Sonraí an Agallaimh

Ainm:	Seán Ó Beirn
Áit Chónaithe:	Cluain Báire, An Fál Carrach, An Fál Carrach, Cloch Cheann Fhaola.
Áit Dúchais:	Cluain Báire

Dáta

Bailitheoir

sdgsdg

13/07/2007

Dónall Dinny Ó Gallachóir

09/07/2007

Dónall Dinny Ó Gallachóir

02/07/2007

Dónall Dinny Ó Gallachóir

04/07/2007

Dónall Dinny Ó Gallachóir

**Catagóir: An Pobal**
Fochatagóir	Cur Síos
Spailpíní	Droichead na nDeor. An áit ar bhealach na Mucaise agus is anseo a scaradh daoine agus iad ag dul ar imirce. Philleadh an chuid eile den teaghlach as sin ar ais arís agus d’imíodh na daoine ag cuardach oibre ar an Lagán ná in Albain agus srl. Tá leac anois san áit sin i gcuimhneachán na ndaoine a d’imigh, cuid acu nár phill ariamh.
Spailpíní	Bhí sé anonn agus anall go hAlbain ar feadh na blianta. Chaith sé seal ansin ag obair ina an Clyde Tunnel. Bhí timpiste ansin aige. Bhí sé tamall san ospidéal i nGlaschú. Ina dhiaidh sin bhí sé ag tiomáint busanna i nGlaschú go dtí 1964. Pósadh ansin é.
Spailpíní	Bhog sé go Glaschú ag obair seal. Bhí sé sa bhaile tamall agus chuaigh sé ar ais go Fife, suas go bhfeicfeadh sé Jimmy. Mar a tharla sé Nollaig amháin gur bhuail sé féin i gcuideachta Jimmy i dteach an phobail don Aifreann mar nach raibh cór ar bith ag an tsagart. Nuair a phill sé na bhaile i ndiaidh tamaill, bhí an bosca leis agus choinnigh sé ag buaileadh tamall go dtí gur bhfuair Jimmy bás.
An Teaghlach	Fear a bhí sa cheantar as Seattle a dúirt gur as Contae an Chláir a dhaoine ó dhúchas. Chuaigh sé ag lorg eolais agus fuair sé amach go raibh an ceart aige.
Spailpíní	Cailleadh uncail de Sheán sa chéad chogadh. Chuaigh sé anonn go hAlbain le cois cuid mhór eile san am le oibriú ar na feirmeacha, “Foxfalls” ab ainm don fheirm a bhí uncail Sheáin air, Jimmy a bhí air. Tógadh Jimmy i gcuideachta triúr eile as Árainn Mór as na botaí a bhí siad ina gcodladh ann oíche amháin agus cuireadh isteach in airm na Sasanach iad le cois cuid mhór Éireannaigh eile, bhí coinscríobh i bhfeidhm san am, cuireadh anonn na Fraince iad. Gortaíodh Jimmy nuair a bhí an cogadh beagnach a bheith thart, D-Day, agus cuireadh isteach in otharlann in Portsmouth é. Cuireadh ó sin go Dún Éadan é agus bhí sé ina chónaí i mbaile (retired home) do shaighdiúirí gortaithe. I ndiaidh roinnt ama, tháinig sé na bhaile agus bhí cónaí air i dteach beag ceann tuí. Bhí cúpla deirfiúr aige a fuair bás tobann, bhí beirt deartháir aige fosta atá curtha i mBaile an Teampaill. Bhí am crua ag Jimmy, bhí tromluithe aige faoin am a chaith sé sa chogadh. D’fhan sé sa bhaile cúpla mí san am sin agus in 1946, shocair Jimmy imeacht anonn arís. Fuair sé bás i nDún Éadan in 1947. Fuair Seán agus a theaghlach scéala óna garda ar dtús go raibh sé marbh agus ansin cuireadh teileagram go oifig an phoist ar an Fhál Carrach le socruithe an tórraimh a dhéanamh. Ní bhfuair Seán agus an teaghlach an scéala go raibh sé ro-mhall agus cuireadh Jimmy thall in uaigh bhochtán, “pauper’s grave”. Rinne Seán iarracht fáil amach c’áit atá Jimmy curtha nó bhí sé ar intinn aige é a thabhairt na bhaile ach níor éirigh leis ariamh é a fháil.
