhaile agus ní raibh sé ag coinneáil iontach maith, bhí a dheirfiúr pósta amuigh i gCaisleán na Finne agus d’iarr sí air a dhul amach tamall. Fuair an máistir amach go raibh sé amuigh ansin agus nach raibh sé ar an scoil, chuir sé scéala amach agus b’éigean do Chormac a dhul na scoile ansin in Feabhra ar feadh 3 mí. Rinne sé bunteastas ansin agus d’éirigh leis é a fháil. Bhí an máistir a bhí aige ansin ag rothaíocht as Srath an Urláir gach lá, Máistir Mac Giolla Eáin ab ainm do.
Spailpíní	D’fhág sé an Bhreatain Bheag nuair a bhí timpiste aige, bhris sé a ordóg agus a lámh. Bhí sé 10 lá san ospidéal. D’imigh sé go Glaschú ansin, bhí col ceathar ansin aige. Fuair sé éiric de £200 agus tháinig sé na bhaile. Bhí athrach mór ar an bhaile nuair a tháinig sé ar ais. Bhí sé ar shiúl tamaill bheaga ina dhiaidh sin ach thagadh sé na bhaile go minic arís.

**Catagóir: Cluichí agus Caitheamh Aimsire**
Fochatagóir	Cur Síos
Peil	Caitheamh aimsire – chuaigh sé ag cluiche amháin peile nuair a bhí Dún na nGall ag imirt in éadan Maigh Eo i bPáirc an Chrócaigh. Ba ghnách leis a dhul ag léir cluichí Ghaoth Dobhair am amháin. Bhí foireann maith acu.

**Catagóir: Ceirdeanna agus Cothú an Tí**
Fochatagóir	Cur Síos
Iascaireacht	Phill sé na bhaile as Baile Átha Cliath ansin tar éis cúpla bliain, bhí a athair sa bhaile. Thosaigh sé ag iascaireacht bradáin, bhí bád aige féin, 26 troighe le inneall inti. Bhí beirt fhear eile leis. Bhí siad a ndíol in Ailt an Chorráin. Bhí Paidí Éamoinn a dtabhairt siar sa leoraí.
Móin	Scéim bhaint na móna faoin Comhairle Contae i rith an dara cogaidh nuair a bhí an gual gann.
Móin	Rinne sé neart oibre fan bhaile i gcónaí ó bhí sé 12 – 18 bliana d’aois. Cuid mhór obair mhóna a bhí siad ag déanamh agus a dhíol. Bhí daoine ag teacht ag ceannach na móna. Ní raibh stáisiún na móna foscailte san am sin, a dhíol go príobháideach a bhíodh siad. Ní raibh ach cúpla duine sa cheantar a raibh leoraithe acu. An obair a bhí le déanamh fan teach aige i gcónaí. Bhí tine le cur síos an chéad rud ar maidin le tae a dhéanamh agus le potaí a bhruith air agus arán le déanamh air.

**Catagóir: Stairsheanchas**
Fochatagóir	Cur Síos
Imirce	Bhí ceangail caillte aige leis an bhaile tamall fosta. Fuair a dheirfiúr bás in Fife agus ní raibh a fhios ag Cormac. Measann sé gur stad a lán daoine den scríobh na bhaile nuair nach raibh siad ábalta airgead a chur na bhaile.

Theme by Danetsoft and Danang Probo Sayekti inspired by Maksimer