Sonraí an Agallaimh

Ainm:	Jimí Ó Gallchóir
Áit Chónaithe:	Caiseal na gCorr, Gort an Choirce, Gort an Choirce, Cloch Cheann Fhaola.
Áit Dúchais:	Caiseal na gCorr

Dáta

Bailitheoir

sdgsdg

27/03/2006

Dónall Dinny Ó Gallachóir

24/04/2006

Dónall Dinny Ó Gallachóir

**Catagóir: An Nádúr**
Fochatagóir	Cur Síos
Cineálacha Aimsire	Athrach atá tagtha ar an aimsir.

**Catagóir: Ceirdeanna agus Cothú an Tí**
Fochatagóir	Cur Síos
Uainíocht Bhliantúil na mBarr	Am agus dátaí le haghaidh na curaíochta. An t-am is fearr le treabhadh, prátaí (scoilteáin) agus coirce a chur.
Prátaí	Ag cur prátaí agus ag cur leasú agus clúdach orthu.
Ceirdeanna agus Cothú an Tí	Athrú a fheiceann Jimmy ar an tsaol. Scéal faoin fhear ag dul chun an aonaigh.
Móin	Nathanna cainte a bhaineann leis an phortach. Cur síos maith ar oibriú na móna. Ag lomadh bachtaí, ag páráil, ag tiontú (an mhóin a stálú).
Treabhadh agus Rómhar	An t-earrach agus obair ar an talamh.
Prátaí	Ag scoilteadh na bpréataí, cur síos maith ar obair thalaimh - treabhadh, fuirseadh agus ag cur na bpréataí, scoilteáin agus ag sábháil an fhéir.
Muca	Ag tabhairt aire de na muca.
Snaoisín	Ag caint ar na mná ag caitheamh snaoisín agus píopaí.
Ceirdeanna agus Cothú an Tí	Athrach mór tagtha ar an tsaol, an obair a bhíodh á déanamh acu, an t-éadach a chaití agus an táilliúr a bhí thall in Edinburgh.
Tuíodóireacht	Na cineálacha tithe a bhíodh acu agus ag cur tuí orthu. Tithe ceanntuí, cineálacha tí a bhí ann, cuntas speisialta maith ar chur tuí ar na tithe agus ar shábháil an líon a d'úsáidtí le tuí a chur ar na tithe.
Seanchas faoi Bhlí na mBó	Eadra, obair a dhéantar roimh am scoile m.sh. buachailleacht agus eallach.
Uainíocht Bhliantúil na mBarr	Ag obair sa bhaile ag cur barr. Nuair a d'fhág sé an scoil, rinne sé píosa feirmeoireachta, ag curaíocht. Insint mhaith ag Jimmy ar chur an bhairr agus ar na dátaí a gcuirtí na prátaí agus an coirce. Baint na móna fosta. Dhíoltaí na prátaí i Rann na Feirste, Anagaire, Mín an Chladaigh agus Gaoth Dobhair.

**Catagóir: Taisteal agus Gnó**
Fochatagóir	Cur Síos
Aontaí	Aontaí sa cheantar - Aonach Robertson ar na Crosbhealaigh, Aonach Ghort an Choirce agus Aonach an Chraoslaigh. Ag díol eallaigh agus muc.
Iompar Nua-Aimseartha	Stáisiún Chaiseal na gCorr, a chuimhne agus stair an stáisiúin, ag tabhairt ar shiúl móna agus agus ag tabhairt isteach cocháin. Ba 'Hectric Máistir' an Stáisiúin a bhí ann.

**Catagóir: Stairsheanchas**
Fochatagóir	Cur Síos
Stair an Teaghlaigh	Bunadh a mhuintire. Tháinig bunadh a mhuintire as Dún Lúiche thart fá Ionad Cois Locha. Ba de mhuintir Anna Ní Ghráinne (táilliúir) a mháthair mhór. Tá cuid den dream thart fá Chois Cladaigh go fóill.
Teangacha á labhairt in Éirinn	Meath na Gaeilge. Ag caint ar an mheath atá tagtha ar an Ghaeilge - An tionchar atá ag stráinséirí ag teacht isteach sa cheantar ar an teanga. An Béarla flúirseach.
Imirce	Daoine ag imeacht ar imirce, Droichead na nDeor. Ba ghnách le daoine siúl chuige sin leis na daoine a bhíodh ag imeacht ar imirce agus scarfadh siad ansin.