Tiarnaí Talaimh agus Tionóntaí	Teach Bhaile Chonaill agus an Tiarna Olphart. Scéal faoi oíche amháin nuair a bhí sé óg nuair a chuaigh sé féin agus grúpa cairde síos ag goid úlla. Chonaic an fear a d’fhág siad ag faire taibhse John Olphart, dúirt sé go raibh sé ina sheasamh ag a thaobh agus bhí sé ábalta inse dóibh go díreach caidé a bhí sé cosúil leis. Tá John Olphart curtha lena dhá mhadadh i mBaile Chonaill. Scéal eile faoi fhear eile a bhí i mBaile Chonaill, bhí sé ag obair mar fhear faire agus dúirt sé gur iomaí uair a chonaic sé taibhse John Olphart, go háirithe sa tsean pháirt den fhoirgneamh san áit ina raibh a sheomra leapa agus an teach pobail i mBaile Chonaill.
An Teaghlach	Nuair a bhí sé thart ar 5 bliana d’aois, ghlac cúpla as Baile Átha Cliath, Fairbrothers, ar uchtú ó Dhílleachtacht Naomh Phádraig é. San am sin bhí an rialtas ag díol airgead sa tseachtain le daoine a d’uchtaíodh páistí ar feadh cúpla bliain sular mbíodh siad glactha go hiomlán. Bhí “adoption” agus ansin “transfer” dá mbíodh na daoine ag iarraidh an páiste a choinneáil. Tugadh go 14 Sráid Seambrach (Chamber Street) i mBaile Átha Cliath é. A chur síos ar an eispéireas. Bhí sé ansin tamall agus tugadh ar ais go Dílleachtacht Naomh Phádraig é.
Tiarnaí Talaimh agus Tionóntaí	Fuair John Olphart bás in 1901 ach is iomaí scéal a bhí ann fá dtaobh de. Bhí sagart ar an Fhál Carrach san am a bhí ag iarraidh píosa talaimh lena theach pobail a thógáil air ach ní bhéarfadh John Olphart, an tiarna talún, do é. Deirtear gur úsáid an sagart cumhacht de chineál inteacht air agus go raibh an tOlphartach faoi gheasa aige, ní raibh an tOlphartach ábalta fáil amach as an trap a bhí leis. B’éigean dona bhean céile fear a thabhairt léi as Baile Chonaill a labhair leis an sagart, Cannon ab ainm don fhear seo. Thóg an sagart an gheis nuair a gheall an tOlphartach an píosa talaimh de a bhí de dhíobháil air.
An Teaghlach	A óige, tugadh ó Bhaile Átha Cliath é nuair a bhí sé 5 bliana d’aois agus tógadh i gCluain Báire é. Bhí a thuismitheoirí, Seán agus Síle Ó Gallchóir, iontach maith do. Tá cuimhne aige ar an lá a tugadh an Fhál Carraigh é. Shocair sé go breá agus chuaigh sé ar an scoil i Mín Doire, ní raibh Gaeilge ar bith aige agus Gaeilge uilig a bhí ar an scoil. Bhítí ag gáire faoi nuair a chluin siad an chanúint a bhí aige. San am sin thagadh veain thart ag tabhairt aráin dóibh. Tá na daoine a bhí ar an scoil leis scaipthe thart fríd an domhain anois.
Gaol Sóisialta agus Teaghlaigh	Mar a tugadh go Dún na nGall é, a chuimhne ar sin uilig. Chuidigh an sagart paróiste, Sagart Mac Lochlainn ar an Fhál Carrach leo é a uchtú. Cur síos ar seo uilig agus an turas a chuaigh sé air nuair a thóg bean ón dílleachtacht é, thug sí go dtí an stáisiún traenach é, tugadh go Béal Feirste agus go Leitir Ceanainn é agus ó sin go Cluain Báire. A chuimhne ar na daoine agus ar áit agus ar an eispéireas sin.
Tiarnaí Talaimh agus Tionóntaí	Ní raibh an tOlphartach maith dona hoibrithe ach bean iontach dheas a bhí ina bhean. Sluaistí agus spáda uilig a bhí acu leis na cuibhrinn a bhí le rómhair a oibriú i lár ha hoíche. Mar a roinn sé na píosaí talaimh ar na hoibrithe in áit iad a dhíol.
Tiarnaí Talaimh agus Tionóntaí	Deirtí fosta go raibh deirfiúr den Olphartach ar an eastát chomh maith, bhí sí míchumasach. Fuarthas uaigh le gairid nuair a bhítí ag déanamh obair ar an talamh, meastar gur sin an áit inár cuireadh í.
