Iascaireacht. Ní dhearna Éamonn é féin mórán iascaireachta ach chaith sé trí bliana amuigh le fear as an oileán. Bhíodh siad ag iascaireacht bradáin ar na Dúnaibh. Níl mórán ag iascaireacht anois.

Fad: 00:02:12 Éist

---

Báid síodh á bhfeiceáil ag iascairí Thoraí. Scéal beag fá thrup a chuala sé agus é ag cur amach slata mara.

Fad: 00:03:55 Éist

---

Méid an bháid ar thosaigh sé ag iascaireacht uirthi ar dtús. Peter Shovelin as na Dúnaibh a thóg an bád. (Tá eolas tógtha uaidh seo ag Dónalll, ID 127).

Fad: 00:02:16 Éist

---

A chuimhne ar am an chogaidh, ina chónaí ar an oileán agus ag feiceáil na conbhuanna ag dul thart ar chúl an oileáin. An Soitheach Mór ‘An Wasp’ agus an scéal mar a cailleadh í ar na creagacha i gcúl theach an tsolais nuair a cuireadh an solas as. Tá scéal eile a deir go bhfuil cloch mallachta i dToraigh agus gur thiontaigh lucht an oileáin cloch na mallachta ar an ‘Wasp.’ Deirtear go bhfuil an chloch sin curtha sa reilig ar an oileán. Cuireadh cuid acu istigh ar an oileán. Tá léir daoine a bádh i rith an chogaidh curtha i dToraigh.

Fad: 00:04:36 Éist

---

Staid na mbealaí agus an ché ar an oileán. Tá go leor oibre ag dul ar aghaidh faoi láthair ann.

Fad: 00:00:59 Éist

---

Mar a bhuail sé suas lena bhean chéile i dteach faire, lá ceoil agus damhsa a bhí acu an lá a pósadh iad.

Fad: 00:02:35 Éist

---

A chuimhne ar dhul na scoile ar an oileán. Bhí fuath aige ar an scoil mar go raibh an múinteoir tugtha de bhualadh. Ní bhfuair Éamonn an dá phunta, mar go raibh sé ag cailleadh barraíocht ama ón scoil.

Fad: 00:05:30 Éist

---

Fostach ar oileán Ghabhla ar chuig phunta - sé mhí. Chaith sé dhá shéasúir i nGabhla. Bhí siad go maith dó. Bhí sé ag buachailleacht agus ag déanamh obair mhóna agus mar sin.

Fad: 00:04:47 Éist

---

Chuaigh sé amach an rablaigh in Leitir Ceanainn agus fostaíodh Éamonn i dTír Eoghain ar an Lagán. Fuair sé pá de fhiche punta ar sé mhí.

Fad: 00:03:52 Éist

---

Dar le hÉamonn go mbeidh daoine i dToraigh go brách. Tá cuidiú faighte acu agus tá an áit níos fearr ná mar a bhí. Dá mbeadh obair ag na daoine óga anois, phósadh siad agus bheadh páistí acu. Tá scoil ar an oileán fá na gcoinne.

Fad: 00:01:01 Éist

---

An saol mar a bhí nuair a bhí Éamonn ag éirigh aníos ar an oileán. “Bhí saol maith ag lucht an oileáin.” Tá athrach mór ar shaol an oileáin ó shin. Bhí bia agus ainmhithe acu féin agus ní raibh feidhm dóibh a dhul amach go tír mór iontach minic. Bhí cúpla siopa istigh fosta, thugadh na báid isteach stór tae, plúr agus siúcra sa gheimhreadh, bhí an chuid eile acu féin. Bhí móin bainte acu féin fosta.

Fad: 00:03:58 Éist

---

Ag fágáil an oileáin: Bhí an t-oileán garbh agus bhíodh eagla ar dhaoine roimh an fharraige mhór. D’fhág cúpla teaghlach an t-oileán agus bhog siad amach go tír mór a chónaí sna tithe a thóg an Comhairle Contae ar an Fhál Carrach (Crois Bhealaí). Tháinig cúig theaghlach amach sna seachtóidí.

Fad: 00:05:16 Éist

---

Bhí nós acu Rí Thoraí a bheith acu ar an oileán - Páidí Beag Ó hOireachtaigh.

Fad: 00:01:42 Éist

---

D’imigh sé go hAlbain ag feirmeoireacht agus ag sábháil an fhómhair ar £3-10 sa tseachtain. D’imigh sé i gcuideachta le fear eile. In Berwick on Tweed a bhí sé.

Fad: 00:03:55 Éist

---

Ina dhiaidh sin chaith sé bliain ag obair in muileann páipéir in Fifeshire lena cholceathrar. Bhí pá mhaith ansin.

Fad: 00:00:54 Éist

---

Colm Cille i dToraigh agus mar a chuir sé deireadh leis na luchóga móra. Créafóg Thoraí le réiteach leis na luchóga móra: Is é an fear is sine de chlann Uí Dhuagáin a thig an chréafóg a thógáil. Iarr an chréafóg ar ‘Gheall ar Dhia’ ach caithfidh tú dóchas a bheith agat sa chréafóg.

Fad: 00:04:16 Éist

---

Caitheamh Aimsire: - ragaireacht, glagaireacht agus damhsaí. Bhíodh siad amuigh ar an bhealach mór san oíche ag ceol. Bhíodh damhsaí sa teach scoile.

Fad: 00:01:20 Éist

---