Thóg a muintir trí dhílleachta agus tachrán eile lena deirfiúr is sine, bhí siad go sona sásta cé na raibh morán de mhaoin an tsaoil acu. Bhí siad ar scoil an Tóir agus ní raibh bróga ar bith na scoile orthu i rith an tsamhraidh. Bhí am crua go leor ar an scoil acu.

Fad: 00:04:10 Éist

---

Chuaigh sí ar fostach cúpla mí nuair a d’fhág sí an scoil síos go teach an mháistir agus a bhean. Bhíodh sí ag bligh an eallaigh agus ag nigh an urláir, bhí bean an tí iontach sásta lena cuid oibre.

Fad: 00:00:57 Éist

---

Obair in Óstán Sherbrooke ar feadh fiche bliain. Bhíodh imreoirí as foireann Rangers istigh gach lá fá choinne a ndinnéar. Scéalta faoi na hamanna a bhíodh siad istigh.

Fad: 00:03:12 Éist

---

D’oibir sí fosta ar na “Trolley Buses” - £2.75 sa tseachtain ar feadh cúpla mí an pá a bhí aici. Dá mbíodh earráid déanta i gcuntas an airgid ag deireadh an lae, chaitheadh sí féin an difir a dhéanamh suas. Bhíodh sí ar shiúl ar a 5 a chlog ar maidin. Bhí droch thimpiste ansin lá amháin, maraíodh tachrán nuair a leag an bus é. D’fhág sí na busanna ina dhiaidh sin. Seal eile ag obair i mbácús.

Fad: 00:05:53 Éist

---

I ndiaidh di an Cúirt a fhágáil, chaith sí tamall sa bhaile sular imigh sí go hAlbain ag obair phreátaí ag sé bliana déag. Mar a chaith sí an t-am sin, tháinig sí na bhaile arís lena hathair nuair a d’éirigh sé tinn. Casadh Joe uirthi, chuaigh seisean anonn ag na préataí arís.

Fad: 00:03:49 Éist

---

D’imigh sí féin agus a fear céile, Joe go Glaschú. Pósadh iad nuair a bhí siad 23 nó 24 bliain d’aois. Pósadh a deartháir ar an lá céanna. Bhí bainis dúbailte acu. Nuair a bhí siad 50 bliain pósta, dúirt an sagart a pósadh iad Aifreann sa teach daofa. Chruinnigh an teaghlach uilig agus chodlaidh siad sa tseomra amháin an oíche sin agus ó shin ar a gcomóradh pósta, tagann an teaghlach uilig le chéile an oíche sin.

Fad: 00:07:16 Éist

---

Cheannaigh siad teach i nGlaschú. Cur síos ar sin. Bhí páistí acu agus bhí an teach beag. Bhí siad i dteach eile ansin. Rinne sí nóibhéine ag Naomh Antoin le teach a fháil agus tá dóchas mór aici sa nóibhéine.

Fad: 00:07:10 Éist

---

In 1943 chuaigh sí ó sin go dtí an Cúirt i nGaoth Dobhair chuig an Tiarna ‘Hunt’ . Obair go leor lé déanamh aici idir peinteáil agus freastal ar na cuairteoirí. Bhí sí ag stopadh ansin fosta. Ní raibh pá iontach aici ach bhí sé go measartha.

Fad: 00:05:10 Éist

---

Athrach mór ar an tsaol ins an bhaile anois ón am a d’imigh siad ar dtús. Rinne siad go sár mhaith daofa fhéin. Bhí siad ina gcónaí thart fá Ghort a’ Bhaile (na Gorbals) agus bhí daoine iontach maith ansin a chuidigh lena chéile. Phill léir daoine na bhaile fosta.

Fad: 00:04:25 Éist

---

Is breá leo pilleadh na bhaile go h-Éirinn ar saoire ach ní fhágfaidh siad Glaschú go brách. Tagann siad na bhaile go minic agus a thig leo ach tá siad socruithe thall anois.

Fad: 00:06:59 Éist

---

Scéalta grinn faoin am a théadh sí féin agus a cara ag damhsaí ar an rothar go Anagaire agus an Clochán Liath.

Fad: 00:09:14 Éist

---