Spailpíní	Shocair sé imeacht go hAlbain. B’as Árainn Mór a mháthair agus bhí cara léi, Cathal Ó Domhnaill, ina cheann urra ar na hoibreacha nó ar na squads a bhí ag gabháil go hAlbain san am ag toghadh phreátaí. Scríobh Seán chuige agus rinneadh socruithe do le himeacht nuair a bhí sé 14 bliana d’aois. Díoladh a phasáiste do. Thug a mhuintir 10 scilling do. Chuaigh scaifte acu ar an “Swilly” bus ón Fhál Carrach go Doire. Chuir sé iontas iontach sna tithe móra a bhí le feiceáil i nDoire. Fuair siad an bád ó Dhoire go Glaschú. Cur síos ar an bhád, bhí sí garbh go leor. Tugadh ar leoraí mhór go Girvan, Ayrshire iad go campa. Leaba cocháin agus dhá bhlaincéad a bhí aige. Cur síos ar an lá sin a shroich sé thall agus an t-am a chaith sé ann. Thosaigh sé ag obair ar an leath i ndiaidh an dó ar maidin mar go raibh na préataí le himeacht go Glaschú don 7 a chlog ar mhaidin. Cur síos ar an obair a rinne sé. Bhí obair chrua ann. Chuaigh sé go Girvan ar an bhus don Aifreann De Domhnaigh. Pá £2 sa tseachtain a bhí aige agus bhí bean an tí le díol as sin. Bhí sé ábalta airgead a shábháil.
Gaol Sóisialta agus Teaghlaigh	Ó Gallchóir a b’ainm don mhuintir a thóg é. Bhí siad iontach maith do ach mothaíonn sé gur chaill sé amach ar an ghrá a bheadh le fáil óna mháthair.
Spailpíní	Ag gabháil ar ais an darna agus an tríú bliain go Albain, ag fuáil malaí dona préataí agus ag lódáil na leoraithe a bhí sé. Bhí oíche gharbh aige Nollaig amháin agus é ag teacht anall na bhaile ar an bhád. Bhí fear amháin a thit thar an taobh. Bhí an t-uisce isteach ar an bhád fosta. Mhionnaigh sé an oíche sin nach rachadh sé ar an bhád sin arís. Ina dhiaidh sin chuaigh sé bealach Bhéal Feirste. Bhí amanna maithe acu chomh maith le droch amanna.
An Teaghlach	Nuair a bhí sé 16 bliana d’aois, dár leis gur mhaith leis fáil amach c’áit ar tháinig sé as. I ndiaidh blianta ag fiosrú agus ag scríobh ag a chéile, casadh a mháthair fola air in Luimneach in 1968. Casadh ar a chéile iad in stáisiún traenach. D’inis sí do gur pósadh ar a athair í ach maraíodh thall in Londain é. Bhí deartháir eile, Tony, aige fosta.
An Teaghlach	In 1975 fuair a mháthair bás tobann. Tá lúcháir air gur casadh air í agus gur labhair sé léi. Tá a dheartháir pósta anois le teaghlach agus téann Seán síos go minic go Luimneach ar cuairt. Téann sé go Ciarraí fosta agus tugann sé cuairt ar a huaigh. Thug sé cuairt fosta ar an dílleachtacht i mBaile an Mhuilinn (Milltown), an áit a cuireadh isteach ann ar dtús é.
Bochtaineacht agus Saibhreas	Bhí achan duine bocht san am. Sa bhaile ar an Fhál carrach, bhí oiread daoine ag imeacht, ní raibh airgead ná obair ar bith acu. Is cuimhin leis na mná ag siúl na bhaile le bascaeid uibheacha le díol agus seálta orthu. Bhí siad uilig ag siúl san am agus bhí na earraí uilig le iompar. Ní raibh carranna ar bith acu. Bhí am crua acu san am sin. Ní raibh teilifís ná meaisíní níocháin acu, bhí obair chrua le déanamh ag na mná fosta. Ní raibh ach seomra amháin in léir de na tithe. Bealaí portaigh a bhí acu, ní raibh tarra ar bith san am. Ach bhí na daoine iontach maith. A chuimhne ar an am nuair a bhí sé ag fás aníos agus a thuismitheoirí ag obair. Dinnéar phreátaí, ime agus cupa bainne bó a bhíodh aige. Bhíodh na daoine beo as an talamh san am sin. Dar leis go bhfuil athrach iontach ar achan rud anois, obair agus daoine.

