Sonraí an Agallaimh

Ainm:	Brianaí Ó hOireachtaigh
Áit Chónaithe:	Machaire Rabhartaigh, Mín Lárach, Cloch Cheann Fhaola.
Áit Dúchais:	Machaire Rabhartaigh

Dáta

Bailitheoir

sdgsdg

18/04/2007

Dónall Dinny Ó Gallachóir

**Catagóir: Taisteal agus Gnó**
Fochatagóir	Cur Síos
Iompar Nua-Aimseartha	Thug sé lóid an Aifrinn fosta. Ansin nuair a cheannaigh sé an bus i nGaillimh, chaith sé blianta ag iompar meitheal stócaigh amach an Lagáin ag toghadh phreátaí. Dhéanadh Brianaí conraithe le roinnt feirmeoir amuigh in ansin agus thugadh sé amach na fir nuair a bhíodh an obair ansin. Go Newtowncunningham agus go Mainéar Uí Chuinneagáin is mó a chuaigh sé cé gur bhain sé féin préataí isteach go Cill Mhic Réanáin. Tá athrach mór ar sin uilig anois. Bhíodh siad ar shiúl ar an 6 a chlog ar maidin. Cur síos ar an obair a bhí le déanamh acu. Bhí sé ag déanamh sin ó 1969 go tús na hochtóidí.
Aontaí	Imirce go hAlbain - Aonach Ghlaschú, nuair a thagadh léir den mhuintir a bhí thall in Albain idir mná, fir agus páistí na bhaile. Nuair a bhí sé féin 18 bliana d’aois d’imigh sé anonn ar bhád Dhoire. Chuaigh sé ag obair in Perthshire ag glanadh amach tolláin. Bhí léir Éireannaigh agus daoine as an bhaile ag obair ansin fosta. Cur síos ar an obair a bhí le déanamh. Bhí pá de £14 - £17 sa tseachtain aige ach bhí na uaireanta fada. Bhí siad ag stopadh i gcampaí. Bhíodh veain ag gabháil thart agus siocair an bia a bheith go holc agus a bhí, cheannaíodh siad bia dóibh féin agus bhíodh siad ag cócaireacht ar thine leictreach. Bhí 3 ticéad bí sa lá acu le úsáid sa cheaintín ach bhí an bia olc.
Iompar Nua-Aimseartha	Mar a thosaigh sé suas leis an tacsaí agus na rialacha a bhí ag baint leis. B’éigean do ceadúnas a fháil. Bhí mionbhus aige ach fuair sé ceann úr ansin in 1970. Bhí sé ag tabhairt lóid chuig cluichí peil darna achan seachtain.

**Catagóir: Ceirdeanna agus Cothú an Tí**
Fochatagóir	Cur Síos
Móin	Bhí a dheartháir Páidí ag iompar lóid mhóna do dhaoine.
Iascaireacht	A óige, d’fhág se an scoil ag 14 bliana d’aois. Bhí rud beag oibre aige ar an fheirm a bhí acu. Bhíodh a athair ag déanamh rud beag iascaireachta go díreach ach ba ghnách leis iasc a thabhairt amach as Toraigh. Cuntas maith cruinn ar iascaireacht na scadáin. Iascairí Thoraí agus Inis Bó Finne. Curacha a bhíodh acu an t-am sin ag iascaireacht i dToraigh.
Móin	D’oibir sé ar thógáil bhealaí portach cúpla mí i ndiaidh an scoil a fhágáil. Bhí na portaigh uilig faoin Choimisiún na Talún san am sin, bhí daoine ag reáchtáil amach as portach agus bhí siad ag oscailt suas tuilleadh.
Iascaireacht	Ag amanna d’fhan cuid de mhuintir Thoraí i dteach ar chúl Bhrianaí, teach a uncail nuair a bhíodh siad amuigh ag iascaireacht, bhíodh criúnna na mbád ag fanacht sa teach corr uair. Bhíodh daoine ag gabháil ag airneáin acu agus bhí fear Pádraig Antoin a raibh craic mhaith ann. Scéal faoi fhear, John Rua a bhí istigh ag airneán oíche amháin agus nuair a dúirt fear eile a bhí ansin rud inteacht leis nár shásaigh John, thug sé iarraidh air ach shleamhnaigh John ar na leaca ar an urlár agus thit sé isteach sa luaith. Bhíodh oícheanta bhreá airneáin acu.