**Catagóir: An Pobal**
Fochatagóir	Cur Síos
Spailpíní	Ag imeacht go hAlbain. Cur síos ar an tsaol a bhí aige thall agus é in Albain. D'oibrigh sé ar fheirmeoireacht in Albain in 1949, bhí an obair fairsing. D'imigh se ansin go Londain agus bhí sé ag déanamh obair thógála ag an aerfort.
Rangú na hOibre	An obair a bhíodh á déanamh ag na mná an t-am sin. Tá cur síos aige ar thuirne, ag déanamh éadaí, geansaithe, stocaí, cuilteanna agus pláinceid, obair tí agus obair taobh amuigh. Dhíoltaí moll de na hearraí seo ag na haontaí.
Éadach Úr	Ag fáil éadaí ón táilliúr.

**Catagóir: An Ealaín Bhéil**
Fochatagóir	Cur Síos
Logainmneacha	Míniú ar an ainm 'Caiseal na gCorr'. Ballóga seanchaisleáin a bhíodh ann ina óige agus chruinníodh na corra ansin (ainm eile ar fhaoileoga). Roinneadh an áit ina cheithre chuid ó shin: Mín an Bhuí, Mín an Leá, Mín na Craoibhe agus Caiseal na gCorr.
Seanfhocail agus Nathanna Cainte	Seanráiteas - 'cíos agus gearradh agus beithíoch sa cheárta'. Ba ghnách leo sin a rá fadó le cur síos ar an méid airgid a caitheadh i rith na bliana agus ar an méid a bhí fágtha ag deireadh na bliana.
Seanfhocail agus Nathanna Cainte	Seanfhocail. Go leor seanfhocal agus nathanna cainte aige anseo - ruóg, feamhnóga, tonnóg (uachtar an chléibh ar an asal), ainmhí a thabhairt chun caidire (amach ar fhéar nuair atá siad ag fáil bháis), le biseach a dhéanamh daofa.
Seanfhocail agus Nathanna Cainte	Seanfhocail-2. Seanfhocail agus nathanna cainte - sluidín (giota slata as faoi na feamhnóga), cnead (ainmhí tinn, gan anall a bheith leis), rideal (in úsáid le coirce le réiteach leis an tsalachar, lochan a shéidtí ar shiúl. Caithleach a thugtaí air seo.)

**Catagóir: An Duine**
Fochatagóir	Cur Síos
An Óige agus Aois	A óige agus an saol ansin. An saol mar a bhí ina óige. Rugadh agus tógadh i gCaiseal na gCorr é. Bhí saol simplí ach crua acu. Cur síos ar oícheanta airneáin agus ar an fhear léannta a léadh na páipéir do na seandaoine uilig.
An Tórramh	An cosán a ghlactaí le coirp fadó. Nuair a bhíodh corp ag teacht as Dún Lúiche go Gort an Choirce, thugtaí anuas chuig Teach an Gheafta i bhFán an Bhuí é. Bhí ceangal láidir idir Dún Lúiche agus Caiseal na gCorr. Carr agus beithíoch a d'úsáid siad san am. Bhíodh na daoine ar dhroim bheithígh agus an chónair ar an charr.
Freastal ar an Fhaire	Na nósanna a bhíodh acu ag fairí fadó; ag díol coirce, ina suí ó oíche go maidin le cuideachta a choinneáil le chéile.
Reiligí Áitiúla	Seanchas ar theach pobal agus reilig Ghort an Choirce - an chéad duine a cuireadh sa tseanreilig.

**Catagóir: Lonnú agus Cónaí**
Fochatagóir	Cur Síos
An Teach Cónaithe	An t-athrach a tháinig le leictreachas. Tháinig athrach mór ar an tsaol nuair a tháinig an leictreachas. Tá i bhfad níos lú oibre le déanamh anois ná mar a bhíodh an t-am sin. Tá airgead, solas, uisce agus meaisíní níocháin ann anois.

Theme by Danetsoft and Danang Probo Sayekti inspired by Maksimer