Cur síos ar a hóige agus scéal fá mharbha muca agus Samhain. Cur síos ar an phróiseas uilig, mar a shailltí an mhuc agus dhéantaí mar an gcéanna le scadáin. Bhíodh a gcuid ime, uibheacha agus bia féin acu den chuid is mó.

Fad: 00:05:13 Éist

---

Fuair sí obair i nDún Lúiche i dteach an Dúin ag cócaireacht dona uaisle. Ba ag obair do Mhaor Cooper agus Lady Ruthvinn a bhí sí. Thiocfadh go leor uaisle ar cuairt cúpla uair sa bhliain agus bhíodh cuid mhór oibre le déanamh sa chistin. Bhíodh siad maith dona daoine thart sa cheantar. Chaith sí cúpla bliain ag obair ansin.

Fad: 00:06:27 Éist

---

D’imigh sí go Glaschú agus fuair sí obair ar na busanna mar bhanstiúrthóir agus chaith sí cúpla bliain ag an obair sin. Thosaigh sí ag saothrú £9 sa tseachtain agus bhí sí breá sásta le sin mar gur pá maith a bhí ann san am. Go leor scéalta aici faoin am a chaith sí ansin, rinne sí cúpla seachtain ar obair oíche agus chastaí go leor nach ndíoladh a mbealach. Chaill sí bosca ticéid am amháin ach fuarthas arís é, rud a shábháil cúpla mí pá di.

Fad: 00:11:22 Éist

---

Ina dhiaidh sin bhí sí ag obair “saving bank”, macasamhail bainc, ardoifig a bhí ann a tháinig as Londain go Glaschú. Bhí dúil aici ansin agus cheannaigh sí teach beag thall. Chaith sí blianta fada ag obair daofa go dtí gur phill sí na bhaile le amharc i ndiaidh a máthar. Bhí a deartháir tinn ina dhiaidh sin fosta.

Fad: 00:04:35 Éist

---

Aonach Ghort an Choirce ar an 6ú la den mhí, tá cuntas maith ag Mary anseo ar lá aonaigh agus an ceangal a bhí ag lá aonaigh le cleamhnas. As seo tháinig Aonach na nGáirí, Aonach na gCogarnach agus Aonach na Smuit, an míniú a bhí leis na hainmneacha seo. Ní bhíodh pósadh ar bith i rith an charghais.

Fad: 00:03:13 Éist

---

An cleamhnas agus an pósadh. Ní bhíodh daoine ar bith ag scaradh an t-am sin. Bhéarfadh an t-athair cruth/spré dona iníon nuair a bhíodh sí ag gabháil a phósadh. Bhíodh obair chrua ag na mná le déanamh an t-am sin agus bhíodh teaghlaigh mhóra san am sin, 12 ar an mheán. Bhíodh cuid de na fir ar shiúl ag obair in Albain.

Fad: 00:03:15 Éist

---