Anois bíonn Peadar ag tógáil tithe garraithe déanta as adhmad.

Fad: 00:01:05 Éist

---

Ansin thosaigh sé ag obair sa bhádchlós in 1950. Thosaigh sé ar phrintíseacht ag foghlaim an cheird tógáil bád. Ba 17s-6d sa tseachtain an pa a fuair sé agus fuair sé a chuid páipéir i ndiaidh cúig bliana. Cuntas maith tugtha ag Peadar ar na blianta a chaith sé ag tógáil bád – leathbháid (half-deckers) agus trálaeir. Ba larch agus dair an t-adhmad a d’úsáid siad. Chaith sé 13 bliana ag obair sa bhádchlós ar na Dúnaibh.

Fad: 00:08:41 Éist

---

Thosaigh sé ag tógáil bád bradán ina dhiaidh sin in 1971 ina shiopa féin. Ba £3,200 a chosain an chéad bhád a thóg sé (tá sí thíos i gCorrán Binne) agus ba £42,000 a chosain an ceann deireanach a dhíol sé le hiascaire as Co. Mhaigh Eo. Ghlacadh na báid thart ar 3 mhí le tógáil. Bhí léir obair láimhe le déanamh san sin i dtógáil bád.

Fad: 00:04:26 Éist

---

Iascaireacht an slí beatha a bhí ar na Dúnaibh nuair a bhí Peadar ag fás aníos, scadáin is mó a bhí siad ag iascaireacht agus bhí leathbhád ag léir teaghlaigh. Bhí obair ann dona teaghlaigh uilig san am. Sruthlíonta a bhítear ag úsáid ar dtús ach thosaigh na trálaeir ansin agus chuir seo bagairt ar iascaireacht na scadáin agus fríd am chuir siad deireadh leis na scadáin ar fad.

Fad: 00:02:42 Éist

---

A chuimhne ar na báid a bhíodh ar na Dúnaibh, bhíodh léir curacha ann i gcónaí agus na daoine iad féin a bhí á ndéanamh.

Fad: 00:01:40 Éist

---

Cheannaigh sé a chéad charr nuair a bhí a phrintíseacht cúig bliana déanta aige. Carr dara láimhe a bhí inti a chosain £140, cheannaigh sé ar an Chraoslach í. Bhí sí aige 4 nó 5 bliana gur cheannaigh sé ceann úr a chosain £500 le cois an tsean chinn.

Fad: 00:01:18 Éist

---

Nuair a d’fhág sé an scoil ag 14 bliana d’aois, bhí sé ag giollacht dona galfairí ag an ostán go raibh sé 17 bliana d’aois.

Fad: 00:01:10 Éist

---

Cuntas ar mharbha an Tiarna Liatrom i gCoilligh na gCreatlaigh. An scéal a chuala seisean faoi seo óna mháthair mhór, gur trí fhear a rinne luíochán air. Beireadh ar fhear amháin agus cuireadh na phríosúin é ach deir an scéal gur bhris na fir eile amach arís é agus d’imigh sé go Meiriceá. Bhí fear ag tiomáint don Tiarna Liatrom a chuala faoin ionsaí an oíche roimh ré agus chuir sé tairne i gcos an bheithígh agus ní raibh sé ábalta an Tiarna a thiomáint an lá sin.

Fad: 00:03:49 Éist

---

As Ros na Binne a mhuintir. Chuaigh Peadar ar scoil Cheann an Leargaigh, scoil measctha le Caitlicigh agus Protastúnaigh uirthi.

Fad: 00:01:37 Éist

---

Logainmneacha – an míniú ar Ros na Binne, bhí bean ann a raibh siopa beag aici agus Róisín na Pingine a tugadh uirthi, ó sin go Ros na Pingine.

Fad: 00:00:48 Éist

---

Caitheamh Aimsire – bhíodh Peadar ag imirt peil do fhoireann na nDúnaibh. Bhain siad craobh sóisearach an chontae in 1957, in éadan Leitir Ceanainn. Chuir imirce isteach go mór ar an fhoireann ach choinnigh an bádchlós agus McNutts croí agus anam an fhóirinn. Ní raibh duine ar bith den fhoireann ag ól agus bhí siad ag traenáil agus ábalta i gcónaí.

Fad: 00:04:59 Éist

---