Bealoideasbeo.com
Acadamh na hOllscolaíochta Gaeilge
Ainm: | Eoghan Ó Curraighín | |
Áit Chónaithe: | Teileann, Teileann, Gleann Cholm Cille. | |
Áit Dúchais: | An Baile Mór, Teileann |
Fochatagóir |
Cur Síos | |
---|---|---|
Tiarnaí Talaimh agus Tionóntaí | Tiarnaí talún, Musgrave, níos fearr arís ná Connelly. Thóg siad teach ósta don áit, thug siad isteach caoraí agus eallaigh. Bhí duine acu ina dhochtúir. Chuidigh siad go mór nuair a cruthaíodh 'Bord na gCeantúr Cúng'. Cheannaigh siad moll bádaí, tugadh cead do na daoine iad a choinneáil agus trian den airgead a rinne siad a thabhairt ar ais don chomhlacht. Ansin i ndiaidh cúig bliana tugadh cead don fhoireann an bád a dhíol agus ceann eile a fháil. | |
Obair | An obair chloiche agus thógála a bhíonn sé féin a dhéanamh. Ag caint ar a bhunadh, na glúnta roimhe, agus an dóigh a ndearna siadsan an obair chéanna roimhe. | |
Imirce | Imirce go Meiriceá, d'imigh go leor dá theaghlach féin agus a chomharsana agus níor phill siad ariamh. An tionchar a bhí aige sin ar a shaol. | |
An Lucht Siúil | Scéal faoi fhear siúil – Páidí Mór. | |
An Lucht Siúil | Lucht siúil a bhí sa cheantar fadó, ní raibh mórán acu ann agus dhíoladh siad earraí leis na daoine. Ba ghnách leo fanacht sna tithe agus bhíodh oícheanta airneála ag na daoine. | |
An Lucht Siúil | Bean siúil, Máire Chonnachta agus an scéal mar a thit sí amach leis an Eaglais. Bhí sí maith ag obair láimhe agus snáthaide agus dhíoladh sí rudaí ag an aonach. Fuair sí post mar chailín aimsire ar feadh cúpla bliain, casadh saighdiúir uirthi agus rugadh leanbh daofa, bhí an leanbh tinn ach ní raibh an sagart sásta é a bhaistiú as siocar nach raibh sí pósta. Lá amháin chuir sí an sagart i bhfolach nuair a bhí na saighdiúirí ina dhiaidh, mharaigh an saighdiúir a mac nuair nach n-inseodh Máire dó cén áit a raibh an sagart, ní raibh a fhios aige gur a mhac féin a bhí ann. D’fhág sí i gCo. Mhaigh Eo an t-am sin agus bhog sí ó áit go háit, chaith sí seal fada i dTeileann agus chum sí amhráin. Chuaigh sí go ceantar na Rosa ina dhiaidh sin. |
Fochatagóir |
Cur Síos | |
---|---|---|
Mallachtaí | Tragóid Bhroclais – mallacht a chur seanbhean darbh ainm Devenney ar chabhlach nuair a cailleadh na hiascairí. |
Fochatagóir |
Cur Síos | |
---|---|---|
Ainmhithe, Beithígh agus Eallach | Bhí go leor eolais ag daoine ó thaobh leigheasanna agus aicidí ar ainmhithe. | |
Seanchas faoin Iascaireacht | Seanchas Iascaireacht Theilinn. Tháinig meath ar an iascaireacht nuair a fuarthas saoirse ón Bhreatain. Rinne Cogadh na gCarad dochar mór don iascaireacht. | |
Iascaireacht | Zulus a thugtaí ar na bádaí a d'oibrigh siad orthu, bhí a athair féin orthu. D'oibrigh Gene é féin ar na bádaí seo nuair a d'fhág sé an scoil, ón aois 16 bhliain go dtí 20 bliain. Ag caint ar an iascaireacht a rinne siad, bhí na cearta iascaireacht uilig ag na tiarnaí talún. Bhí £5,000 de dhíth agus tugtar cur síos ar an dóigh a bhfuair na daoine sin ar ais, bhunaigh an sagart cumann agus chuidigh Gael Linn. D'oibrigh seo go maith, bhí cead acu iascaireacht san fharraige ach ní raibh ar an abhainn, athraíodh seo fosta. Bhí luach maith ar an bhradán ag an am sin. | |
Iascaireacht | Bhí fir as Ceanada ag déanamh staidéir ar aibhneacha agus ar iascaireacht na hÉireann in 1962 agus bhí siad ábalta feiceáil go dtiocfadh meath ar an tionscnamh seo agus an chúis a bheadh leis sin. An scrios a déanann daoine ar na héisc agus truailliú na habhann. | |
Iascaireacht | Ceannatiheoirí an éisc agus tógáil bádaí sna Cealla Beaga. HJ Nolan, Egans agus Ó Gallchóir. Bhí siad ag teacht ó Bhéal Feirste, Doire agus Contae Mhaigh Eo. Bhí a gcuid fear féin leo leis an obair a dhéanamh. | |
Iascaireacht | Fostaíocht i dTeileann anois, níl mórán ann níos mó. Tá monarchana sealadacha ag próiseáil éisc. Tionscadal na tógála is mó atá ann anois. Tháinig athrú mór ar an cheantar, moll tithe saoire á dtógáil. Tá na daoine óga ag imeacht le hobair a fháil, níl an oiread Gaeilge á labhairt níos mó. Tá Coláiste na Gaeilge agus na mná tí ag coinneáil na teanga beo. | |
