Teach beag seascair a bhí acu le 2 sheomra ann agus ceann tuí air. Bhí urlár stroighne ann agus tine oscailte. Bhí an saol crua go leor ach bhí na daoine uilig breá sásta. Bhíodh daoine ag airneáin agus ag damhsaí sa teach go minic.

Fad: 00:03:33 Éist

---

Bhíodh Nóra í féin ag saothrú airgid ar an chniotáil agus dhéanadh sí 3 gheansaí sa choicís. D’fhoghlaim sí na patrúin ó bhean sa chomharsanacht. Bhí sí ag saothrú £10 ar gheansaí ar dtús nuair a thosaigh sí agus de réir a chéile chuaigh an luach suas. Bhí sí a ndíol le daoine cosúil leis na Cinnéidí in Ard an Rátha.

Fad: 00:02:34 Éist

---

An lasaid/losaid agus na préataí leis an dinnéar.

Fad: 00:00:41 Éist

---

D’fhág Nóra a baile i nGleann Léithín nuair a fuair a deartháir bás agus tá cónaí uirthi anois i mBaile na Finne. Fuair sí uimhir a haon ar an teach mar a ba mhian léi. Dhíol sí an baile agus tá cúpla óg ina gcónaí ann anois.

Fad: 00:02:12 Éist

---

Chuaigh sí ar scoil Ghleann Léithín ach ní raibh dúil ar bith aici ann. Bhí a hathair ag obair agus a máthair sa bhaile agus nuair a thagadh siad na bhaile ón scoil bhíodh a ndinnéir réidh ag a máthair. Ní raibh mórán airgid ag na daoine san am agus ní raibh mórán “dole” le fáil ach oiread. Lampaí “tilly” a bhíodh acu, ní raibh raidió ar bith acu, airneáin a bhí acu agus bhíodh píopaí acu a théadh thart ar gach duine.

Fad: 00:04:00 Éist

---

An saol anois; níl an oiread ina gcónaí i nGleann Léithín anois agus tá athrach mór ar an tsaol anois. Tá a sláinte maith agus téann sí go Ionad Lae na nGleannta trí lá sa tseachtain, baineann sí sult as sin.

Fad: 00:02:01 Éist

---

Bí Nóra an t-aon duine a d’fhan sa bhaile agus a chuidigh lena máthair le obair na feirme agus le obair an tí. Bhíodh sí féin ag cniotáil agus bhíodh a máthair ag cardáil agus ag sníodh. Rinne sí cuid mhór d’éadaigh an teaghlaigh.

Fad: 00:01:34 Éist

---

Eadra; buachailleacht le déanamh acu ar maidin agus tráthnóna. Bhíodh Nóra ag cniotáil agus í ag amharc i ndiaidh an eallaigh.

Fad: 00:01:33 Éist

---

Píosa beag ar chleamhnas. Théadh beirt fhear isteach ag athair na gcailíní agus buidéal uisce bheatha leo agus phiocadh an fear an cailín a b’fhearr leis agus chaitheadh seise a dhul leis.

Fad: 00:00:57 Éist

---

Tá leigheas ag Nóra do borrphéist a thug a hathair di, leigheas le dúch. Thug fear muinteartha as Tír Eoghain an leigheas dona hathair. Is iomaí duine a leigheas Nóra agus tagann go leor chuici.

Fad: 00:04:39 Éist

---

Comharthaí báis a fhaigheann sí gach am a fhaigheann duine muinteartha di bás. Chuala sí an bhean síodh fosta nuair a bhí sí go hóg agus í thíos ag taobh na habhann.

Fad: 00:03:53 Éist

---

Scéal eile fá shean teach atá ag taobh an tí acu agus an scéal atá ag gabháil leis. Tháinig sióg isteach chun tí ag fir a bhí ag baint mhóna an lá seo agus d’iarr sí orthu gan a bheith ag caitheamh uisce amach ar an doras. Dhruid siad an doras cúil agus níor osclaíodh ó shin é.

Fad: 00:02:36 Éist

---

Rugadh agus tógadh í i mbaile fearainn ar a dtugtar Gleann Léithín faoi Bhaile na Finne. Bhí ceithre chónaí ar an bhaile sin agus bhí ochtar ina an teaghlach ach d’imigh siad uilig ar fhostaíocht agus ag obair in Albain. D’imigh an clann agus bhí sin crua ar a máthair mar nach bhfeiceadh sí iad ar feadh 6 mí agus nach raibh béarla ar bith acu.

Fad: 00:03:19 Éist

---

Bhí Nóra tugtha don damhsa gus bhíodh sí ar shiúl léi ó bhaile go baile ag damhsaí. Bhí sí in hallaí, scoileanna agus tithe daoine fosta. Théadh sí ar an rothar go minic. Bhíodh duine inteacht i gcónaí ag buaileadh na fidle nó cairdín.

Fad: 00:01:45 Éist

---