**Catagóir: An Duine**
Fochatagóir	Cur Síos
Comparáidí idir na Glúnta	Ní raibh Seán amaideach i rith a shaoil, bhí meas aige ar na rudaí a bhí aige.

**Catagóir: Nósanna agus Piseoga**
Fochatagóir	Cur Síos
Sean agus Nua	Níor cheart dearmad a dhéanamh den tsean-am, de na seannósanna agus dár sinsear. Cuibhreann atá ag a thaobh, deireadh a athair go raibh na sióga ann agus ní ligeadh a athair do na clocha a bhí ann a thógáil, foscadh do na sióga a dúirt sé a bhí ann. Scéal faoi oíche amháin a bhí Seán ag teacht fríd an chuibhrinn ar a rothar agus nuair a bhí sé ag dul thart leis an chreig, chonaic se solas iontach geal, chuir sé eagla air agus chaith sé an rothar uaidh. Rith sé na bhaile agus dúirt a mháthair leis nár cheart do riamh a theacht fríd an chuibhreann sin. Scéal eile faoi fhir a chuaigh isteach ag baint na creige le meaisín, d’iarr Seán orthu an chreig a fhágáil ach dúirt siad nár chreid siad i bpisreoga. Thit sé tinn ina dhiaidh sin. Áit eile ar an bhealach amach go Droichead na nDeor, Fairy Glen a thugtar air. Thóg fear lód clocha ag taobh an abhainn ansin, áit a bhí ina fhoscadh ag na leipreacháin. Casadh fear eile air a d’iarr air gan a dhul chóir na gcloch as siocair na leipreacháin a bhí a n-úsáid mar fhoscadh. Níor chreid sé é, thóg sé leis cúpla lód agus chuir i ndúshraith an tí iad. Chonaic Seán é féin an fear ina dhiaidh sin agus bhí craiceann thart ar a shúile tarraingthe síos uilig, bhí cuma iontach air.