Deochanna Meisciúla | Déantús an phoitín i dTeileann. Píosa filíochta faoi thragóid a tharla in 1803. | |
Seanchas faoin Iascaireacht | Pisreoga ina cheantar féin. Chaitheadh an fharraige a cuid féin a fháil. Scéal faoi lucht iascaireachta amuigh ar an fharraige, Jimí Johnny an 'skipper' a bhí ar an bhád agus cailleadh an bád. Bhí taibhsí ag cur mallachta ar iascairí ina dhiaidh sin. |
Fochatagóir |
Cur Síos | |
---|---|---|
Filí | Filíocht. Dán á rá aige faoi Biddy Shéamuis a fuair bás sa bhliain 1923. Iompraíodh i gcliabh í nuair a fuair sí bás. | |
Filí | Filíocht. Dán a scríobh an tAthair Mór Ó Domhnaill do chomórtas in 1935, 1300 bliain i ndiaidh bhás Cholm Cille, ina onóir. Guth Brodúil Thír Chonaill. | |
Filí | Mícheál an Choradáin, fear siúil sa cheantar a bhí maith ag cumadh dánta. Dán de chuid Mhícheáil á rá ag Gene. Chumadh sé na dánta ag brath ar an deirce a thugtaí dó nuair a théadh sé isteach i dteach. | |
Teangacha á labhairt in Éirinn | Brú ar an Ghaeilge. Thiocfadh leis na ceannródaithe níos mó a dhéanamh leis an Ghaeilge a choinneáil beo, níos mó Aifrinn i nGaeilge, cainteoir dúcháis atá sa sagart. |
Fochatagóir |
Cur Síos | |
---|---|---|
An Mhaighdean Mhara | A chuid eolais ar an mhaighdean mhara. Scéal faoi fhear a deirtear a chonaic í lá amháin agus a thug leis 'na bhaile í. | |
Taibhsí | Taibhsí i dteach tabhairne in áit darbh ainm Cúl an Dúin. Scéal faoi Sean Willie ar leis an áit ar dtús, cur síos ar Willie. |
Fochatagóir |
Cur Síos | |
---|---|---|
Colm Cille | Seanchas Cholm Cille, bunús a ainm, Criotán (sionnach óg) a baisteadh air, an chúis ar athraíodh é. Scéalta faoi theacht Cholm Cille agus tairngreacht a rinne Fionn Mac Cumhaill go mbeadh Colm Cille ag teacht. Cur síos ar Chónal gabháilban, Niall Naoighiallach. Naomh Pádraig ag baisteadh Cónal gabháilban. Scéal faoi aingeal a tháinig ag máthair Cholm Cille i mbrionglóid sular rugadh é. Bhí achrann idir Colm Cille agus Fionán faoi chóip de leabhair a bhí ag Colm Cille. Bunús ainm Sráth na Circe, cath a troideadh ansin. Cur síos ar an dóigh ar dhíbir Colm Cille diabhail ón Ghleann Dorcha i nGleann Cholm Cille. |
|
Na Naoimh | Scéal: An saighdiúir croíúil agus Naomh Peadar. | |
Colm Cille | Scéal faoin mhac a bhíodh ag imirt chártaí. Cearrbhach na Críbe agus Naomh Colm Cille. |
Fochatagóir |
Cur Síos | |
---|---|---|
Bunadh na hÁite | Stair agus seanchas Theileann. Tógadh an ché in 1883. Cur síos ar na manaigh a shocraigh san Íoslainn, tá a gcuid lámhscríbhínní ansin go fóill. Tá a lán de na logainmneacha céanna i dTeileann agus san Íoslainn mar gheall ar na thuras na mánach. Tá leabhar scríofa ar an dóigh ar fhág siad Teileann. |
Fochatagóir |
Cur Síos | |
---|---|---|
Toibreacha Beannaithe | Lorg teampaill atá ag cé eile, clochar a bhí ann. Bhí triúr deirfiúracha de Cholm Cille ann uair amháin agus déantar turas ann ar an 23 Meitheamh. Tá tobar beag ansin agus cur síos ar an dóigh leis an turas a dhéanamh. Tá pisreoga agus nósanna bainteach leis an áit. | |
Toibreacha Beannaithe | Pisreoga faoi Thobar na Cora, tobar draíochta in aimsir na Págantachta a raibh baint aige le daoine agus bádaí ar an fharraige agus a muintir a bhíodh sa bhaile ag guí ar a son. |
Fochatagóir |
Cur Síos | |
---|---|---|
Paidreacha | Liúireach Naomh Phádraig. | |
Paidreacha | Dán, ní fios cé a chum, a deirtí i ndiaidh an phaidrín. |
Fochatagóir |
Cur Síos | |
---|---|---|
Oilithreacht | Naomh Brocnach, séú haois, colceathar de Cholm Cille a bhí ann. Scéal faoina óige, nuair a rugadh é, tá tobar san áit anois. Scéal faoi rangú talún a rinne a athair idir a dheartháireacha. Tá ballóga teampall agus teach cónaithe ar bharr sléibhe, Sliabh Líag, an áit a raibh cónaí air le cois leacacha móra, Cathaoir na Naomh a thugtar air. Tá trí thobar agus altóir ann, ní bhíonn na toibreacha ariamh tirim agus déantar turas chuige ar an 10 Deireadh Fómhair. Tá cur síos ar an turas seo ag Poll an tSneachta. |
Theme by Danetsoft and Danang Probo Sayekti inspired by Maksimer