Tá a teach cónaí cúpla céad bliain d’aois, teach cionn tuí a bhí ann ar dtús báire. Bhí crochadh os cionn na tine agus leacacha ar an urlár. Bhí leaba sa chistín agus chuireadh siad pota na bpréataí amach ar an lasaoid, bhí cuid de déanta as adhmad agus saileog. A cuimhne ar an teaghlach ina suí ar an urlár ag ithe a ndinnéir, na préataí, bainne agus salainn. Bhíodh scadán caoch acu fosta. A cuimhne ar sheanbhean a bhí ina cónaí ag a dtaobh agus bhíodh an bhó sa teach léi fosta. Bhíodh cearca sa teach fosta. Bhí uibheacha acu féin agus dhíoladh siad sa tsiopa nó cheannaíodh siad a gcuid earraí le luach na n-uibheacha.

Fad: 00:03:53 Éist

---

Bhí léir oibre le déanamh, bhí sí féin ag cniotáil do na Cinnéidí in Ard an Rátha ag cniotáil geansaithe. Bhí thart ar 7 scilling ar gheansaí mór fada. Bhíodh a máthair ag cniotáil fosta. Bhí an saol bocht go leor san am, ní raibh mórán airgid ag duine ar bith agus bhí léir ag imeacht thar sáile ar imirce. Ní raibh na mná ag fáil airgead ar bith ach cibé a shaothraigh siad ag cniotáil.

Fad: 00:02:40 Éist

---

Aonach an Chlochán Liath agus Aonach Bhaile na Carraige agus Aonach Bhaile na Finne. Shiúladh siad chucu. Théadh a hathair acu uilig trasna an chnoic, aicearra a bhí ann. Is iomaí uair a bhíodh sí fein acu fosta.

Fad: 00:00:47 Éist

---

D’imigh an chuid eile den teaghlach agus d’fhan Eibhlín sa bhaile. Tagann siad na bhaile go fóill as Meiriceá agus mar sin ar saoire.

Fad: 00:01:01 Éist

---

An caitheamh aimsire atá aici anois. Bíonn sí ag léamh, ag siúl agus ag cuartaíocht. Tá dúil aici sa léamh. Bhí sí maith ag léamh agus ag scríobh ar an scoil ach ní raibh sí maith ag uimhríocht. Ní raibh siad ag fanacht ar an scoil. Ní raibh Eibhlín í féin ar fhostach ach bhí a máthair ar an Lagán agus bhí am crua aici.

Fad: 00:02:17 Éist

---

Tá athrach mór ar rudaí anois. Tá an saol níos fearr ach níl na daoine go nádúrtha nó go carthanach agus a bhí. Bhíodh na daoine i gcónaí ag cuidiú le chéile san am sin. Chaithfeá iad a dhíol anois. Tá meath ar an Ghaeilge fosta, níl an blas céanna uirthi níos mó.

Fad: 00:01:53 Éist

---

Míniú ar an ainm Doire Leac Chonaill. Rud beag seanchais faoi Naomh Conall, d’fhág sé lorg dhá uilinn agus glúine i leac agus tá altóir agus tobar ansin anois. Tá leigheas sa tobar. Tagann cuid mhór daoine ann sa tsamhradh. Chuala sí faoi dhaoine a fuair leigheas faithní ann. An dóigh leis an turas a dhéanamh; 7 gcloch agus 7 deichniúr den phaidrín. Téann tú thart ar an tobar 3 huaire agus le gach deichniúr ráite, caitheann tú cloch sa tobar. Ansin ag lorg na nglúine deir tú 7 Ár nAthair agus 7 Sé do Bheatha agus an Chré. Déantar an turas ar 15 Lúnasa, Lá Féile Muire Mór san Fhómhair ach thig é a dhéanamh am ar bith.

Fad: 00:02:18 Éist

---

Chuaigh sí ar scoil Dhoire Thanaí. Bhí thart ar 100 scolaire ann san am. D’fhag sí an scoil ag 14 bliana d’aois. Bhí sí sa bhaile agus bhí sí ag cniotáil, ag obair ar an fheirm, ag sábháil féir agus ag sábháil móna. Obair phreátaí agus obair tí. Bhí 5 sa teaghlach, d’imigh beirt deartháir léi go Sasana agus d’imigh a deirfiúr, Bríd, go Meiriceá ag 20 bliain d’aois. Bhí uaigneas uirthi i ndiaidh a deirfiúr, a cuimhne ar an oíche sular imigh sí.

Fad: 00:02:43 Éist

---

Sean scéal de chuid Sheáin Bán Mac Meanaman a léamh aici. Lanúin phósta Siobhán agus Seonaí.

Fad: 00:04:50 Éist

---

Seanfhocail agus sean-nósanna: luibheanna – caisearbhán don eallach. Bhíodh sí ar Raidió na Gaeltachta, Guí an Fhocail, ceisteanna ar na seanfhocail a bhí ann. Seanfhocail ag baint leis an choirce – strapanna le cur thart ar an chochán, tine sléibhe leis an fhéir a dhódh agus féar óg a thabhairt aníos dona caoraigh, folscaí. Bhí caoraigh ag gach duine san am.

Fad: 00:03:11 Éist

---

Caitheamh Aimsire – Ag siúl an bhealaigh mhóir agus ag airneáin. Ansin d’oscail halla ar na Dúchorraidh agus i mBaile na Finne agus bhí damhsaí ansin. Bhí deartháir di ag buaileadh sa bhanna ceoil i Litir.

Fad: 00:01:00 Éist

---