**Catagóir: Stairsheanchas**
Fochatagóir	Cur Síos
Stair an Teaghlaigh	Rugadh é ar 5 Bealtaine 1936, a chuimhne ar a óige. As Baile an Bhuinneánaigh i gCiarraí a mháthair agus as Lios Tuathail a athair, gabha a bhí ann. Bhí col ceathar de Sheán ina shagart paróiste i dTiobráid Árainn agus bhí cúpla aintín de sna mná rialta. Nuair a bhí a mháthair ag dréim le Seán, níor glacadh leis agus nuair a rugadh an leanbh tugadh uirthi an leanbh a chur i ndílleachtlann i mBaile an Mhuilinn (Milltown) i gCiarraí agus thiocfadh léi é a fheiceáil ó am go ham, b’éigean dóibh díol ar a shon leis an leanbh a choinneáil. Stad siad ag díol an airgid agus cuireadh Seán ar aghaidh go Baile Átha Cliath go Dílleachtacht Naomh Phádraig (Saint Patrick’s). A chuimhne ar an am sin le linn an chogaidh i 1939 agus na haer-ruathair (air raid) ag dul ar aghaidh, iad ag gabháil isteach i bhfoscadán aer-ruathair ar fhoscadh nuair a bhí sé ina pháiste agus eagla air. Bhí sé breá socruithe ansin, sin an t-aon baile a bhí aithne aige air.
Díshealbhuithe Áitiúla	Díshealbhú a rinne an tOlphartach. Teaghlach i mBaile an Easa a bhí bocht nach raibh ábalta cuidiú leis an fhómhair mar go raibh a bhean tinn, cuireadh amach as a theach ceann tuí é féin agus a pháistí agus dódh an teach orthu.
Imirce	Bhí léir de mhuintir Dhún na nGall pósta agus ina gcónaí thall i nGlaschú agus chuireadh siad fáilte mhaith roimh iad siúd ag gabháil anonn. Chuireadh sé cuid mhaith acu ar a gcosa ó thaobh lóistín, airgead agus obair. Fuair sé obair thógála in “Rutherglen”. D’fhan sé ansin bliain, bhí an t-airgead maith, £13-£14 sa tseachtain, ag tarráil lánaí agus srl a bhí sé ag déanamh. Bhí an obair crua ach bhí sult aige ann. Bhí sé thart ar 18 bliana d’aois thart fan am sin.
Daoine Aitheanta go hÁitiúil	Mar a casadh an boscadóir clúiteach ar Sheán nuair a bhí sé ina chónaí in Fife. Bhí Seán ag obair in Cupar in Fife roimh na seascaidí. Chuala sé iomrá ar Jimmy Shand. Casadh air é lá amháin agus é amuigh ag siúl. Bhí cónaí ar Sheán san am ag a chol ceathrar agus bhí Jimmy ina chónaí lena theaghlach suas an bealach mór uaidh. Bhí ceolchoirm Andy Stewart ann oíche amháin a chuaigh siad uilig aige, bhí Jimmy Shand ansin fosta.

**Catagóir: Am agus Féilte**
Fochatagóir	Cur Síos
Oíche Fhéile Bríde	Oíche Fheil Bríde agus na nósanna a bhí ann. Bhíodh craic amach acu an oíche sin, bhíodh sé féin agus cúpla cara leis amuigh an oíche sin. Bhí seanbhean ar an bhaile a bhíodh ag an doras ag déanamh bruitíní agus an rógaireacht a bhíodh ar siúl acu. Chaith siad tornapa sa phota uirthi agus bhain siad an croí aisti. Bhí teaghlach eile a chuireadh bratóg amach ar chrann, bhí na buachaillí ag dul thart agus thug siad leo an bhratóg. Laethanta ina dhiaidh sin bhí siad ag éisteacht leis na scéalta a bhí ag dul thart faoin bhratóg a d’imigh.

