Chaith sé cúpla bliain ag obair sa bhádchlós ar na Dúnaibh ag foghlaim ceirde- tógáil bád. D’fhág sé sin de thairbhe a shláinte agus thosaigh ag iascaireacht, rud a thug go Gaillimh é.

Fad: 00:02:59 Éist

---

Iascaireacht scadán agus iasc bán amach as cé an Bhunbhig. Bád a bhí 35 troigh a bhí leo. Bhí easaontas idir na iascairí áitiúil agus báid as Albain. Bhí sé ag iascaireacht i mBaile An Easa, Gaoth Dobhair, Machaire Rabhartaigh agus Na Cealla Beaga fosta.

Fad: 00:07:12 Éist

---

D’fhág sé an scoil nuair a bhí sé trí bliana déag d’aois ar scoil Dhoire Chasain nuair a bhuail an máistir greadadh air. Chuir seo isteach go mór ar a shláinte agus chaith sé bliain anuas agus suas ag an dochtúir i gCarraig Airt.

Fad: 00:02:53 Éist

---

Phill sé na bhaile ins na seascaidí agus thosaigh ar obair thógála le conraitheoir as Baile na nGallóglach. D’fhoghlaim sé cuid mhór fá obair thógála agus thóg sé an teach ina bhfuil sé ina chónaí anois i nDoire Chasain.

Fad: 00:03:15 Éist

---

A chuimhne ar an chéad am a d’imigh sé go h-Albain (thart ar 1938) agus ar an bhád. Thosaigh sé ar obair thógála. D’fhág sé sin agus chuaigh sé go Sasana, Yarmouth agus thosaigh ag iascaireacht. Chuaigh sé as sin go Birmingham ag obair thógála fosta, ach fuair sé an bata agus an bóthar ansin. D’oibrigh sé i dtolláin i dtuaisceart na h-Alban ar £35 sa seachtain. Obair nach raibh ró-shláintiúil. Bhí an gadaíocht ag dul ar aghaidh sna campaí - ‘Models’.

Fad: 00:08:01 Éist

---

An Tiarna Liatrom – beagán beag scéalta faoin Tiarna agus na teaghlaigh a díshealbhaíodh. Chuireadh sé amach daoine murach bhfaigheadh sé cead a chinn le cailín óg a raibh a shúil aige uirthi.

Fad: 00:03:35 Éist

---

Píosa beag faoina chúlra agus Gort Mór inár tógadh é in Íochtar na nDúnaibh. Bhí seachtar sa chlann agus bhí siad ag brath ar an iascaireacht mar gur sin an tslí bheatha a bhí ag a athair. Bhí bád aige agus bhí punta le saothrú aige. Fuair a athair bás nuair a bhí sé ceithre bliana déag d’aois.

Fad: 00:04:33 Éist

---

Tá meath tagtha ar an Ghaeilge ar na Dúnaibh anois. Athrach mór ar na Dúnaibh agus go leor tithe úra (tithe saoire) tógtha ag daoine as an tuaisceart. Solas le feiceáil cúpla seachtain sa tSamhradh iontu agus an chuid eile den am, tá siad folamh.

Fad: 00:02:28 Éist

---