Bhíodh sí ag cniotáil do Chlann Dáibheid ar na Gleannta. Dhíoladh sí péire miotóg ar 2/6d agus geansaí ar £3.

Fad: 00:02:34 Éist

---

Shiúl Kitty na cnoic go minic i ndiaidh na gcaorach. Is minic a chaith sí oícheanta agus laethanta saoire na scoile fosta i gceantar na gCruach ag aintín di.

Fad: 00:01:49 Éist

---

Fuair a huncail bás in 1956 agus d’fhág sin Kitty leis an obair feirme. Níor fhág sí an baile ariamh agus bhí go leor dualgais uirthi. Bhí stoc mór eallaigh agus scór caorach acu. Is iomaí la a chuaigh sí go Aonach Bhaile na Finne ar an tríú lá den mhí. Bhíodh Kitty ag cuidiú lena daoine muinteartha ag déanamh tae. Bhain sí sult mór as.

Fad: 00:02:21 Éist

---

Rugadh agus tógadh Kitty in Srath na gCopóg go raibh sí 2 bhliain, bhog siad go Mín na Srón ar feadh cúig bliana agus ar ais go Srath na gCopóg arís le cónú lena huncail. Bhí a hathair ag obair i dTeach an Gheafta. A cuimhne ar an lá a fuair a hathair (Jimmy Ó Dochartaigh) bás. Bhíodh sé ag obair ar an bhóthar iarainn agus a shiúl achan mhaidin. Tá cuimhne mhaith aici ar teach an gheafta, ar an traein agus ar na dualgais a bhí ar a hathair.

Fad: 00:04:40 Éist

---

An muintearas atá fágtha aici anois, níl mórán acu ann.

Fad: 00:00:26 Éist

---

Chuaigh sí ar scoil Bhéal an Átha Mhóir, bhí dúil bhreá aici sa scoil. A cuimhne ar na blianta sin. D’fhan sí ar scoil go raibh sí sé bliana déag.

Fad: 00:02:24 Éist

---

Scéal beag faoi fháinne galánta atá Kitty a chaitheadh a fuair sí mar bhronntanas as gar a rinne sí do bhean a raibh a mac óg tinn. Nuair a d’fhás an gasúr suas, thug sé féin an fáinne di.

Fad: 00:01:44 Éist

---

Bhí leigheas ag a máthair fá choinne “Falann Saith” – leigheas croí a bhí aici, bhruitheadh sí seamair chapaill agus cúl faiche lena hól. Scéal faoi ghasúr beag a bhí tinn a rinne a máthair an leigheas do agus bhisigh sé. Dhéanadh sí suas buidéil as luibheanna a bhruitheadh sí. Bhí leigheas ag a deirfiúr fosta.

Fad: 00:03:52 Éist

---

Oícheanta airneáin an caitheamh aimsire a bhíodh acu gach oíche agus ní raibh uaigneas ar bith uirthi. Measann sí gur casadh taibhse a sean máistir uirthi oíche amháin ar an bhealach mór agus a chóta a iompar aige agus í ag dul ag airneáin. Níor scanraigh sí ariamh agus deirtear go bhfuil taibhse an mháistir Mícheál Ó Gallchóir le feiceáil go minic.

Fad: 00:03:06 Éist

---