**Catagóir: An Ealaín Bhéil**
Fochatagóir	Cur Síos
Amhránaíocht	Oíche Fheil Eoin. A chuimhní ar amuigh ag cruinniú ábhair do thine Fheil Eoin don bhaile. Bhíodh comórtas idir na bailte cé a bheadh an tine is mó acu. Bhíodh scaifte mór amuigh an oíche sin cruinnithe thart ar an tine. Measann sé gur mór an trua an nós seo a bheith ag imeacht mar atá. Bhíodh an chraic maith acu agus bhíodh corr toitín acu fosta. Chruinnigh an nós seo na daoine thart. Bhíodh siad amuigh sna mummers fosta, seachtain roimh na Nollag, chruinníodh siad cúpla scilling. Théadh siad go dtí tithe céanna corr uair, cóirithe go héagsúla ar a rothair. Bhíodh amhráin bheaga agus scéalta beaga acu le rá. Chuaigh siad amach na Chraoslaigh bliain amháin ach chuir buachaillí an Chraoslaigh an tóir orthu. Tá seo athruithe go mór anois, tá na daoine óga ina seasamh thart gan a dhath le déanamh, níl obair ar bith acu agus tá na nósanna caillte.
Logainmneacha	Logainmneacha: Mar a fuair an áit an Cheathrú Cheanainn a ainm, ón fhear Cannon a chuidigh leis an Olphartach an lá a bhí sé faoi gheasa an tsagairt. Mar a fuair an Dún Mhór a ainm, baile beag a bhí ann taobh amuigh de theach Bhaile Chonaill agus rinne na daoine tuilleadh talaimh a fháil ón Olphartach sa dóigh go dtiocfadh leo tuilleadh daoine a thabhairt isteach agus spréigh an baile. Mar a fuair Cluain Báire a ainm. Fadó, ní raibh mórán caitheamh aimsire acu agus bhí sé deacair liathróid a fháil, chaitheadh siad féin rudaí a dhéanamh. Bhí deacrachtaí acu ainm a fháil don bhaile ar eagla go ndéanadh siad cion ar dhuine ar bith. D’ainmnigh Meiriceánach é lá amháin agus é ag amharc orthu ag imirt peile. Cluain Báire; “The Centre of Football”
Logainmneacha	Logainmneacha: Mar a fuair Baile an Teampaill agus Tulacha Beigile a ainm. Bhí teampall agus reilig ansin. Bhítí ag iompar coirp as Gaoth Dobhair, an Chlochán Liath, Dún Fionnachaidh agus Cloich Cheann Fhaola le cur sa reilig i mBaile an Teampaill sula raibh reiligí sna paróistí sin. Ní raibh go leor spáis ann sa deireadh agus bhí na daoine iad féin ag tabhairt leo tuilleadh créafóige le cur sa reilig nuair a bhítí ag cur duine. Scéal Chnoc na Naomh; Colm Cille, Beiglíoch agus Fionnán ag caitheamh a mbachall. Chuaigh ceann Cholm Cille go Toraigh, ceann Fhionnán go Oirear Dhumhaí agus ceann Bheiglíoch go Baile an Teampaill.

**Catagóir: Taisteal agus Gnó**
Fochatagóir	Cur Síos
Aontaí	Bhíodh sé ar an Aifreann agus bhíodh sé ag feiceáil na daoine ag teacht na bhaile as Albain agus ó áiteanna eile agus iad gléasta go deas, rothair leo agus srl. Chuaigh sé amach ag an Raibeal i Leitir Ceanainn le fear as an bhaile, bhí sé 14 bliana d’aois ag an am. Ní raibh dúil aige ann, dar leis go raibh na páistí cosúil le ainmhithe a bhí le díol ag an aonach. Páistí bochta a bhí ann. Thógtaí iad ar feadh 3 nó 6 mhí freastail. Pá de £2 a bhí ar 3 mhí agus £4 ar feadh 6 mhí. Níor imigh Seán le duine ar bith, tháinig sé na bhaile arís.
Aontaí	Ag gabháil na scoile i Mín Doire ag siúl. Ní raibh Gaeilge ar bith ag Seán. Bhí mála aige a fuair bean an tí ar an aonach ar an Fhál Carrach. Rinneadh beag de as ucht blas a chuid cainte. Chuir sin isteach go mór air. Bhí fuath aige ar an scoil go dtí go raibh sé ábalta an teanga a thuigbhéil. Dá réir ama fuair sé amach go raibh cúpla duine eile ar an scoil a bhí uchtaithe fosta, thug seo uchtach daofa. “Homeboys” a tugadh orthu.

Theme by Danetsoft and Danang Probo Sayekti inspired by Maksimer