Sonraí an Agallaimh

Ainm:	Antoin Mac Pháidín
Áit Chónaithe:	Mín Doire, An Fál Carrach, An Fál Carrach, Leitir Ceanainn.
Áit Dúchais:	Mín Doire, An Fál Carrach

Dáta

Bailitheoir

sdgsdg

21/06/2007

Dónall Dinny Ó Gallachóir

**Catagóir: Ceirdeanna agus Cothú an Tí**
Fochatagóir	Cur Síos
Móin	Ina dhiaidh sin phill sé na bhaile agus d’oibir sé leis an Chomhairle Contae ar scéim bhaint na móna. Cur síos ar a am ansin agus an obair a bhí aige. Bhí cuid mhaith den teaghlach ar an scéim fosta. Bhí cuid mhór oibre a dhéanamh ag a mháthair idir cócaireacht agus cniotáil. Ba saol crua oibre a bhí ann.
Ainmhithe, Beithígh agus Eallach	Ní raibh talamh ar bith le teach an gheafta ach ghlac a athair talamh ar cíos agus choinnigh siad cúpla ceann eallaigh.
Iascaireacht	Bhí an teaghlach uilig scaipthe. B’annamh iad uilig le chéile sa teach ag an am amháin. De réir mar a d’fhás siad suas, bhí siad ag imeacht ar fhostach i dTír Eoghain ag ceithre bliana déag. Chuaigh sé chuig an Raibeal i Leitir Ceanainn ar dtús. Obair feirmeoireachta a bhí aige. Bhí an feirmeoir maith do, bhí leaba agus a sháith bia aige. Chaith sé 9 mí ansin. Bhíodh sé ag iascaireacht bradán leis an fheirmeoir fosta.

**Catagóir: Stairsheanchas**
Fochatagóir	Cur Síos
Imirce	Albain:- d’imigh sé go hAlbain ag ocht mbliana déag ag obair feirmeoireachta, obair thógála agus na tolláin. Ní raibh obair ar bith sa bhaile san am sin. D’imigh sé leis féin ach bhí a dheirfiúr ag obair ar fheirm agus fuair sé obair ansin. Feirm galánta mór a bhí ann in aice Dunbar.
Stair an Teaghlaigh	Tá Antoin muinteartha don Athair Mór Mac Pháidín a bhí i nGort An Choirce agus fosta don tAthair Mhic Pháidín a bhí i nGaoth Dobhair.

**Catagóir: Taisteal agus Gnó**
Fochatagóir	Cur Síos
Iompar Nua-Aimseartha	An obair a bhí ag a athair agus é ag obair i dteach an gheafta. Théadh sé ar an traein a fhad leis an Chraoslach agus Ailt an Chorráin. Bhíodh na ráillí aige le hamharc ina ndiaidh.
Iompar Nua-Aimseartha	A chuimhne ar an mhóin ag imeacht ar an traein as Mín Doire Dé Domhnaigh, thagadh an mhóin go Mín Doire ar bheithígh agus ar charranna i rith na seachtaine.
Iompar Nua-Aimseartha	Traein gaile a bhí inti agus bhí tanc mór uisce ar an Chraoslach fá na coinne.
Iompar Nua-Aimseartha	Is iomaí uair a chuaigh sé ar an traein amach ‘un Chraoslaigh. Bhí a dhá mháthair mhór ina gcónaí ar an Chraoslach agus a chuimhne ar na laethanta saoire a chaith an teaghlach ar an Chraoslach.

**Catagóir: An Pobal**
Fochatagóir	Cur Síos
An Teaghlach	Rugadh agus tógadh Antoin ar an Chraoslach go dtí go raibh sé cúig bliana d’aois. Bhí a athair ag obair ar an traein agus bhog siad isteach go Mín Doire agus chónaí sé i dteach an gheafta i Mín Doire (tógadh an teach thart ar 1903). Déanann Antoin cur síos mhaith ar a shaol i dteach an gheafta agus a chuimhne ar an traein amach go Baile Suingean (Saint Johnston). Ní raibh Gaeilge ar bith ag Antoin nuair a bhog siad go Mín Doire ar dtús. Chuaigh sé ar scoil Mhín Doire agus Gaeilge uilig a bhí ansin.
Obair	Nuair a d’fhág sé an fheirm sin chaith sé tamall mar gharraíodóir ag mainistir in Musselborough.
Obair	Ina dhiaidh sin chaith sé tamall ag obair le Oibreacha Poiblí i mbaile beag agus bhí siad ag stopadh i gcarbháin.
Obair	Ina dhiaidh sin, chaith sé cúpla bliain ag obair ar na busanna i nGlaschú, sé mhí mar chonduchtaire agus ansin b’éigean do foghlaim leis an bus a thiomáin. Bhain sé a sháith suilt as sin. Bhí aithne mhaith aige ar shráideanna Ghlaschú an t-am sin. Bhí trioblóid go leor idir Celtic agus Rangers san am le linn na gcluichí peile ach ní raibh mórán trioblóide ag Antoin leo ar na busanna.
Obair	Chuaigh sé go tuaisceart na hAlban ansin ag obair sna tolláin. Bhí obair chrua ansin agus bhí campaí móra ann, bhí léir fir ag obair ansin. Bhíodh se fuar sa gheimhreadh.

Theme by Danetsoft and Danang Probo Sayekti inspired by Maksimer