**Catagóir: An Duine**
Fochatagóir	Cur Síos
Cleamhnas	Is iomaí uair a smaoinigh sé ar imeacht go Meiriceá ach ansin thosaigh sé ag saothrú sa bhaile. Bhí daoine muinteartha thall aige. Bhí cleamhnas dúbailte sa teaghlach aige, deirfiúr dena athair pósta ar dheartháir dena mháthair agus bhí siad ina gcónaí amuigh ansin. Níor phill siad ar ais ach phill cuid den chlann.

**Catagóir: Stairsheanchas**
Fochatagóir	Cur Síos
Stair an Teaghlaigh	An baile ina bhfuil sé ina chónaí, tógadh a athair mór ansin, Séamus Bhriain. Éamonn Shéamuis Bhriain ab ainm dona athair. Tá sé ag meas gur as Mín Lárach a tháinig a athair mór as. Fuair léir den teaghlach sin bás leis an fliú mór thart fá thús an 19ú, roimh an chéad chogadh. B’éigean dóibh an teach a fhágáil. Chuaigh a athair soir an bealach mór chuig uncail leis agus sin mar a bhog a athair as an baile. B’éigean dona athair mór teach eile a thógáil.

**Catagóir: An Ealaín Bhéil**
Fochatagóir	Cur Síos
Logainmneacha	Logainmneacha – áiteanna thart fan Ardaí Bheag.

**Catagóir: An Pobal**
Fochatagóir	Cur Síos
Spailpíní	An dara am a chuaigh sé anonn ag obair an bhliain ina dhiaidh sin. Bhí sé i nGlaschú ach ní raibh sin iontach maith, bhí sé ró chostasach agus chaití barraíocht airgid dá mbítí ag fanacht sa chathair. Bhí sé in East Kilbride agus Falkirk, ag stopadh in models. Obair phíopaí agus obair coincréite agus mar sin a bhí ar siúl aige.
Spailpíní	An iascaireacht san am, ní raibh mórán scadán uilig ann cé go raibh go leor báid thart san am. Staid na hiascaireachta anois; tá an iascaireacht i mbuille a bheith thart anois, iascaireacht gliomach atá duine ná dhó a dhéanamh. Iascaireacht scadán a bhíodh ar siúl ach níl mórán anois. Bhíodh trioblóid iontach ag na fir le madaí scadáin. Bhíodh troisc ann fosta i ndiaidh na scadáin. Ach thosaigh na fir ag imeacht go hAlbain agus bhíodh na fir a bhí fágtha ag cóiriú na n-eangach i rith an gheimhridh agus ní rabhthar ag úsáid na mbád mórán i rith an gheimhridh. Ní raibh ainmneacha nó uimhreacha ar na báid an t-am sin ach tá anois.

**Catagóir: Lonnú agus Cónaí**
Fochatagóir	Cur Síos
Feirmeacha	Phill sé na bhaile in 1956 agus bhí sé ag obair fan bhaile. Beithígh a bhíodh acu ag treabh agus ansin cheannaigh a athair tarracóir. An chéad tarracóir a chonaic Brianaí Domhnach amháin a bhí ag fear darbh ainm Páidí Roarty. Bhí ceann eile ag Micí Beag Micí an Ghabha ach ní raibh hiodrálach ar bith uirthi. Muintir PJ Doherty an chéad dhream sa pharóiste a thosaigh ag treabh le tarracóir. Dá réir a chéile ansin thosaigh daoine eile a n-úsáid. Bhí Brianaí é féin ag treabh talaimh do dhaoine fosta.
Feirmeacha	An obair a bhí a dhéanamh aige idir obair an earraigh agus obair an gheimhridh, cur síos ar sin, bhí sé ag treabh, bhí sé i mBun an Inbhir ag déanamh slipway leis an tarracóir. Bhí obair mhóna, obair féir agus préataí a dhéanamh fosta aige. Bhí carr ag Brianaí fosta agus bhí sé ag reáchtáil tacsaí do mhuintir na háite. Bhí mionbhus aige agus bhí go leor custaim aige. Bhí na bealaí i bhfad níos measa san am sin ná mar atá anois.

**Catagóir: Cluichí agus Caitheamh Aimsire**
Fochatagóir	Cur Síos
Peil	Foireann peil Finn Harps, na himreoirí a bhí acu agus na cluichí a théadh siad chucu. Théadh sé go Baile Átha Cliath fosta le lóid nuair a bhíodh Dún na nGall ag imirt.

Theme by Danetsoft and Danang Probo Sayekti inspired by Maksimer